Odia Medium Class 7 Science Chapter 17 Abarjanara Parichalana ( ଆବର୍ଜନାର ପରିଚାଳନା ) Question & Answer

Odia Medium Class 7 Science Chapter 17 Abarjanara Parichalana ( ଆବର୍ଜନାର ପରିଚାଳନା ) Question & Answer

ଆବର୍ଜନାର ପରିଚାଳନା

1.   ଶୂନ୍ୟସ୍ଥାନ ପୂରଣ କର |

a)   ଜଳରେ ଦୂଷିତ ପଦାର୍ଥ ମିଶିଥିଲେ ତାକୁ ଦୂଷିତ ଜଳ କୁହାଯାଏ |

b)   ଦୂଷିତ ଜଳକୁ ବିଶୁଦ୍ଧ କରିବା ପାଇଁ କ୍ଳୋରିନ୍ ବଟିକା ଏବଂ ଓଜୋନ ଗ୍ୟାସ୍ ରାସାୟନିକ ପଦାର୍ଥ ବ୍ୟବହାର କରାଯାଏ |

c)   ହଇଜା, ଆନ୍ତ୍ରିକ ଜ୍ଵର , କାମଳ କୁ ଜଳ ବାହିତ ରୋଗ କୁହାଯାଏ |

d)   ଦୂଷିତ ଜଳର ଉପଚାର ଫଳରେ ପଟୁମାଟି ଓ ଜୈବିକ ଗ୍ୟାସ ବାହାରେ |

e)   ନଦୀଗୁଡିକ ପଲିଥିନ ଓ ଛିଣ୍ଡାକନା ପାଇଁ ଜାମ୍ ହୋଇଯାଏ |

f)   ଘରୁ ବାହାରୁଥିବା ଦୂଷିତଜଳକୁ ଅପଚୟିତ ଜଳ କୁହାଯାଏ |

g)   ଦୂଷିତ ଜଳର ଉପଚାର ପ୍ଳାଣ୍ଟ ରେ ଦେଖାଯାଏ |

2.   କାରଣ ଲେଖ |

a)   ନଳାରେ ରନ୍ଧାତେଲ କିମ୍ବା ପୋଡା ମୋବିଲ୍ ଇତ୍ୟାଦି ପକାଇବା ଉଚିତ୍ ନୁହେଁ |

ନଳାରେ ରନ୍ଧା ତେଲ କିମ୍ବା ପୋଡା ମୋବିଲ୍ ଆଦି ପକାଇଲେ ମାଟିର ଜଳ ଶୋଷଣରେ ବାଧା ସୃଷ୍ଟି କରେ | ମାଟିର ଉପରସ୍ତରରେ ଏଗୁଡିକ ଲାଗି ରହିଯାଆନ୍ତି |

b)   କଠିନ ଆବର୍ଜନା ଯଥା ତୁଳା, କଣ୍ଢେଇ, ପ୍ଲାଷ୍ଟିକ୍, ଜରି ଇତ୍ୟାଦି ନଳାରେ ନ ପକାଇ ଡଷ୍ଟବିନ୍ ରେ ପକାଇବା ଉଚିତ୍ |

କଠିନ ଆବର୍ଜନା ଯଥା – ତୁଳା, କଣ୍ଢେଇ, ପ୍ଲାଷ୍ଟିକ୍ , ଜରି ଆଦି ନଳାରେ ପକାଇଲେ ଏଗୁଡିକ ନଳା ବନ୍ଦ କରିଦିଅନ୍ତି ଫଳରେ ଦୂଷିତ ଜଳ ନିଷ୍କାସିତ ହୋଇ ନପାରି ଜମିଯାଏ |

c)   ଦୂଷିତଜଳ ପ୍ରବାହିତ ସ୍ଥାନରେ ଇଉକାଲିପଟାସ୍ ଗଛ ଲଗାଇବା ଆବଶ୍ୟକ |

ଇଉକାଲିପଟାସ୍ ଗଛ ଅଧିକ ପରିମାଣର ଅପରିଷ୍କାର ଜଳ ଅତିଶୀଘ୍ର ଶୋଷଣ କରି ପରିଷ୍କାର ବାଷ୍ପ ବାୟୁମଣ୍ଡଳକୁ ଛାଡ଼ିଥାଏ ତେଣୁ ଦୂଷିତ ଜଳ ପ୍ରବାହିତ ସ୍ଥାନରେ ଇଉକାଲିପଟାସ୍ ଗଛ ଲଗାଇବା ଆବଶ୍ୟକ |d)   ଦୂଷିତ ଜଳର ଉପଚାର ସମୟରେ ପ୍ରଥମେ ବାରସ୍କ୍ରିନ୍ ଦେଇ ଛଡ଼ାଯାଏ |

ପ୍ରଥମେ ଦୂଷିତ ଜଳ ବାରସ୍କ୍ରିନ୍ ମଧ୍ୟଦେଇ ପ୍ରବାହିତ ହେବା ସମୟରେ ସେଥିରେ ଥିବା କାଠି, କୁଟା , ପ୍ଲାଷ୍ଟିକ୍ , ଜାରି , ତୁଳା , ଚିରାକନା ଆଦି ଛାଣି ହୋଇ ରହିଯାଏ |

e)   ଖୋଲା ପଡିଆରେ ଝାଡା ପରିଶ୍ରା କରିବା ମହାମାରୀର କାରଣ |

ଖୋଲା ପଡିଆରେ ଝାଡା ପରିଶ୍ରା କରିବା ଦ୍ଵାରା ସେଗୁଡିକ ବର୍ଷା ଜଳରେ ଧୋଇ ହୋଇ ନଦୀ, ପୋଖରୀ ଓ କେନାଲରେ ମିଶେ | ସେଥିରେ ଥିବା ନାନା ପ୍ରକାର ରୋଗ ଜୀବାଣୁ କୃମି , କୃମିର ଅଣ୍ଡା ଆଦି ନାନା ବିଷାକ୍ତ ପଦାର୍ଥ ଜଳକୁ ଦୂଷିତ କରେ | ଏହି ଦୂଷିତ ଜଳକୁ ପିଇଲେ, ସେଥିରେ ଗାଧୋଇଲେ ମହାମାରୀ ରୋଗ ହେବାର ସମ୍ଭାବନା ଥାଏ |

3.    

a)   ପରିଷ୍କାର ପରିଚ୍ଛନ୍ନତା ଓ ରୋଗ ମଧ୍ୟରେ ସମ୍ପର୍କ କ’ଣ ?

·    ପଡିଆରେ, ନଦୀକୂଳରେ , ରେଳଧାରଣରେ, ରାସ୍ତାକଡରେ, ପାଣିଭିତରେ ମଳତ୍ୟାଗ କଲେ ଜଳ ଦୂଷିତ ହୋଇ ହଇଜା, ଟାଇଫଏଡ଼୍ , ଜଣ୍ଡିସ୍ , ଚର୍ମରୋଗ ଆଦି ରୋଗ କରାଏ l

·    ଖାଲି ପାଦରେ ଝାଡା ଗଲେ ମଳରେ ଥିବା କୃମି ପାଦର ଚର୍ମ ଦେଇ ଶରୀର ମଧ୍ୟକୁ ପ୍ରବେଶ କରି ନାନା ପ୍ରକାର ରୋଗ ସୃଷ୍ଟି କରନ୍ତି |

b)   ଜଣେ ନାଗରିକ ହିସାବରେ ପରିମଳ ବ୍ୟବସ୍ଥା ପାଇଁ ତୁମର କର୍ତ୍ତବ୍ୟ କ’ଣ ?

·    ମନୁଷ୍ୟ ମାନଙ୍କ ଦ୍ଵାରା ଅଧିକ ଆବର୍ଜନା ସୃଷ୍ଟି ହୋଇଥାଏ | କିନ୍ତୁ ଆମେ ଚେଷ୍ଟା କଲେ ଆବର୍ଜନାର ପରିମାଣ କମାଇ ଦେଇ ପାରିବା |

·    ନାଳରୁ ବାହାରୁଥିବା ଦୁର୍ଗନ୍ଧ ବିରକ୍ତିକର | ଏଥିରେ ପାଣି ଥିବାରୁ ମାଛି, ମଶା ବଂଶବିସ୍ତାର କରି ପରିବେଶକୁ ଅସ୍ଵସ୍ଥ୍ୟକର କରି ଦିଅନ୍ତି | ତେଣୁ ନଳାଗୁଡିକ ଘୋଡଣି ଦେଇ ବନ୍ଦ କରାଇବା ଆବଶ୍ୟକ |

c)   ଦୂଷିତ ଜଳର ପୁନଃ ବ୍ୟବହାର ପାଇଁ ତୁମେ ବିଦ୍ୟାଳୟରେ କ’ଣ କ’ଣ କରିପାରିବ ?

·    ଆମ ଶ୍ରେଣୀ ପିଲା ଓ ଉପର ଶ୍ରେଣୀ ପିଲାଙ୍କ ସହାୟତାରେ ଶିକ୍ଷକଙ୍କ ଉପସ୍ଥିତିରେ ବିଦ୍ୟାଳୟ ହତାର ଏକ ପରିତ୍ୟକ୍ତ ସ୍ଥାନରେ ସୋପିତ୍ , ତିଆରି କରି ନଳାଦ୍ଵାରା ସୋପିକୁ ସଂଯୋଗ କରିବୁ |

·    ବଗିଚାରେ ବିଭିନ୍ନ ଗଛ ଲଗାଇ ଏଥିରେ ପାଣି ଦେବା ପାଇଁ ଏହି ନଳାରୁ ସଂଯୋଗ କରି ନଳା ତିଆରି କରିବୁ ଯେପରି ବଳକା ଜଳଗୁଡିକୁ ଗଛ ପାଇପାରିବ |

d)   ବିଦ୍ୟାଳୟ ପରିବେଶରେ ଶ୍ରେଣୀ କୋଠରୀରୁ ବାହାରୁଥିବା ଆବର୍ଜନା ନିଷ୍କାସନ ପାଇଁ କ’ଣ କରିବ ?

·    ଶ୍ରେଣୀଗୃହରୁ ବାହାରୁଥିବା କଠିନ ଆବର୍ଜନାଗୁଡିକ ପକାଇବା ପାଇଁ ଏକ ଡଷ୍ଟବିନ୍ ତିଆରି କରିବୁ | ଡଷ୍ଟବିନ୍ ଗୁଡିକ ପରିତ୍ୟକ୍ତ ପ୍ଲାଷ୍ଟିକ୍ ବାଲଟିରେ ମଧ୍ୟ କରାଯାଇ ପାରିବ |

·    ଡଷ୍ଟବିନ୍ ଗୁଡିକ ପୁରିଗଲେ ଏଗୁଡିକ ଗତଖୋଳି ପୋତି ଦେବା ବନ୍ଦୋବସ୍ତ କରିବୁ |

e)   ତୁମେ ବିଦ୍ୟାଳୟର ଶୌଚାଳୟ/ପାଇଖାନାର ସଦୁପଯୋଗ ପାଇଁ କ’ଣ ସବୁ କରିବ ?

·    ଚପଲ ପିନ୍ଧି ପାଇଖାନା ଯିବ |

·    ମଳତ୍ୟାଗ ପରେ ସାବୁନ୍ ରେ ହାତ ଧୋଇବ |

·    ପାଇଖାନାରେ ମଳତ୍ୟାଗ ପୂର୍ବରୁ ଓ ପରେ ପାଣି ଢାଳିବ |

·    ପାଇଖାନାରେ ବାଲଟି , ମଗ, ସାବୁନ ଓ ପାଣି ରଖିବ |

4.   ଟିପ୍ପଣୀ ଲେଖ |

a)   ଦୂଷିତ ଜଳ :-

·    ଆବର୍ଜନା ମିଶ୍ରିତ ଜଳକୁ ଦୂଷିତ ଜଳ କହନ୍ତି | ଘର ନାଳରେ ବୋହି ଯାଉଥିବା ଜଳ, ସହରରେ ପାଇଖାନା ଓ ଗାଧୁଆ ଘରୁ ବାହାରୁଥିବା ଜଳ,ଡାକ୍ତରଖାନା ନଳାରୁ ନିର୍ଗତ ଜଳ, ବିଦ୍ୟାଳୟ ନଳାରୁ ବାହାରୁଥିବା ଜଳ, ରାସ୍ତାର ଦୁଇପଟେ ଥିବା ନଳାର ଜଳ ବର୍ଷାଦ୍ଵାରା ଧୋଇ ହୋଇ ଯାଉଥିବା ଜଳ ଓ ବର୍ଷା ଫଳରେ ଛାତରୁ ବୋହି ହୋଇଯାଉଥିବା ଜଳ ଦୂଷିତ ଜଳର ଅନ୍ତର୍ଭୁକ୍ତ |

b)   ଜୈବିକ ଗ୍ୟାସ :-

·    ଦୂଷିତ ଜଳରେ ମନୁଷ୍ୟର ମଳ,ପଶୁପକ୍ଷୀଙ୍କ ମଳ ଅପରିଷ୍କୃତ ତୈଳ ଜାତୀୟ ପଦାର୍ଥ, ପଲିଥିନ, ପୋକମରା ଔଷଧ ଓ ପରିବାପତ୍ରର ଚୋପା ଆଦି ଜୈବିକ ପଦାର୍ଥ ଥାଏ | ଏଗୁଡିକ ଅପଘଟକ ମାନଙ୍କ ଦ୍ଵାରା ବିଘଟିତ ହୋଇ ମିଥେନ୍ ଆଦି ଗ୍ୟାସ୍ ଉତ୍ପନ୍ନ ହୁଏ | ଏଗୁଡ଼ିକୁ ଜୈବିକ ଗ୍ୟାସ୍ କହନ୍ତି |

c)   ଜଳର ଉପଚାର :-

·    ବର୍ଜ୍ୟବସ୍ତୁର ପୁନରୁଦ୍ଧାର ପରେ ଜଳରେ କେତେକ ଅନିଷ୍ଟକାରୀ ପଦାର୍ଥକୁ ବିଭିନ୍ନ ଉପଚାର ଦ୍ଵାରା ନଷ୍ଟ କରାଯାଏ |

·    ଦିଲ୍ଲୀ ନଗରୀରେ ଆବର୍ଜନା ଉପଚାର କାରଖାନାରୁ ଜୈବିକ ଗ୍ୟାସ୍ ଉତ୍ପନ୍ନ କରି ରୋଷେଇ କାର୍ଯ୍ୟରେ ବିନିଯୋଗ କରାଯାଉଛି |

d)   ଖୋଲାନଳାର ଅପକାରିତା : -

·    ଖୋଲା ନଳାରେ ଉଡି ଏଣୁ ତେଣୁ ପତ୍ର ଡାଳ ଆଦି ପଡି ଜଳ ନିଷ୍କାସନକୁ ବନ୍ଦ କରିଦିଏ |

·    ଖୋଲା ନଳାରେ ବୀଜାଣୁଗୁଡିକ ଅପଘଟନ କଲାପରେ ନିର୍ଗତ ଦୁର୍ଗନ୍ଧ ବାଷ୍ପ ପରିବେଶ ପ୍ରଦୂଷଣ କରେ |

·    ଖୋଲା ନଳାରେ ମଶା ମାଛି ବଂଶବୃଦ୍ଧି କରି ବିଭିନ୍ନ ରୋଗର ପ୍ରସାର କରିଥାଆନ୍ତି |

5.   ଅପଚୟିତ ଜଳରେ ଥିବା ବିଭିନ୍ନ ଉପାଦାନରୁ ୨ ଟି ଲେଖାଏଁ ଉଦାହରଣ ଲେଖ |

·    ଜୈବିକ ପଦାର୍ଥ – ଅପରିଷ୍କାର ତୈଳ ଜାତୀୟ ପଦାର୍ଥ, ଜୀବର ମଳ

·    ପୋଷକ – ନାଇଟ୍ରୋଜେନ୍ , ପୋଟାସିୟମ୍

·    ଅଜୈବିକ ପଦାର୍ଥ – ମାଟି, ଗୋଡି

·    ରାସାୟନିକ ପଦାର୍ଥ – ସୀସା , ଆର୍ସେନିକ୍ ଆଦି ଧାତୁ

·    ଅଣୁଜୀବ – ହଇଜା ବୀଜାଣୁ , ଆନ୍ତ୍ରିକ ଜ୍ଵର ବୀଜାଣୁ

6.   ପଲିଥିନ ଓ ପ୍ଲାଷ୍ଟିକ୍ ନିର୍ମିତ ପଦାର୍ଥର ବ୍ୟବହାର ପରେ ଏଣେତେଣେ ନ ଫିଙ୍ଗି ଫୋଡିବାଦ୍ୱାରା ପରିବେଶର କ’ଣ କ୍ଷତି ହୁଏ ?

·    ପଲିଥିନ୍ ଓ ପ୍ଲାଷ୍ଟିକ୍ କୁ ପୋଡ଼ିଲେ ପ୍ରଚୁର ପରିମାଣରେ ମିଥେନ୍ ଓ ଅନ୍ୟାନ୍ୟ ବିଷାକ୍ତ ଗ୍ୟାସ୍ ନିର୍ଗତ ହୋଇ ବାୟୁ ପ୍ରଦୂଷଣର ଅନ୍ୟତମ କାରଣ ହୋଇଥାଏ |

·    ଏହାର ପାଉଁଶ ମଧ୍ୟ ମୃତ୍ତିକା ପ୍ରଦୂଷଣ କରେ |

7.   ଆଜିକାଲି ଦେଖାଯାଉଥିବା “ରାସ୍ତାରୋକ” ବେଳେ ରାସ୍ତା ମଝିରେ ଟାୟାର କରାଯାଉଛି | ଏହାଦ୍ଵାରା ବାୟୁମଣ୍ଡଳ ଉପରେ କି ପ୍ରଭାବ ପଡେ ?

·    ଟାୟାରଗୁଡିକ ନାଇଲନ୍ ତଂତୁରୁ ପ୍ରସ୍ତୁତ କରାଯାଇଥାଏ | ଏହାକୁ ପୋଡ଼ିଲେ ଦୁର୍ଗନ୍ଧ ହୁଏ ଏବଂ ଦୂଷିତ ବାଷ୍ପ ନିର୍ଗତ ହୋଇ ପରିବେଶ ପ୍ରଦୂଷଣ କରେ |

·    ଏହା ଜାଲିସାରିବା ପରେ ସଙ୍କୁଚିତ ହୋଇ କଠିନ କଣ୍ଡି ସୃଷ୍ଟି ହୁଏ ତାହା ମୃତ୍ତିକାର ଯେଉଁ ସ୍ଥାନରେ ପଡିବ ମୃତ୍ତିକା ପ୍ରଦୂଷଣ କରିବ |

8.   ପୁରୁଣା ଓ ବ୍ୟବହାର ହୋଇସାରିଥିବା ଟାଏରଗୁଡିକ ସାଧାରଣତଃ ଆମେ ଅବ୍ୟବହୃତ ଜାଗାରେ ଫୋପାଡି ଦେଇଥାଉ | ଏଥିଯୋଗୁଁ ଯେଉଁ ସ୍ୱାସ୍ଥ୍ୟଗତ ସମସ୍ୟା ସୃଷ୍ଟି ହୁଏ ଲେଖ |

·    ପୁରୁଣା ଓ ଅବ୍ୟବହୃତ ଟାୟାରଗୁଡିକ ଜୈବ ଅବକ୍ଷୟ ଅଯୋଗ୍ୟ | ତେଣୁ ଏଗୁଡ଼ିକୁ ମୃତ୍ତିକାସ୍ର ବ୍ୟାକ୍ଟେରିଆ ନଷ୍ଟ କରିପାରନ୍ତି ନାହିଁ |

·    ଏଗୁଡିକ ମୃତ୍ତିକାରେ ପଡିରହି ମୃତ୍ତିକା ପ୍ରଦୂଷଣ କରେ | ବର୍ଷାଜଳ ମାଟିର ତଳସ୍ତରକୁ ଯିବାରେ ଏଗୁଡିକ ଅବରୋଧ କରିବା ଫଳରେ ଭୂତଳ ଜଳସ୍ତର କମିବାରେ ଏହ ସହାୟକ ହୋଇଥାଏ |

9.   ଅଣୁଜୀବମାନେ ଶୁଖିଲା ପତ୍ର ସହିତ ପ୍ରତିକ୍ରିୟା କରି କ’ଣ ସୃଷ୍ଟି କରନ୍ତି ?

a)   ବାଲି

b)   ଛତୁ

c)   ହ୍ୟୁମସ୍

d)   କାଠ

10. କଟକ ଓ ଭୁବନେଶ୍ୱର ଭଳି ବଡବଡ ସହରରୁ ନିର୍ଗତ ବହୁ ପରିମାଣରେ ବାହିତ ମଳକୁ ସଦୁପଯୋଗ କରିବା ପାଇଁ ଦୁଇଟି ଉପାୟ ଲେଖ |

·    ବାହିତ ମଳକୁ କମ୍ପୋଷ୍ଟ କରି ଖତ ରୂପେ ବ୍ୟବହାର କରାଯାଇ ପାରିବ |

·    ବାହିତମଳକୁ ଏକ ଟାଙ୍କିରେ ରଖୁ ବୀଜାଣୁମାନଙ୍କ ଦ୍ଵାରା ଅପଘଟନ କରାଇ ନିର୍ଗତ ଗ୍ୟାସ୍ କୁ ଜାଳେଣି ଓ ବିଜୁଳି ଉତ୍ପାଦନରେ ବ୍ୟବହାର କରାଯାଇପାରିବ l