Odia Medium Class 6 Science Chapter 16 Jala ( ଜଳ ) Question & Answer

Odia Medium Class 6 Science Chapter 16 Jala ( ଜଳ ) Question & Answer

ଜଳ

1.   ପୃଥିବୀପୃଷ୍ଠର ଦୁଇ ତୃତୀୟାଂଶ ଜଳ ରହିଥିଲେ ମଧ୍ୟ ଜଳ ସଂରକ୍ଷଣର ଆବଶ୍ୟକତା ଅଛି | କାରଣ ଦର୍ଶାଅ |

·    ପୃଥିବୀ ପୃଷ୍ଠରେ ଥିବା ଦୁଇ ତୃତୀୟାଂଶ ଜଳ ମଧ୍ୟରୁ ଅଧିକାଂଶ ସମୁଦ୍ର ଜଳ |

·    ସମୁଦ୍ରଜଳ ଲବଣାକ୍ତ ହୋଇଥିବାରୁ ଏହା କୃଷି ତଥା ବ୍ୟବହାର ଅନୁପଯୁକ୍ତ ହୋଇଥାଏ |

·    ଆମର ଜଣ ସଂଖ୍ୟା ବୃଦ୍ଧି ସହିତ ଜଳର ଆବଶ୍ୟକତା ସେହି ଅନୁସାରେ ବଢି ଚାଲିଛି |

·    ତେଣୁ ଜଳାଭାବ ଦୂର କରିବା ପାଇଁ ଜଳ ସଂରକ୍ଷଣର ଆବଶ୍ୟକତା ରହିଛି |

2.   ପ୍ରଥମ ଶବ୍ଦ ଦ୍ଵୟର ସମ୍ପର୍କକୁ ଦେଖି ତୃତୀୟ ଶବ୍ଦ ସହ ସମ୍ପର୍କିତ ଶବ୍ଦ ଲେଖ |

a)   ଅଧିକ ବୃଷ୍ଟି : ବନ୍ୟା :: ଅନାବୃଷ୍ଟି : ମରୁଡି

b)   ପୋଖରୀ : ମଧୁର :: ସମୁଦ୍ର : ଲୁଣି

c)   ଜଳଶୋଷଣ : ଚେର :: ଜଲାମୋଚନ : ପତ୍ର

d)   ଜଳଚର ପ୍ରାଣୀ : ମାଛ :: ଜଳଜ ଉଦ୍ଭିଦ : କଇଁ

3.   ଜଙ୍ଗଲ କାଟି ଦେବା ଦ୍ଵାରା ବୃଷ୍ଟି ପରିମାଣ କମି ଯାଉଛି କାହିଁକି କୁହାଯାଉଛି ?

·    ଉଦ୍ଭିଦ ପତ୍ର ମାଧ୍ୟମରେ ଉତ୍ସ୍ୱେଦନ ପ୍ରକ୍ରିୟା କରେ | ଏହା ଦ୍ଵାରା ବାୟୁମଣ୍ଡଳକୁ ଜଳୀୟବାଷ୍ପ ଆସିଥାଏ |

·    ଜଙ୍ଗଲରେ ଥିବା ହଜାର ହଜାର ବିରାଟ ବୃକ୍ଷ ବାୟୁମଣ୍ଡଳକୁ ପ୍ରଚୁର ଜଳୀୟବାଷ୍ପ ଛାଡ଼ନ୍ତି |

·    ଏହି ଜଳୀୟବାଷ୍ପ ଘନୀଭୂତ ହୋଇ ମେଘ ସୃଷ୍ଟି କରନ୍ତି ଓ ମେଘରୁ ବର୍ଷା ହୁଏ |

·    ଜଙ୍ଗଲ କାଟି ଦେବା ଦ୍ଵାରା ଉଦ୍ଭିଦ ବାୟୁମଣ୍ଡଳକୁ ଜଳୀୟବାଷ୍ପ ଛାଡିପାରେ ନାହିଁ, ତେଣୁ ବୃଷ୍ଟି ପରିମାଣ କମିଯାଏ |

4.   କି କି ପଦକ୍ଷେପ ନେଲେ ମରୁଡି ହେବ ନାହିଁ ?

·    ଅଯଥା ଜଙ୍ଗଲ କାଟିବା ନାହିଁ |

·    ବର୍ଷା ଜଳକୁ ସଂରକ୍ଷଣ କରି ରଖିବା |

·    ଜଳକୁ ଅଯଥା ନଷ୍ଟ କରିବା ନାହିଁ |

·    ଜଳ ଉତ୍ସଗୁଡିକୁ ପୋତି ହେବାରୁ ରକ୍ଷା କରିବା ଓ ଯଥେଷ୍ଟ ବର୍ଷାଜଳ ସାଇତି ରଖିବା |

·    ଭୂତଳ ଜଳର ସୁବିନିଯୋଗ କରିବା |

ଉପରୋକ୍ତ ପଦକ୍ଷେପ ଗୁଡିକ ଗ୍ରହଣ କଲେ ମରୁଡି ହେବ ନାହିଁ |

5.   ଜଳର ଅପବ୍ୟୟ କମାଇବା ପାଇଁ ତିନୋଟି ଉପାୟ ଲେଖ |

. ଜଳର ଅପବ୍ୟୟ କମାଇବା ପାଇଁ ନିମ୍ନଲିଖିତ ପଦକ୍ଷେପ ନେବା ଉଚିତ |

·    ଜଳକୁ ଅଯଥା ଅଧିକ ବ୍ୟବହାର କରିବା ଓ ନଷ୍ଟ କରିବା ନାହିଁ |

·    ବ୍ୟବହାର ନ କରିବା ବେଳେ ପାଣି ଟ୍ୟାପକୁ ସର୍ବଦା ବନ୍ଦ ରଖିବା |

·    ଆବଶ୍ୟକତା ଠାରୁ ଅଧିକ ଜଳ କୃଷି କାର୍ଯ୍ୟରେ ବ୍ୟବହାର ନ କରିବା |