Odia Medium Class 7 Science Chapter 15 Jala - Amulya Prakrutika Sampada ( ଜଳ – ଅମୂଲ୍ୟ ପ୍ରାକୃତିକ ସମ୍ପଦ ) Question & Answer

Odia Medium Class 7 Science Chapter 15 Jala - Amulya Prakrutika Sampada ( ଜଳ – ଅମୂଲ୍ୟ ପ୍ରାକୃତିକ ସମ୍ପଦ ) Question & Answer

ଜଳ – ଅମୂଲ୍ୟ ପ୍ରାକୃତିକ ସମ୍ପଦ

1.   ନିମ୍ନରେ ପ୍ରଦତ୍ତ ଉକ୍ତି ମଧ୍ୟରୁ ଠିକ ଓ ଭୁଲ ଉକ୍ତିକୁ ଯଥାକ୍ରମେ T ଓ F ଲେଖ |

a)   ପୃଥିବୀରେ ହ୍ରଦ ଓ ନଦୀଜଳର ପରିମାଣଠାରୁ ଭୂତଳ ଜଳର ପରିମାଣ ଅଧିକ | T

b)   ଗ୍ରାମାଞ୍ଚଳରେ ରହୁଥିବା ଲୋକମାନେ ଜଳ ଅଭାବ ଭୋଗ କରିଥାନ୍ତି | F

c)   ଜଳସେଚନ ପାଇଁ ନଦୀ ହିଁ ଏକମାତ୍ର ଉତ୍ସ ଅଟେ | F

d)   ବୃଷ୍ଟିପାତରେ ବର୍ଷାଜଳ ହିଁ ଶେଷ ଉତ୍ସ ଅଟେ | T

2.   ଶୂନ୍ୟସ୍ଥାନ ପୂରଣ କର |

a)   ଜଣେ ବ୍ୟକ୍ତି ମିଳିତ ଜାତିସଂଘର ସୂଚନା ଅନୁଯାୟୀ ୫୦ ଲିଟର ଜଳ ପ୍ରତିଦିନ ବ୍ୟବହାର କରେ |

b)   ଆନୁମାନିକ ହିସାବରେ ପୃଥିବୀ ପୃଷ୍ଠରେ ସମୁଦାୟ ଜଳ ୧୪୦ କୋଟି ଘନ କିଲୋମିଟର |

c)   ପୃଥିବୀରେ ଜଳ ୨୦ ଲିଟର ହେଲେ, ଆମ ନଦୀ, ହ୍ରଦର ଜଳର ପରିମାଣ ୧ /୪ ଚାମଚ ଅଟେ |

d)   ମେଘରେ ଜଳ ବାଷ୍ପ ଅବସ୍ଥାରେ ଥାଏ |

e)   ହୀରାକୁଦ ନଦୀବନ୍ଧ ମହାନଦୀ ନଦୀ ଉପରେ ନିର୍ମାଣ କରାଯାଇଛି |

f)   ନଳକୂପରେ ମିଳୁଥିବା ଜଳକୁ ଭୂତଳ ବା ପାନୀୟ ଜଳ କହିପାରିବା |

3.   ଭୂତଳ ଜଳ କିପରି ପୁନଃଭରଣା ହୁଏ, ବର୍ଣ୍ଣନା କର |

·    ବର୍ଷାଜଳ, ନଦୀବନ୍ଧ, ପୁଷ୍କରିଣୀ ଜଳ, ପରିତ୍ୟକ୍ତ,ଜଳ ଆଦି ମୃତ୍ତିକାରେ ଥିବା ଛିଦ୍ର ଦେଇ ମାଧ୍ୟାକର୍ଷଣ ଯୋଗୁଁ ତଳକୁ ତଳକୁ ପ୍ରବେଶ କରେ |ଏହି ପ୍ରକ୍ରିୟାକୁ ଅନ୍ତଃ ପରିସ୍ରବଣ କହନ୍ତି | ଏହି ଉପାୟରେ ଭୂତଳ ଜଳର ପୁନଃଭରଣ ହୋଇଥାଏ |

4.   ତୁମ ସାହିରେ ୫୦ଟି ଘର ଅଛି, ଦଶଟି ନଳକୂପ ରହିଛି | ଜଳସ୍ତର ଉପରେ କିପରି ସୁଦୂର ପ୍ରସାରୀ ପ୍ରଭାବ ପଡିବ ଲେଖ |

·    ହାରାହାରି ହିସାବରେ ଜଣେ ଲୋକ ପାଇଁ ଦୈନିକ ୫୦ ଲିଟର ଜଳ ବିଭିନ୍ନ କାର୍ଯ୍ୟ ପାଇଁ ଦରକାର | ଗୋଟିଏ ପରିବାରରେ ହାରାହାରି ୫ ଜଣ ହିସାବ କଲେ ଗୋଟିଏ ପରିବାର ପାଇଁ ଦୈନିକ ୨୫୦ ଲିଟର ଜଳ ଆବଶ୍ୟକ | ୫୦ଟି ଘର ପାଇଁ ଦୈନିକ ୨୫୦ x ୫୦ = ୧୨୫୦୦ ଲିଟର ଜଳ ଆବଶ୍ୟକ | ତେବେ ହାରାହାରି ପ୍ରତି ନଳକୂପରୁ ଦୈନିକ ୧୨୫୦ ଲିଟର ଜଳ ବ୍ଯବହୃତ ହେବ | ଏହା ଫଳରେ ସେଠାକାର ଜଳସ୍ତର ନିମ୍ନଗାମୀ ହେବ ଏବଂ ଅଧିକ ପରିମାଣର ଅବ୍ୟବହୃତ ପ୍ରଦୂଷଣ କରିବ |

5.   ଜଳସ୍ତର ନିମ୍ନୀକରଣର ବିଭିନ୍ନ କାରଣଗୁଡିକ ଲେଖ |

ଜନସଂଖ୍ୟା ବୃଦ୍ଧି, ଶିଳ୍ପ ଓ କୃଷିରେ ଜଳର ଅଧିକ ଉପଯୋଗ, ସ୍ୱଳ୍ପ ବୃଷ୍ଟି ଏବଂ ଜଙ୍ଗଲ କ୍ଷୟ |

ଜନସଂଖ୍ୟା ବୃଦ୍ଧି :-

         i.      ଜନସଂଖ୍ୟା ବୃଦ୍ଧି ହେତୁ ଜନସମୂହଙ୍କ ପାଇଁ ବାସଗୃହ, ରାସ୍ତାଘାଟ, ଦୋକାନ ବଜାର, କାର୍ଯ୍ୟାଳୟ ନିର୍ମାଣ ପାଇଁ ଜମି ଆବଶ୍ୟକ ହେତୁ ଖେଳପଡ଼ିଆ, ପାର୍କ ଓ ଚାରଣଭୂମି କମିଗଲାଣି |      

 ii.      ବର୍ଷାଜଳ କଂକ୍ରିଟ ଛାତ, ପିଚୁରାସ୍ତା, କଂକ୍ରିଟ ଚଟାଣ ଦେଇ ମାଟିତଳକୁ ଭେଦ କରିବା ସୁଯୋଗ ନ ପାଇବା କାରଣରୁ ଭୂତଳ ଜଳ ପୁନଃଭରଣ ପ୍ରକ୍ରିୟା ମନ୍ଦିତ ହେଉଛି |

      iii.      ଭୂତଳ ଜଳର ଅନିୟନ୍ତ୍ରିତ ବ୍ୟବହାର ମଧ୍ୟ ଜଳସ୍ତର କମିବାର ଏକ କାରଣ |

ଶିଳ୍ପ ଓ କାରଖାନା ବୃଦ୍ଧି :-

         i.      ଶିଳ୍ପ ଓ କାରଖାନା ସଂଖ୍ୟା ବୃଦ୍ଧି ଫଳରେ ସେଥିରେ ଭୂତଳ ଜଳ ଅଧିକ ବ୍ଯବହୃତ ହେଉଛି ଫଳରେ ଜଳସ୍ତର କମିଯାଉଛି ଓ ଜଳ ବିଷାକ୍ତ ମଧ୍ୟ ହେଉଛି |

କୃଷିକାର୍ଯ୍ୟ : -

         i.      ବର୍ଷସାରା ଚାଷ ପାଇଁ କେନାଲ ପାଣି ଓ ଉଠାଜାଳସେଚନରେ ଭୂତଳ ଜଳ ଉପଯୋଗ ହେଉଛି ତେଣୁ ଜଳସ୍ତର କମୁଛି |

ସ୍ଵଳ୍ପବୃଷ୍ଟି ଓ ଜଙ୍ଗଲ କ୍ଷୟ : -

         i.      ଜଙ୍ଗଲକ୍ଷୟ ଫଳରେ ମୌସୁମୀ ବାୟୁର ପ୍ରବାହରେ ବିଳମ୍ବତା ଓ ଅନିୟମିତତା ଦେଖାଦେଉଛି | କେଉଁଟି ସ୍ୱଳ୍ପବୃଷ୍ଟି ହେବା ଫଳରେ ସେଠାରେ ଜଳସ୍ତର କମିଯାଉଛି |

6.   ତୁମେ ବଗିଚାରେ ଜଳ ପରିଚାଳନା ପାଇଁ କିପରି ଯତ୍ନବାନ ହେବ ଲେଖ |

      i.      ଗଛ ଲଗାଇବା ପାଇଁ ସ୍ଥାନ ନିର୍ବାଚନ କରିବା |

      ii.     ଜଳ ନିଷ୍କାସନ ପାଇଁ ଉଚିତ୍ ବ୍ୟବସ୍ଥା |

      iii.     ନର୍ଦ୍ଦମା ଜଳରୁ ଶୁଦ୍ଧଜଳ ପ୍ରସ୍ତୁତ କରି ବାଗିଚାର ଗଛପାଇଁ ବ୍ୟବହାର କରିବା |

     iv.     କେତେବେଳେ କେମିତି ବଗିଚାରେ ଜଳାଭାବ ଯୋଗୁଁ ଗଛ ଉପରେ ତା’ର ପ୍ରଭାବକୁ ଲକ୍ଷ୍ୟ କରିବା ଓ ଟିପି ରଖିବା |

      v.      ବଗିଚା ଚାରିପାଖରେ ଜଳଧାରଣ କ୍ଷମତା ଥିବା ଗଛ ଯଥା – ଝାଉଁ, କାକ୍ଟସ ଓ କଣ୍ଟାଗଛର ବାଡ ବ୍ୟବହାର କରିବା |

7.   ନିମ୍ନୋକ୍ତ ବାକ୍ୟରଉ କେଉଁଟି ଜଳାଭାବ ପାଇଁ “ଦାୟୀ ନୁହେଁ” |

a)   ଶିଳ୍ପର ଦ୍ରୁତବୃଦ୍ଧି

b)   ଜନସଂଖ୍ୟା ବୃଦ୍ଧି

c)   ଅଧିକ ବୃଷ୍ଟିପାତ

d)   ଜଲଉତ୍ସର ପରିଚାଳନା

8.   କେଉଁଟି ପୃଥିବୀର ସମୁଦାୟ ଜଳପାଇଁ ଉଦ୍ଦିଷ୍ଟ |

a)   ନଦୀ ଓ ହ୍ରଦରେ ଜଳର ପରିମାଣ ନିର୍ଦ୍ଦିଷ୍ଟ ଅଟେ |

b)   ଭୂତଳ ଜଳର ପରିମାଣ ନିର୍ଦ୍ଦିଷ୍ଟ ଅଟେ |

c)   ସମୁଦ୍ର ଓ ମହାସାଗରରେ ଜଳର ପରିମାଣ ସ୍ଥିର ଅଟେ |

d)   ପୃଥିବୀର ଜଳର ପରିମାଣ ସ୍ଥିର |

9.   ଭୂତଳ ଜଳ ଓ ଜଳସ୍ତର ନାମାଙ୍କିତ ନକ୍ସା ଅଙ୍କନ କରି ରଙ୍ଗା ଦ୍ଵାରା ଦର୍ଶାଅ |

10. ତୁମ ଘରେ ଜଳ ଅପଚୟ ହେବାର ୫ ଗୋଟି ଦୃଷ୍ଟାନ୍ତ ଦିଅ |

a)   ଗାଧୋଇବା କୁଣ୍ଡରେ ଗାଧୋଇବା ଦ୍ଵାରା ଅଧିକ ଜଳ ଅପଚୟ ହୁଏ |

b)   ଦାନ୍ତଘଷା ବେଳେ ପାଣିଟ୍ୟାପ୍ ଖୋଲା ରଖିଲେ କିଛି ଜଳ ଅପଚୟ ହୁଏ |

c)   ପାଣିଟ୍ୟାପ ଲିକ୍ ହୋଇ ବେଳେବେଳେ ଜଳ ଅପଚୟ ହୁଏ |

d)   ବାସନକୁସନ ଓ ହାଣ୍ଡି ମଜାରେ ଅଧିକ ଜଳ ଅପଚୟ |

e)   ବେଳେବେଳେ ପାନୀୟ ଜଳରେ ପୋକ ଆଦି ପଡ଼ିଗଲେ କିମ୍ବା ଧୂଳି ଉଡି ପଡିଗଲେ ଆମେ ସେ ପାଣିକୁ ଢାଳିଦେଉ | ଫଳରେ ଜଳ ଅପଚୟ ଘଟେ |

11. ଲଗାତାର ଦୁଇବର୍ଷ ଅନ୍ୟବୃଷ୍ଟି ହେଲେ ସହରାଞ୍ଚଳ ଓ ଗ୍ରାମାଞ୍ଚଳରେ ଯେଉଁ ଯେଉଁ ଅସୁବିଧା ହେବ, ସେଥିରୁ ତିନୋଟି ଲେଖାଏଁ ଲେଖ |

ସହରାଞ୍ଚଳ :

         i.      ଭୂତଳ ଜଳର ସ୍ତର ନିମ୍ନଗାମୀ ହେବ |

       ii.      ପିଇବା ପାଣିର ଘୋର ଅଭାବ ଦେଖାଯିବ |

      iii.      ପନିପରିବା ଓ ଖାଦ୍ୟଦ୍ରବ୍ୟର ଦର ଅସ୍ଵଭାବିକ ଭାବେ ବୃଦ୍ଧିପ୍ରାପ୍ତ ହେବ |

ଗ୍ରାମାଞ୍ଚଳ :

         i.      ଫସଲହାନି ଘଟିବାରୁ ବିଲବାଡି ଶୁଷ୍କ ଦେଖାଯିବ |

       ii.      କୂଅ, ପୋଖରୀ ଆଦିରୁ ଜଳ ବହୁ ପରିମାଣରେ କମିଯିବ ତେଣୁ କେତେକେ ଜଳଜ ପ୍ରାଣୀଜ ଖାଦ୍ୟର ଅଭାବ ଦେଖାଯିବ |

     iii.      ପାଣିପାରିବାର ଉତ୍ପାଦନ କମିଯିବ |