Odia Medium Class 6 Science (ବିଜ୍ଞାନ) Chapter 5 Bastura Prakara Bheda (ବସ୍ତୁର ପ୍ରକାର ଭେଦ) Notes

Sonali Ma'am avatar
Sonali Ma'am

Language : Odia

LRNR provides this material totally free

Odia Medium Class 6 Science (ବିଜ୍ଞାନ) Chapter 5 Bastura Prakara Bheda (ବସ୍ତୁର ପ୍ରକାର ଭେଦ) Notes


ବସ୍ତୁର ପ୍ରକାର ଭେଦ


ପୂର୍ବ ବିଷୟ ଗୁଡିକରେ ଆମେ ଖାଦ୍ୟ ଏବଂ ବସ୍ତ୍ର ବିଭିନ୍ନ ପ୍ରକାରର ବୋଲି ପଢିଥିଲେ | ତେବେ, ଖାଲି ଖାଦ୍ୟ ଏବଂ ବସ୍ତ୍ର ବିଭିନ୍ନ ପ୍ରକାରର ହୋଇନଥାଏ , ବସ୍ତୁ ମଧ୍ୟ ବିଭିନ୍ନ ପ୍ରକାରର ଥାଏ | ଆମ ଚାରିପାଖରେ ଯାହା କିଛି ବି ବସ୍ତୁ ଅଛି ଚେୟାର, ଟେବୁଲ, ଟିଭି, ଫ୍ରିଜ, ସାଇକେଲ, ଗାଡି, ଖାତା, ବହି ଏମିତି ବହୁତ କିଛି ଥାଏ ବିଭିନ୍ନ ପ୍ରକାରର |


  • ଏହି ସବୁ ବସ୍ତୁକୁ ଆମେ ନିଜର ଆବଶ୍ୟକତା ଅନୁସାରେ ବ୍ୟବହାର କରିଥାଉ |


  • ଯେମିତିକି ଚାଉଳ, ଡାଲି, ଗହମ, କ୍ଷୀର, ମାଛ, ମାଂସ, ଅଣ୍ଡା ଏ ସବୁକୁ ଆମେ ଖାଦ୍ୟ ରୂପେ ବ୍ୟବହାର କରିଥାଉ |


  • ସେହିପରି ପଶମ, ରେଶମ, କପା ଇତ୍ୟାଦିକୁ ଆମେ ବସ୍ତ୍ର ରୂପେ ବ୍ୟବହାର କରିଥାଉ | 


  • ଇଟା, ବାଲି, ଗୋଡି, ସିମେଣ୍ଟ, ରଡ ଇତ୍ୟାଦିକୁ ବ୍ୟବହାର କରି ଆମେ ଘର ତିଆରି କରିଥାଉ |


  • ଆମେ କ’ଣ ଏହି ସବୁ ମାନେ ବାଲି ,ଗୋଡି ,ସିମେଣ୍ଟ ଇତ୍ୟାଦିକୁ ଖାଦ୍ୟ ରୂପେ ବ୍ୟବହାର କରିପାରିବା କି ? ନାହିଁ |


  • ଆମେ କ’ଣ ଭାତ,ଡାଲି ,ରୁଟି ,ଅଣ୍ଡା ଏସବୁକୁ ବ୍ୟବହାର କରି ଘର ତିଆରି କରିପାରିବା କି ? ନାହିଁ 


  • କାରଣ ,ସବୁ ବସ୍ତୁ ଭିନ୍ନ ଭିନ୍ନ ପ୍ରକାରର ହୋଇଥାଏ | ସବୁ ବସ୍ତୁର ରଙ୍ଗ ଏବଂ ଆକୃତି ବା ଆକାର ମଧ୍ୟ ଭିନ୍ନ ଭିନ୍ନ ହୋଇଥାଏ ଏବଂ ପ୍ରତ୍ୟେକ ବସ୍ତୁ ଗୋଟିଏ ମୂଳ ବସ୍ତୁରୁ ତିଆରି ହୋଇଥାଏ |


ବସ୍ତୁର ଶ୍ରେଣୀ ବିଭାଗ:-


  • ଯେତେବେଳେ ଅନେକ ବସ୍ତୁକୁ ଅନୁଧ୍ୟାନ କରାଯାଏ ,ସେଗୁଡିକ ମଧ୍ୟରେ ଥିବା ସାଦୃଶ୍ୟ ଓ ପାର୍ଥକ୍ୟକୁ ବୁଝି ହୁଏ |


  • ପ୍ରତ୍ୟେକ ବସ୍ତୁର କେତେଗୁଡିଏ ଗୁଣ ଥାଏ | ଏହି ଗୁଣକୁ ଆଧାର କରି ବସ୍ତୁ ଗୁଡିକର ପ୍ରକାରଭେଦ କରାଯାଇଥାଏ |


  • କେତେକ ବସ୍ତୁ ପ୍ରାକୃତିକ ପ୍ରକ୍ରିୟାରେ ସୃଷ୍ଟି ହୋଇଥାଏ | ସେଗୁଡିକୁ ପ୍ରାକୃତିକ ବସ୍ତୁ କୁହାଯାଏ (ଗଛ ,ଫଳ ,ଘାସ ,ସୂର୍ଯ୍ୟ ) |


  •   ମନୁଷ୍ୟ ଦ୍ୱାରା ତିଆରି ହୋଇଥିବା ବସ୍ତୁକୁ କୃତ୍ରିମ ବସ୍ତୁ କୁହାଯାଏ | (ଟିଭି ,ଫ୍ୟାନ ,ଡ୍ରେସ ,ଘର ,ବ୍ୟାଗ ଇତ୍ୟାଦି ) |


  • ଏହିପରି ପ୍ରତ୍ୟେକ ବସ୍ତୁ ସଜୀବ ଏବଂ ନିର୍ଜୀବ ହୋଇଥାନ୍ତି | ତାହେଲେ ସଜୀବ ନିର୍ଜୀବ କ’ଣ ?


ସଜୀବ :


  • ଯାହାର ଜୀବନ ଅଛି ,ଛୋଟରୁ ବଡ ହୋଇପାରିବ ଏବଂ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ସ୍ଥାନାନ୍ତରିତ ହୋଇପାରିବ ,ତାହାକୁ ସଜୀବ କୁହାଯାଏ |
  • ଆଉ ନିଜ ପରି ଅନ୍ୟ ଏକ ଜୀବ ସୃଷ୍ଟି କରିପାରୁଥିବ କିମ୍ବା ଜନ୍ମ ଦେଇପାରୁଥିବ |
  • ଉଦାହରଣ :- ମଣିଷ ,ଗାଈ ,ଗଛ |  


 ନିର୍ଜୀବ :


  • ଯାହାର ଜୀବନ ନାହିଁ ,ଛୋଟରୁ ବଡ ହୋଇପାରିବ ନାହିଁ ,ଗୋଟିଏ ସ୍ଥାନରୁ ଅନ୍ୟ ଏକ ସ୍ଥାନକୁ ଯାଇପାରିବ ନାହିଁ | 
  • ତାହାକୁ ନିର୍ଜୀବ ବସ୍ତୁ କୁହାଯାଏ |ଉଦାହରଣ :- ଛତା ,ଗାଡି ,ଘର ଇତ୍ୟାଦି |


ବସ୍ତୁର ଗୁଣ :


  • ପ୍ରତ୍ୟେକ ବସ୍ତୁର ଦୁଇଟି ମୌଳିକ ଗୁଣ ଥାଏ | ତାହା କିଛି ସ୍ଥାନ ଅଧିକାର କରେ (ଇଟା), ତାହାର ବସ୍ତୁତ୍ଵ ଥାଏ (ଓଜନ) |
  • ବସ୍ତୁର ଅନ୍ୟ କେତୋଟି ଗୁଣ ହେଲା ,ତାହାର ରଙ୍ଗ/ବର୍ଣ୍ଣ ,ତା ପୃଷ୍ଠ ଭାଗର ମସୃଣତା ଓ ରୁକ୍ଷଣ ,ଉଜ୍ଜ୍ଵଳତା ,ସ୍ବଚ୍ଛତା ,ଦ୍ରବଣୀୟତା ଇତ୍ୟାଦି |
  • ବସ୍ତୁର ଚକ ଚକ ଦେଖାଯାଉଥିବା ଗୁଣକୁ ଉଜ୍ଜ୍ଵଳତା କୁହାଯାଏ |



ବସ୍ତୁର ଗୁଣ / ଶ୍ରେଣୀ ବିଭାଗ






ବସ୍ତୁର ଗୁଣ / ପ୍ରକାର ଭେଦ





ସ୍ଵଚ୍ଛ ବସ୍ତୁ :


  • ଯାହା ମଧ୍ୟ ଦେଇ ଆଲୋକ ଯାଇପାରୁଛି | ସେହି ବସ୍ତୁଗୁଡିକୁ ସ୍ଵଚ୍ଛ ବସ୍ତୁ କୁହାଯାଏ | 
  • ଉଦାହରଣ – କାଚଗ୍ଲାସ |


ଅସ୍ଵଚ୍ଛ ବସ୍ତୁ :


  • ଯେଉଁ ବସ୍ତୁ ଦେଇ ଆଲୋକ ଯାଇପାରୁ ନାହିଁ | ସେହି ବସ୍ତୁଗୁଡିକୁ ଅସ୍ଵଚ୍ଛ ବସ୍ତୁ କୁହାଯାଏ |
  • ଉଦାହରଣ – କାଠ ପଟା, କାର୍ଡ ବୋର୍ଡ |


ଅଳ୍ପସ୍ଵଚ୍ଛ ବସ୍ତୁ :



  • ଯେଉଁ ବସ୍ତୁ ମଧ୍ୟ ଦେଇ ଆଲୋକ ଆଂଶିକ ଭାବେ ଯାଇପାରିବ ସେହି ବସ୍ତୁଗୁଡିକୁ ଅଳ୍ପସ୍ଵଚ୍ଛ ବସ୍ତୁ କୁହାଯାଏ | 
  • ଉଦାହରଣ : କାଗଜରେ ତେଲ ଲଗାଇକି ଲାଇଟ ପକାଇବା |
Ratings
No reviews yet, be the first one to review the product.