- SCHOOL BOARDS
- BSE/CHSE ODISHA
- CLASS 8
- GEOGRAPHY
- Odia Medium Class 8 Geography Chapter-3 Krushi (କୃଷି) Question & Answer
Odia Medium Class 8 Geography Chapter-3 Krushi (କୃଷି) Question & Answer
Language : Odia
LRNR provides this material totally free
Odia Medium Class 8 Geography Chapter-3 Krushi (କୃଷି) Question & Answer
କୃଷି
1. ନିମ୍ନଲିଖିତ ପ୍ରତ୍ୟେକ ପ୍ରଶ୍ନର ପ୍ରାୟ ୫୦ଟି ଶବ୍ଦରେ ଉତ୍ତର ଦିଅ |
a) କୃଷି କାହାକୁ କୁହାଯାଏ ? ଚାରିଗୋଟି କୃଷିର ଉଦାହରଣ ଦିଅ |
କୃଷି ଅତି ପୁରାତନ | ଭୂମିକୁ କର୍ଷଣ କରି ବିଭିନ୍ନ ପ୍ରକାର ଶସ୍ୟ ଉତ୍ପାଦନ କରିବା ପ୍ରକ୍ରିୟାକୁ କୃଷି କୁହାଯାଏ |
ପୃଥିବୀର ଲୋକସଂଖ୍ୟାର ଶତକଡା ୬୫ ଭାଗ ଓ ଭାରତର ଲୋକସଂଖ୍ୟାର ପ୍ରାୟ ଦୁଇ – ତୃତୀୟାଂଶ ଲୋକ କୃଷିକୁ ଜୀବିକା ରୂପେ ଗ୍ରହଣ କରିଛନ୍ତି |
ଚାରିଗୋଟି କୃଷିର ଉଦାହରଣ –ପଶୁପାଳନ, ମତ୍ସ୍ୟ ଚାଷ, ମହୁଚାଷ, ରେଶମକୀଟ ପାଳନ
b) କୃଷି କାର୍ଯ୍ୟକୁ ପ୍ରଭାବିତ କରୁଥିବା ଉପାଦାନ ଗୁଡିକ ଉଲ୍ଲେଖ କର |
କୃଷିକାର୍ଯ୍ୟ ପାଇଁ ଉପଯୁକ୍ତ ପରିବେଶ ଦରକାର |
କୃଷିକାର୍ଯ୍ୟକୁ ସୌରତାପ, ବୃଷ୍ଟିପାତ, ଭୂମିର ଗଠନ, ଉପଯୋଗୀ ମୃତ୍ତିକା ଇତ୍ୟାଦି ପ୍ରାକୃତିକ ନିବେଶ ପ୍ରଭାବିତ କରିଥାଏ |
ଶ୍ରମ, ବିହନ, କୃଷି ଯନ୍ତ୍ରପାତି, ରାସାୟନିକ ସାର, କୀଟନାଶକ, ଜଳସେଚନ, ଶସ୍ୟ ସଂରକ୍ଷଣ ବ୍ୟବସ୍ଥା ଇତ୍ୟାଦି ମାନନୀୟ ନିବେଶ ମଧ୍ୟ କୃଷିକାର୍ଯ୍ୟକୁ ପ୍ରଭାବିତ କରିଥାଏ |
ଏହି ଦୁଇ ନିବେଶ ବ୍ୟତୀତ ଜମିର ମାଲିକାନା, ଆର୍ଥିକ ବିକାଶ, କୃଷିନୀତି କୃଷିର ମାନବୃଦ୍ଧି ପାଇଁ ସହାୟକ ହୋଇଥାଏ |
c) ସ୍ଥାନାନ୍ତରିତ କୃଷିର ବିଶେଷତ୍ଵ କ’ଣ ? ଭାରତର ତିନିଗୋଟି ସ୍ଥାନାନ୍ତରିତ କୃଷିର ନାମ ଓ ସେଗୁଡିକ କେଉଁ କେଉଁ ରାଜ୍ୟରେ କରାଯାଇଥାଏ ଲେଖ |
ସ୍ଥାନାନ୍ତରିତ କୃଷିରେ ଜଙ୍ଗଲର କିଛି ଅଂଶ ପ୍ରଥମେ ସଫା କରି ଓ ବୃକ୍ଷର ପ୍ରତ୍ଯେକ ଅଂଶକୁ ପୋଡି ଏହାର ପାଊଁଶକୁ ଜମିରେ ମିଶାଇ ଜମିର ଉର୍ବରତା ବୃଦ୍ଧି କରି କୃଷିକାର୍ଯ୍ୟ କରାଯାଏ |
ଏହି ଜମିରେ ଦୁଇ ତିନିବର୍ଷ ଚାଷ କରିବାଦ୍ୱାରା ଜମିର ଉର୍ବରତା କମିଯିବାରୁ ଏହି ଚାଷଜମିକୁ ତ୍ୟାଗକରି ଜଙ୍ଗଲର ଅନ୍ୟ ଅଂଶକୁ ପୋଡି ଚାଷ କରାଯାଏ | ଏହିପରି କୃଷିକାର୍ଯ୍ୟ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ସ୍ଥାନାନ୍ତରିତ ହେଉଥିବାରୁ ଏହା ସ୍ଥାନାନ୍ତରିତ କୃଷି କୁହାଯାଏ |
ଜଙ୍ଗଲ କାଟି ଓ ପୋଡି ଜମିରେ ଚାଷ କରାଯାଉଥିବାରୁ ଏହାକୁ କର୍ଷଣ ଓ ଦହନ କୃଷି କୁହାଯାଏ |
ଭାରତର ତିନିଗୋଟି ସ୍ଥାନାନ୍ତରିତ କୃଷିର ନାମ ହେଲା – ଝୁମ, ପୁନମ ଓ ପୋଡ଼ୁ |ଉତ୍ତର – ପୂର୍ବ ଭାରତରେ ଝୁମ, କେରଳରେ ପୁନମ ଓ ଓଡ଼ିଶାର ପାହାଡିଆ ମାଳ ଅଞ୍ଚଳରେ ପୋଡୁଚାଷ କରାଯାଇଥାଏ |
d) ରୋପଣ କୃଷି କାହାକୁ କହନ୍ତି ? ଦୁଇଟି ରୋପଣ କୃଷିର ନାମ ଉଲ୍ଲେଖ କର |
ଫସଲ ରୋପଣଦ୍ୱାରା କରାଯାଉଥିବା କୃଷିକୁ ରୋପଣ କୃଷି କୁହାଯାଏ |
କ୍ରାନ୍ତି ମଣ୍ଡଳର ବିସ୍ତୃତ ଅଞ୍ଚଳରେ ଏହି କୃଷି କରାଯାଏ |
ରୋପଣ କୃଷି ଏକ ବାଣିଜ୍ୟଭିତ୍ତିକ ବା ଅର୍ଥକାରୀ କୃଷି ହୋଇଥିବାରୁ ଏଥିପାଇଁ ଅଧିକ ପୁଞ୍ଜି, ବିସ୍ତୃତ ଭୂମି ଓ ଅଧିକ ଶ୍ରମିକ ଆବଶ୍ୟକ ହୋଇଥାଏ |
ଚାହା ଓ ରବର ଦୁଇଟି ରୋପଣ କୃଷିର ଉଦାହରଣ |
e) ଦୁଇଟି ତନ୍ତୁ ଜାତୀୟ ଫସଲର ନାମ ଲେଖ | କେଉଁ ପ୍ରାକୃତିକ ପରିବେଶରେ ସେହି ଫସଲଗୁଡିକ ଭଲହୁଏ ଲେଖ |
ଦୁଇଟି ତନ୍ତୁ ଜାତୀୟ ଫସଲର ନାମ ହେଉଛି କପା ଓ ଝୋଟ |
କପା ଚାଷ ପାଇଁ ଅଧିକ ଉତ୍ତାପ, ଅଧିକ ବୃଷ୍ଟିପାତ ଓ ଉତ୍ତମ ଜଳସେଚନ ଆବଶ୍ୟକ | ପଟୁ ପଙ୍କ ଓ ଜୈବସାର ଥିବା ମୃତ୍ତିକା କପାଚାଷ ପାଇଁ ଉପଯୋଗୀ | କ୍ରାନ୍ତିୟ ଓ ଉପକ୍ରାନ୍ତିୟ ଅଞ୍ଚଳରେ କପାଚାଷ ଭଲ ହୁଏ |
ଝୋଟଚାଷ ପାଇଁ ଉର୍ବର ପଟୁ ମୃତ୍ତିକା, ଆର୍ଦ୍ର ଜଳବାୟୁ,ଅତ୍ୟଧିକ ବୃଷ୍ଟିପାତ ଆବଶ୍ୟକ | କ୍ରାନ୍ତିୟ ଅଞ୍ଚଳରେ ଝୋଟ ଚାଷ ଭଲହୁଏ |
2. ସଂକ୍ଷେପରେ ଲେଖ |
a) ମିଶ୍ରିତ କୃଷି
ଖାଦ୍ୟଶସ୍ୟ, ପଶୁ ଖାଦ୍ୟ ଉତ୍ପାଦନ ସହ ପଶୁପାଳନରୁ ମିଶ୍ରିତ କୃଷି କୁହାଯାଏ |
ଏହି କୃଷି କ୍ରାନ୍ତିୟ ଜଳବାୟୁ ଅଞ୍ଚଳ ଯଥା :- ଏସିଆର ଥାଇଲାଣ୍ଡ, ଯୁକ୍ତରାଷ୍ଟ୍ର ଆମେରିକାର ପୂର୍ବଭାଗ, ଦକ୍ଷିଣ ଆଫ୍ରିକା, ନିଉଜିଲାଣ୍ଡ , ଅଷ୍ଟ୍ରେଲିଆର ଦକ୍ଷିଣ – ପୂର୍ବାଂଶ, ଇଉରୋପ ଓ ଦକ୍ଷିଣ ଆମେରିକାର ଅର୍ଜେଣ୍ଟିନାରେ କରାଯାଇଥାଏ |
b) ଉଦ୍ୟାନ କୃଷି
ସହର ଓ ବଡବଡ ନଗରରେ ବାସ କରୁଥିବା ଲୋକମାନଙ୍କର ଆବଶ୍ୟକତା ପୂରଣ ପାଇଁ ତାହାର ଚତୁଃପାର୍ଶ୍ଵରେ ପନିପରିବା ଓ ଫଳଫୁଲ ଆଦି ଚାଷକୁ ଉଦ୍ୟାନ କୃଷି କହନ୍ତି |
ଭାରତର ଉପକୂଳବର୍ତ୍ତୀ ଅଞ୍ଚଳରେ ଏହି ଚାଷ ବିଶେଷ ଭାବରେ କରାଯାଏ |
c) ସଘନ ପ୍ରୟୋଜନଭିତ୍ତିକ କୃଷି
ଉର୍ବର ମୃତ୍ତିକା ଓ ଅନୁକୂଳ ଜଳବାୟୁରେ ଛୋଟ ଛୋଟ ଜମିରେ ଉନ୍ନତ ବିହନ, ନିୟମିତ ଜଳସେଚନ, ନିର୍ଦ୍ଧିଷ୍ଟ ପରିମାଣରେ ସାର ପ୍ରୟୋଗ କରି ଅଧିକ ଶ୍ରମିକ ଦ୍ୱାରା ଚାଷ କରି ଅଧିକ ଫସଲ ଉତ୍ପାଦନକୁ ସଘନ ପ୍ରୟୋଜନଭିତ୍ତିକ କୃଷି କୁହାଯାଏ |
ଦକ୍ଷିଣ, ଦକ୍ଷିଣ – ପୂର୍ବ ଏସିଆ ଓ ପୂର୍ବ ଏସିଆର ମୌସୁମୀ ଅଞ୍ଚଳରେ, ପଶ୍ଚିମ ଇଉରୋପ ଓ ଭୂମଧ୍ୟସାଗରୀୟ ଅଞ୍ଚଳରେ ସଘନ ପ୍ରୟୋଜନଭିତ୍ତିକ କୃଷି ବିଶେଷଭାବେ କରାଯାଏ |
3. ଭୌଗଳିକ କାରଣ ଦର୍ଶାଅ |
a) ଆସାମରେ ଚାହାଚାଷ ହୁଏ |
ଆସାମରେ ଅଧିକ ବୃଷ୍ଟିପାତ ହୁଏ | ଏହାର ଉଷ୍ଣ ଆର୍ଦ୍ର ଜଳବାୟୁ ଚାହାଚାଷ ପାଇଁ ଉପଯୋଗୀ |
ଆସାମର ପାହାଡିଆ ଗଡାଣିଆ ଅଞ୍ଚଳ ମଧ୍ୟ ଚାହାଚାଷ ପାଇଁ ଅନୁକୂଳ |
ଏସବୁ ଭୌଗୋଳିକ କାରଣ ଯୋଗୁଁ ଆସାମରେ ଅଧିକ ଚାହାଚାଷ କରାଯାଏ |
b) ଧାନ ଏକ କ୍ରାନ୍ତିମଣ୍ଡଳୀୟ ଫସଲ |
ଧାନ ଫସଲ ପାଇଁ ଅଧିକ ଉତ୍ତାପ, ଅଧିକ ଆର୍ଦ୍ରତା ଓ ଅଧିକ ବୃଷ୍ଟିପାତ ଆବଶ୍ୟକ ହୋଇଥାଏ |
ଧାନଚାଷ ନଦୀ ଉପତ୍ୟକା ତ୍ରିକୋଣଭୂମି ଅଞ୍ଚଳ, ମଟକ, ପଟୁ ଓ ଦୋରସା ମାଟିରେ ଭଲ ହୁଏ |
କ୍ରାନ୍ତିୟ ଓ ଉପକ୍ରାନ୍ତିୟ ଅଞ୍ଚଳରେ ଧାନଚାଷ ପାଇଁ ଉପଯୋଗୀ ଜଳବାୟୁ ଓ ମୃତ୍ତିକା ଉପଲବ୍ଧ ହେଉଥିବାରୁ ଏଠାରେ ଅଧିକ ଧାନଚାଷ ହୁଏ | ତେଣୁ ଧାନ ଏକ କ୍ରାନ୍ତିମଣ୍ଡଳୀୟ ଫସଲ |
c) ଇଜିପ୍ଟ ଏକ ପ୍ରମୁଖ ତୁଳା ରପ୍ତାନୀକାରୀ ଦେଶ |
ଉର୍ବର ପଟୁମାଟି, ଯଥେଷ୍ଟ ସାର ପ୍ରୟୋଗ, ଉତ୍ତମ ଜଳସେଚନ ବ୍ୟବସ୍ଥା ଓ ସରକାରୀ ସହାୟତାର ସୁଯୋଗ ହେତୁ ଇଜିପ୍ଟରେ ଅଧିକ କପାଚାଷ କରାଯାଏ |
ତେଣୁ ଇଜିପ୍ଟ ଏକ ପ୍ରମୁଖ ତୁଳା ରପ୍ତାନୀକାରୀ ଦେଶ |
4. ପାର୍ଥକ୍ୟ ଦର୍ଶାଅ |
a) ପ୍ରାଥମିକ ପ୍ରକ୍ରିୟା ଓ ତୃତୀୟକ ପ୍ରକ୍ରିୟା
ପ୍ରାଥମିକ ପ୍ରକ୍ରିୟା
ପ୍ରାକୃତିକ ପରିବେଶରୁ ବିଭିନ୍ନ ଦ୍ରବ୍ୟ ସଂଗ୍ରହ ; ଯଥା – ଜମିରୁ ଶସ୍ୟ ଉତ୍ପାଦନ, ନଦୀ, ଜଳାଶୟ ଓ ସମୁଦ୍ରରୁ ମତ୍ସ୍ୟ ସଂଗ୍ରହ, ଜଙ୍ଗଲରୁ କାଠ, ବାଉଁଶ, ଫଳ, ଝୁଣା, ମହୁ ଆଦି ଦ୍ରବ୍ୟ ସଂଗ୍ରହ, ଖଣିରୁ ଧାତୁ ଉତ୍ତୋଳନ, ପଶୁପାଳନ ଇତ୍ୟାଦି କାର୍ଯ୍ୟଗୁଡିକ ପ୍ରାଥମିକ ପ୍ରକ୍ରିୟାର ଅନ୍ତର୍ଭୁକ୍ତ |
ତୃତୀୟକ ପ୍ରକ୍ରିୟା
ଧାନକୁ ଚାଉଳରେ ପରିଣତ କରି ଶଗଡ ବା ଟ୍ରକ ଇତ୍ୟାଦି ପରିବହନ ସେବା ଜରିଆରେ ଅନ୍ୟସ୍ଥାନକୁ ପଠାଇବା କାର୍ଯ୍ୟ ତୃତୀୟକ ପ୍ରକ୍ରିୟାରେ ଅନ୍ତର୍ଭୁକ୍ତ | ସେହିପରି ବ୍ୟାଙ୍କ, ବୀମା, ବାଣିଜ୍ୟ, ଟେଲିଫୋନ, ବିଦ୍ୟୁତଶକ୍ତି ଯୋଗାଣ ଆଦି କାର୍ଯ୍ୟଗୁଡିକ ତୃତୀୟକ ପ୍ରକ୍ରିୟା ଅନ୍ତର୍ଭୁକ୍ତ |
b) ପ୍ରୟୋଜନଭିତ୍ତିକ କୃଷି ଓ ବାଣିଜ୍ୟଭିତ୍ତିକ କୃଷି
କୃଷକ ତା’ର ପରିବାରର ଦୈନନ୍ଦିନ ଖାଦ୍ୟ ଆବଶ୍ୟକତା ପୂରଣ ପାଇଁ କରୁଥିବା କୃଷିକୁ ପ୍ରୟୋଜନଭିତ୍ତିକ କୃଷି କୁହାଯାଏ |
ଭାରତ, ଚୀନ ପ୍ରଭୃତି ରାଷ୍ଟ୍ରରେ ପାରମ୍ପରିକ ପୁରାତନ ପଦ୍ଧତିରେ ଏହି ପ୍ରକାର ଚାଷ କରାଯାଏ |
ବାଣିଜ୍ୟଭିତ୍ତିକ କୃଷି
ବିଭିନ୍ନ ସ୍ଥାନ ବା ଦେଶ ମଧ୍ୟରେ କୃଷି ଉତ୍ପାଦିତ ଦ୍ରବ୍ୟର ବାଣିଜ୍ୟ ବା ବିନିମୟର କାର୍ଯ୍ୟ କରାଯିବା ଉଦ୍ଦେଶ୍ୟରେ କରାଯାଇଥିବା କୃଷିକୁ ବାଣିଜ୍ୟଭିତ୍ତିକ କୃଷି କୁହାଯାଏ |
ଯୁକ୍ତରାଷ୍ଟ୍ର ଆମେରିକା, କାନାଡା, ଇଉକ୍ରେନ୍, ଋଷିଆ, ଆର୍ଜେଣ୍ଟିନା,ଅଷ୍ଟ୍ରେଲିଆ ପ୍ରଭୃତି ଦେଶମାନଙ୍କରେ ଏହି ପ୍ରକାର କୃଷି ବ୍ୟାପକ ଭାବରେ କରାଯାଏ |
c) ଶୁଷ୍କ କୃଷି ଓ ଆର୍ଦ୍ର କୃଷି
୫୦ ସେ. ମି. ରୁ କମ୍ ବୃଷ୍ଟିପାତ ହେଉଥିବା ଅଞ୍ଚଳରେ କରଯାଉଥିବା କୃଷିକୁ ଶୁଷ୍କ କୃଷି କୁହାଯାଏ | ଏହି ଅଞ୍ଚଳରେ ମାଟି ଭିତରକୁ କୃଷିଜଳ ପ୍ରବେଶ କରିବା ପାଇଁ ଜମିକୁ ଗଭୀର ଭାବେ ଚାଷ କରାଯାଇଥାଏ ଏବଂ ଜମିରେ ଅଧିକ ଜଳ ରହିବା ପାଇଁ ଜମିକୁ ଛୋଟ ଛୋଟ କିଆରିରେ ବିଭକ୍ତ କରାଯାଏ |
ଯଅ, ମାଣ୍ଡିଆ, ବାଜରା ଇତ୍ୟାଦି ଫସଲ ଏ ଅଞ୍ଚଳରେ ଚାଷ କରାଯାଏ |
ଆର୍ଦ୍ର କୃଷି
୫୦ ସେ. ମି. ରୁ ଅଧିକ ବୃଷ୍ଟିପାତ ହେଉଥିବା ଅଞ୍ଚଳରେ କରାଯାଉଥିବା କୃଷିକୁ ଆର୍ଦ୍ର କୃଷି କୁହାଯାଏ | କ୍ରାନ୍ତିୟ ଅଞ୍ଚଳରେ ଆର୍ଦ୍ର କୃଷି କରାଯାଏ |
ଧାନ, ନଳିତା ଆଦି ଫସଲ ଏହି ଅଞ୍ଚଳରେ କରାଯାଏ |
5. ସଂକ୍ଷେପରେ ଉତ୍ତର ଦିଅ |
a) ଝୋଟ ଉତ୍ପାଦନ କରୁଥିବା ଦୁଇଟି ଦେଶର ନାମ ଲେଖ |
ଭାରତ ଓ ବାଂଲାଦେଶ |
b) ପୃଥିବୀରେ କପା ଚାଷରେ ଅଗ୍ରଣ୍ୟ ଥିବା ଚାରିଗୋଟି ଦେଶର ନାମ ଉଲ୍ଲେଖ କର |
ଚୀନ, ବ୍ରାଜିଲ, ଭାରତ ଓ ଯୁକ୍ତରାଷ୍ଟ୍ର ଆମେରିକା |
c) ବାଜରା ଫସଲ ପାଇଁ ଆବଶ୍ୟକ ହେଉଥିବା ମୃତ୍ତିକା ଓ ଜଳବାୟୁର ବିବରଣୀ ଦିଅ |
ବାଜରା ଫସଲ ପାଇଁ ଅନୁର୍ବର ମୃତ୍ତିକା ଆବଶ୍ୟକ | ଏହି ଫସଲ ପାଇଁ ୨୭ ରୁ ୩୨ ସେଲସିୟସ ତାପମାତ୍ରା, ୩୦ ସେ. ମି. ରୁ ୧୨୦ ସେ. ମି. ବୃଷ୍ଟିପାତ ଆବଶ୍ୟକ |
6. କେଉଁଟି ଉଦ୍ୟାନ କୃଷି ?
ପନିପରିବା ଚାଷ
7. କେଉଁଟି ମୁଖ୍ୟ କଫି ଉତ୍ପାଦନକାରୀ ଦେଶ ?
ବ୍ରାଜିଲ
8. କେଉଁ ଚାଷଟି ଅନ୍ୟମାନଙ୍କଠାରୁ ଭିନ୍ନ ?
କପା
9. ପ୍ରାଥମିକ, ଦ୍ଵିତୀୟକ ଓ ତୃତୀୟକ କାର୍ଯ୍ୟ ସମ୍ପର୍କିତ ଶବ୍ଦଗୁଡିକ ନିମ୍ନ ତାଲିକାରୁ ଠିକରୂପେ ସଜାଅ |
ପ୍ରାଥମିକ ଦ୍ଵିତୀୟକ ତୃତୀୟକ
ଶିକ୍ଷକ
ଦୁଗ୍ଧ ବିକାଳି
ଧର୍ମଯାଜକ
ଡାକବାଲା
ମହାଜନ
ମହାକାଶଚାରୀ
କମ୍ପ୍ୟୁଟର ଇଞ୍ଜିନିୟର
ଫୁଲ ଚାଷୀ ଟୋକେଇ ବୁଣାକାର
ମହୁ ଚାଷୀ ଦିଆସିଲି
କେଉଟ କାରଖାନା
ମାଳୀ
କୁମ୍ଭୀର
Truly Indian Brand
Truly Indian Brand