Odia Medium Class 8 Science Chapter 10 Adolescence ( କୈଶୋର ) Question & Answer

Odia Medium Class 8 Science Chapter 10 Adolescence ( କୈଶୋର ) Question & Answer

କୈଶୋର

1.      କୈଶୋର ସଂଜ୍ଞା ନିରୂପଣ କର |

·         ଜୀବନର ଯେଉଁ ଅବସ୍ଥାରେ ଦ୍ରୁତ ଅଭିବୃଦ୍ଧି ଘଟି ବହୁ ପରିବର୍ତ୍ତନ ସହ ବୟଃ ପ୍ରାପ୍ତ ଅବସ୍ଥା ଆଡକୁ ଗତି କରେ ତାହାକୁ କୈଶୋର କୁହାଯାଏ |

·         ଏହା ପ୍ରାୟ 10 – 11 ବର୍ଷ ବଯସରୁ ଆରମ୍ଭ ହୋଇ 18 – 19 ବର୍ଷ ବୟସ ପର୍ଯ୍ୟନ୍ତ ଚାଲୁ ରହିଥାଏ | ଏହାକୁ କୈଶୋର ବା କିଶୋରାବସ୍ଥା କୁହାଯାଏ |

·         ଝିଆମାନଙ୍କ ଠାରେ ଏହିସବୁ ପରିବର୍ତ୍ତନ ପ୍ରାୟ ବର୍ଷେ ଆଗରୁ ଦେଖାଯାଏ | ହଠାତ୍ ଉଚ୍ଚତା ବଢିବା , ପୁଅମାନଙ୍କ ନିଶ ଉଠିବା ପରି ବହୁ ଶାରୀରିକ ପରିବର୍ତ୍ତନ ସହ ମାନସିକ ଓ ବୌଦ୍ଧିକ ସ୍ତରରେ ପରିବର୍ତ୍ତନ ଘଟିଥାଏ |

·         କିଶୋର କିଶୋରିମାନଙ୍କ ଆଚରଣରେ ମଧ୍ୟ ପୂର୍ବ ଆବସ୍ଥା ତୁଳନାରେ କିଛି ପାର୍ଥକ୍ୟ ଦେଖାଯାଏ |

2.      କୈଶୋର ସମୟରେ ଶରୀରରେ ହେଉଥିବା ପରିବର୍ତ୍ତନଗୁଡିକ ଲେଖ |

·         ଦ୍ରୁତ ଉଚ୍ଚତା ବୃଦ୍ଧି ହୋଇ ପରେ ଏହାର ହାର କମିଯାଏ |

·         ଚିନ୍ତନ ମନନ ଶୈଳୀରେ ପରିବର୍ତ୍ତନ ଦେଖାଯାଏ |

·         ହାଡ ଓ ଗୋଡ ଖୁବ୍ ଶୀଘ୍ର ବଢୁଥିବା ବେଳେ ଅନ୍ୟାନ୍ୟ ଅଙ୍ଗର ବୃଦ୍ଧି ମନ୍ଥର ଗତିରେ ହୋଇଥାଏ |

·         ଜନନ ଅଙ୍ଗରା ବିକାଶ ଘଟି ଯୁଗ୍ମକ ଉତ୍ପାଦନ ଓ ପରିପକ୍ଵନ ଆଦି ଆରମ୍ଭ ହୁଏ |

·         ପୁଅମାନଙ୍କ ସ୍ଵର  ପେଟିକା ବୃଦ୍ଧି ପାଇବା ଦ୍ଵାରା ସ୍ଵର କର୍କଶ ହୁଏ |

3.      ଠିକ୍ ଉତ୍ତର ବାଛ |

        i.            କିଶୋର କିଶୋରିମାନେ ନିଜ ଖାଦ୍ୟ ପ୍ରତି ଯତ୍ନ ନେବା ଉଚିତ , କାରଣ –

a)    ଉଚିତ ଖାଦ୍ୟ ମସ୍ତିଷ୍କର ବିକାଶ ଘଟାଏ |

b)    ଶରୀରରେ ଘଟୁଥିବା ଦ୍ରୁତ ବୃଦ୍ଧି ପାଇଁ ଉପଯୁକ୍ତ ଖାଦ୍ୟ ଆବଶ୍ୟକ |√

c)     କିଶୋର କିଶୋରୀ ମାନଙ୍କୁ ସବୁବେଳେ ଭୋକ ହୁଏ |

d)    କିଶୋରକିଶୋରୀମାନଙ୍କ ସ୍ଵାଦ ମୁକୁଳ ବେଶ୍ ବିକଶିତ |

      ii.            କିଶୋରକିଶୋରୀମାନଙ୍କ ପାଇଁ ଉପଯୁକ୍ତ ଖାଦ୍ୟ କ’ଣ ?

a)    ଚିପ୍ସ , ନୁଡୁଲ , କେକ୍

b)    ରୁଟି , ଡାଲି , ଭାତ  √

c)     ଭାତ , ନୁଡୁଲ , ବର୍ଗର୍

d)    ଭେଜିଟେବୁଲ କଟଲେଟ୍ , ଚିପ୍ସ , ଲେମ୍ବୁରସ

4.      ଟିପ୍ପଣୀ ଲେଖ |

a)    ଗଳ ଘଣ୍ଟିକା :

·         ଯୁବକ୍ରାନ୍ତିରେ ପୁଅଙ୍କ ସ୍ଵରପେଟିକା ବଢେ | ଫଳରେ ସେମାନଙ୍କର କଣ୍ଠ ସାମାନ୍ୟ ଫୁଲି, ଆଗକୁ ବାହାରି ଆସିଥିବା ପରି ଦେଖାଯାଏ | ଏହି ଅଂଶକୁ ଗଳଘଣ୍ଟିକା ବା “ଆଡାମୁଏପଲ୍” କୁହାଯାଏ | କିନ୍ତୁ ଝିଅଙ୍କ ସ୍ଵର ପେଟିକା ଛୋଟ ହୋଇ ରହିଥାଏ ଏବଂ ବାହାରକୁ ପ୍ରାୟ ଦେଖାଯାଏ ନାହିଁ | ଫଳରେ ପୁଅ ଓ ଝିଅଙ୍କ ସ୍ଵରରେ ମଧ୍ୟ ପାର୍ଥକ୍ୟ ରହିଥାଏ | ସାଧାରଣତଃ ପୁଅଙ୍କ ସ୍ଵର କିଛିଟା କର୍କଶ ଓ ଝିଅଙ୍କ ସ୍ଵର ସାଧାରଣତଃ ସୁମଧର ହୋଇଥାଏ |

b)    ପୁଅ ନା ଝିଅ ?

·         ନିଷିକ୍ତ ସମାୟତ ଡିମ୍ବରେ ଥିବା ଗୁଣସୂତ୍ର ଉପରେ ପୁଅ କି ଝିଅ ହେବ ନିର୍ଭର କରେ |

·         ମଣିଷର ଗୁଣସୂତ୍ର ସଂଖ୍ୟା ହେଉଛି 23 ଯୋଡ଼ା | ଏଥିରେ  ଗୋଟିଏ ଯୋଡ଼ାକୁ ‘ଲିଙ୍ଗ ଗୁଣସୂତ୍ର’ କୁହାଯାଏ |

·       ନାରୀଠାରେ ଏହି ଯୋଡ଼ା ଦୁଇଟି 'X' ଗୁଣସୂତ୍ରକୁ ନେଇ ଏବଂ ପୁରୁଷଠାରେ ଏହା ଗୋଟିଏ 'x' ଓ ଗୋଟିଏ 'y' ଗୁଣସୂତ୍ରକୁ ନେଇ ଗଠିତ, |

·         ଅର୍ଥାତ୍ ନାରୀଠାରେ “xx” ଗୁଣସୂତ୍ର ଥିବାସ୍ଥଳେ ପୁରୁଷଠାରେ 'xy' ଗୁଣସୂତ୍ର ଥାଏ | ପ୍ରତ୍ୟେକ ପରିପକ୍ଵ  ଡିମ୍ବାଣୁରେ 'x' ଗୁଣସୂତ୍ର ଥିବା ବେଳେକେତେକ ଶୁକ୍ରାଣୁରେ 'X' ଏବଂ ଅବଶିଷ୍ଟ ଶୁକ୍ରାଣୁରେ ‘y ଗୁଣସୂତ୍ର ଥାଏ | ସେ ଦୃଷ୍ଟିରୁ ସବୁ ଡିମ୍ବାଣୁ ଏକା ପ୍ରକାରର କିନ୍ତୁ ଶୁକ୍ରାଣୁ ଦୁଇ ପ୍ରକାରର  |

·         ‘x’ ଗୁଣସୂତ୍ର ଥିବା ଶୁକ୍ରାଣୁ ଓ ଡିମ୍ବାଣୁର ମିଳନରେ କନ୍ୟା ସନ୍ତାନ ଜାତ ହୁଏ ଏବଂ ‘y’ ଗୁଣସୂତ୍ର ଥିବା ଶୁକ୍ରାଣୁ ଓ 'x' ଗୁଣସୂତ୍ର ଥିବା ଡିମ୍ବାଣୁର ମିଳନରେ ପୁତ୍ର ସନ୍ତାନ ଜାତହୁଏ | ସୁତରାଂ ପୁତ୍ର ସନ୍ତାନ ଜାତ ହେବାକୁ ହେଲେ 'y' ଗୁଣସୂତ୍ର ଯୁକ୍ତ ଶୁକ୍ରାଣୁ ଆବଶ୍ୟକ | ତେଣୁ ସନ୍ତାନର ଲିଙ୍ଗନିର୍ଦ୍ଧାରଣରେ ମା’ର ଭୂମିକା ନାହିଁ । ଏଥିପାଇଁ ପୁରୁଷ ହିଁ ଦାୟୀ |

5.      ପୁଅ ଓ ଝିଅଙ୍କ ବୟସ ବୃଦ୍ଧି ସହ ଉଚ୍ଚତା ବୃଦ୍ଧି ଘଟେ | ନିମ୍ନ ଟେବୁଲ୍  ରେ ପୁଅ ଓ ଝିଅଙ୍କ ଉଚ୍ଚତା ଦର୍ଶାଇ ଗୋଟିଏ ଗ୍ରାଫ୍ ପେପର୍ ରେ ଗ୍ରାଫ ଅଙ୍କନ କର | ଏହି ଗ୍ରାଫ୍ ରୁ କି ସିଦ୍ଧାନ୍ତ ନେଇ ହେବ |

. ସିଦ୍ଧାନ୍ତ : 20 ବର୍ଷ ବେଳକୁ ପୁଆମାନଙ୍କ ଉଚ୍ଚତା ଝିଅମାନଙ୍କ ଉଚ୍ଚତା ଠାରୁ ସାମାନ୍ୟ ଅଧିକ ଥାଏ  |