Odia Medium Class 8 Science Chapter 8 Cell - Structure and Function ( କୋଷ – ଗଠନ ଓ କାର୍ଯ୍ୟ ) Question & Answer

Odia Medium Class 8 Science Chapter 8 Cell - Structure and Function ( କୋଷ – ଗଠନ ଓ କାର୍ଯ୍ୟ ) Question & Answer

କୋଷ – ଗଠନ ଓ କାର୍ଯ୍ୟ

1.       ନିମ୍ନରେ ଥିବା ବନ୍ଧନୀ ମଧ୍ୟରୁ ଠିକ୍ ଉତ୍ତର ବାଛି ଶୂନ୍ୟସ୍ଥାନ ପୂରଣ କର |

(ଆଦିପ୍ରରସ , କୋଷଭିତ୍ତି , କୂଟପାଦ , ଓଟପକ୍ଷୀର ଅଣ୍ଡା , ନିନ୍ୟଷ୍ଟି , ଜିନ , ପ୍ରାକନ୍ୟଷ୍ଟିୟ କୋଷ)

a)      ନ୍ୟଷ୍ଟି ମଧ୍ୟରେ ଥିବା ଗୋଲାକାର ଅଂଶକୁ ନିନ୍ୟଷ୍ଟି କୁହାଯାଏ |

b)      ଏମିବା ଶରୀରରୁ ବାହାରୁଥିବା ଆବରଣକୁ କୂଟପାଦ କୁହାଯାଏ |

c)       ଉଦ୍ଭିଦ କୋଷର ବାହାର ଆବରଣକୁ କୋଷଭିତ୍ତି କୁହାଯାଏ |

d)      ଜୀବନ୍ତ କୋଷ ଆଦିପ୍ରରସ ଦ୍ଵାରା ଗଠିତ |

e)      ପ୍ରକୃତିରେ ଦେଖାଯାଉଥିବା ବୃହତ୍ତମ କୋଷ ହେଉଛି ଓଟପକ୍ଷୀର ଅଣ୍ଡା |

f)       ଯେଉଁ କୋଷରେ ନ୍ୟଷ୍ଟିର ନ୍ୟଷ୍ଟିଝିଲ୍ଲୀ ନାହିଁ ତାହାକୁ ପ୍ରାକନ୍ୟଷ୍ଟିୟ କୋଷ କୁହାଯାଏ |

g)      ବଂଶଗତିର ଏକକ ଜିନକୁ କୁହାଯାଏ |

2.       ଠିକ୍ ଥିଲେ ଠିକ୍ , ଭୁଲ ଥିଲେ ଭୁଲ ଲେଖ |

a)      ଏକକୋଷୀ ଜୀବମାନଙ୍କ ଶରୀର ଗୋଟିଏ କୋଷରେ ଗଢା |√

b)      ପେଶୀୟ କୋଷଗୁଡିକ ଶାଖାପ୍ରଶାଖା ବିଶିଷ୍ଟ | X

c)    ଗୋଟିଏ ଜୀବର ଜୀବନ୍ତ ମୌଳିକ ଏକକ ହେଉଛି ଅଙ୍ଗପ୍ରତ୍ୟଙ୍ଗ | X

d)      ଏମିବା ଶରୀର ବିଷମାକାର | √

e)      ସିଝା ଅଣ୍ଡାର ଥିବା ଧଳା ପଦାର୍ଥ ପୀତକ ଅଟେ | X

3.       ପ୍ରତ୍ୟେକରୁ ଦୁଇଟି ଉଦାହରଣ ଦିଅ |

a)      ପ୍ରାକନ୍ୟଷ୍ଟିୟ କୋଷ  - ବୀଜାଣୁ , ନିଳହରିତ ଶୈବାଳ

b)      ସୁନ୍ୟଷ୍ଟିୟ କୋଷ  - ପ୍ରାଣୀକୋଷ , ଉଦ୍ଭିଦ କୋଷ

4.       ଗୋଟିଏ ବା ଦୁଇଟି ବାକ୍ୟରେ ଉତ୍ତର ଦିଅ |

a)      ପ୍ରୋଟୋପ୍ଲାଜମ କହିଲେ କ’ଣ ବୁଝ ?

·         ଏକ ଜୀବନ୍ତ କୋଷରେ ଥିବା ସମସ୍ତ ପଦାର୍ଥକୁ ଆଦିପ୍ରରସ ବା ପ୍ରୋଟୋପ୍ଲାଜମ କହନ୍ତି | ଏହା କୋଷଜୀବକ ଓ ନ୍ୟଷ୍ଟିକୁ ନେଇ ଗଠିତ |

b)      କୋଷଝିଲ୍ଲୀର କାର୍ଯ୍ୟ କ’ଣ ?

·         କୋଷଝିଲ୍ଲୀ କୋଷକୁ ଏକ ନିର୍ଦ୍ଧିଷ୍ଟ ଆକୃତି ପ୍ରଦାନ କରେ | କୋଷଝିଲ୍ଲୀ ଛିଦ୍ରଯୁକ୍ତ ହେତୁ କୋଷ ବାହାରକୁ ଓ କୋଷ ଭିତରକୁ ବିଭିନ୍ନ ପଦାର୍ଥ ଆଦାନ ପ୍ରଦାନ କରିବାରେ ସାହାଯ୍ୟ କରେ |

c)       ଜିନକୁ କିଏ ବହନ କରେ ?

·         ଜିନକୁ ଗୁଣସୁତ୍ର ବହନ କରେ |

d)      କୋଷଭିତ୍ତି କାହାକୁ କହନ୍ତି ?

କୋଷଭିତ୍ତି ଉଦ୍ଭିଦ କୋଷର ଏକ ଅତିରିକ୍ତ କୋଷ ଆବରଣ | ଏହା ବୀଜାଣୁ କୋଷରେ ମଧ୍ୟ ଥାଏ |

5.        ସଂକ୍ଷେପରେ ବର୍ଣ୍ଣନା କର |

କୋଷଜୀବକ : -

·         ଏହା ଜେଲି ଭଳି ଏବଂ କୋଷଝିଲ୍ଲୀ ଓ ନ୍ୟଷ୍ଟି ମଧ୍ୟରେ ରହିଅଛି |

·         ଏଥିରେ ବିଭିନ୍ନ ପ୍ରକାର କୋଷ ଅଙ୍ଗିକା ଦେଖାଯାଆନ୍ତି |

·         କୋଷଅଙ୍ଗିକା ଗୁଡିକ ହେଉଛି ମାଇଟୋକଣ୍ଡ୍ରିଆ , ଗଲଜିବଡି  ଓ ରାଇବୋଜୋମ୍ ଇତ୍ୟାଦି |

ନ୍ୟଷ୍ଟି : -

·         ନ୍ୟଷ୍ଟି ଗୋଲାକାର ଓ କୋଷର କେନ୍ଦ୍ରରେ ଅବସ୍ଥିତ |

·         ନ୍ୟଷ୍ଟି ଜୀବକୋଷର ମୁଖ୍ୟ ଅଂଶ |

·         ନ୍ୟଷ୍ଟିଟି କୋଷଜୀବକଠାରୁ ନ୍ୟଷ୍ଟିଝିଲ୍ଲୀ ଦ୍ଵାରା ପୃଥିକ ହୋଇଥାଏ |

·         ନ୍ୟଷ୍ଟିରେ ନିନ୍ୟଷ୍ଟି ଓ ଗୁଣସୁତ୍ର ଥାଏ |

ଗୁଣସୁତ୍ର : -

·         ଗୁଣସୁତ୍ର ନ୍ୟଷ୍ଟି ମଧ୍ୟରେ ଥାଏ |

·         ନ୍ୟଷ୍ଟି ମଧ୍ୟରେ ସୂତା ଭଳି ଥିବା ଅଂଶକୁ ଗୁଣସୁତ୍ର କହନ୍ତି |

·         ଗୁଣସୁତ୍ରଗୁଡିକ ଗୁଣପିଣ୍ଡ ବହନ କରିଥାନ୍ତି |

·         କୋଷ ବିଭାଜନ ବେଳେ ଗୁଣସୂତ୍ରଗୁଡିକ ସ୍ପଷ୍ଟ ଦେଖି ହୁଏ |

କୋଷଝିଲ୍ଲୀ : -

·         କୋଷଜୀବକ କୋଷ ମଧ୍ୟରେ କୋଷଝିଲ୍ଲୀ ଦ୍ଵାରା ଆବୃତ ହୋଇଥାଏ |

·         କୋଷଝିଲ୍ଲୀ ଛିଦ୍ରଯୁକ୍ତ | ଏହା କୋଷ ଭିତରକୁ ଓ ବାହାରକୁ ବିଭିନ୍ନ ପଦାର୍ଥ ଆଦାନ ପ୍ରଦାନ କରିବାରେ ସାହାଯ୍ୟ କରେ | କୋଷଝିଲ୍ଲୀ ମଧ୍ୟ କୋଷକୁ ଏକ ନିର୍ଦ୍ଦିଷ୍ଟ ଆକୃତି ପ୍ରଦାନ କରିଥାଏ |

6. କୋଷର କେଉଁ ଅଂଶରେ ଅଙ୍ଗିକା ଗୁଡିକ ଅଛି ଓ ସେଗୁଡିକ କ’ଣ କ’ଣ ?

·         କୋଷର କୋଷ ଜୀବକରେ ଅଙ୍ଗିକାଗୁଡିକ ଅଛି |

·         କୋଷ ଅଙ୍ଗିକାଗୁଡିକ ହେଲା ମୁଖ୍ୟତଃ ମାଇଟୋକଣ୍ଡିଅନ୍ , ରାଇବୋଜୋମ୍ , ଗଲଗୀପିଣ୍ଡ ଇତ୍ୟାଦି |

7. ପ୍ରାଣୀକୋଷ ଓ ଉଦ୍ଭିଦକୋଷର ଚିତ୍ର ଅଙ୍କନ କରି ତିନୋଟି ପାର୍ଥକ୍ୟ ଲେଖ |

ପ୍ରାଣୀକୋଷ : -

·         ପ୍ରାଣୀକୋଷରେ କୋଷଭିତ୍ତି ନ ଥାଏ |

·         ପ୍ରାଣୀକୋଷରେ ଲବକ ନ ଥାଏ |

·         ପ୍ରାଣୀକୋଷରେ ରସଧାନୀଗୁଡିକ କ୍ଷୁଦ୍ର |

ଉଦ୍ଭିଦ କୋଷ : -

·         ଉଦ୍ଭିଦ କୋଷରେ କୋଷଭିତ୍ତି ଥାଏ |

·         ଉଦ୍ଭିଦ କୋଷରେ ଲବକ ଥାଏ ; ଯଥା – ପତ୍ରରେ ଥିବା ହରିତ ଲବକ |

·         ଉଦ୍ଭିଦ କୋଷରେ ରସଧାନୀଗୁଡିକ ବୃହଦାକାର |

8.  “କୋଷଜୀବ ଶରୀରର ଗାଠନିକ ଏକକ” – ବୁଝାଅ |

·         ପ୍ରତ୍ୟେକ ଜୀବର ଶରୀର ଅନେକ ଅଙ୍ଗପ୍ରତ୍ୟଙ୍ଗ ଦ୍ଵାରା ଗଠିତ |

·         ବିଭିନ୍ନ ଅଙ୍ଗପ୍ରତ୍ୟଙ୍ଗର କାର୍ଯ୍ୟ ଭିନ୍ନ ଭିନ୍ନ |

·         ପ୍ରତ୍ୟେକ ଅଙ୍ଗପ୍ରତ୍ୟଙ୍ଗ କ୍ଷୁଦ୍ର ଅଂଶକୁ ନେଇ ଗଠିତ ଯାହାକୁ ଟିସୁ ବା ତନ୍ତୁ କୁହଯାଏ |

·         ଟିସୁଗୁଡିକ କେତେଗୁଡିଏ ସମରୂପୀ ଓ ନିର୍ଦ୍ଧିଷ୍ଟ କାର୍ଯ୍ୟ କରୁଥିବା ଅସଂଖ୍ୟ କୋଷର ସମାହାର | ଏଣୁ କୋଷ ହେଉଛି “ଜୀବ ଶରୀରର ମୌଳିକ ଓ ଗାଠନିକ ଏକକ”|

9.  କେବଳ  ଉଦ୍ଭିଦ କୋଷରେ କାହିଁକି ପତ୍ରହରିତ ଦେଖାଯାଏ ?

·         ଉଦ୍ଭିଦ ଖାଦ୍ୟ ପ୍ରସ୍ତୁତ କରେ | ପ୍ରାଣୀ ଖାଦ୍ୟ ପ୍ରସ୍ତୁତ କରିପାରେ ନାହିଁ | ଖାଦ୍ୟ ପ୍ରସ୍ତୁତି ପାଇଁ ସବୁଜକଣା ଓ ପତ୍ରହରିତ ଏକାନ୍ତ ଆବଶ୍ୟକ | ଉଦ୍ଭିଦର ପତ୍ର ଏହି ସବୁଜକଣା ଧାରଣ କରିଥାନ୍ତି ଓ ଖାଦ୍ୟପ୍ରସ୍ତୁତ କରିଥାନ୍ତି | ହରିତ କଣିକା ମଧ୍ୟ ପତ୍ରକୁ ରଙ୍ଗ ଦେଇଥାଏ | ଏଣୁ କେବଳ ଉଦ୍ଭିଦ କୋଷରେ ପତ୍ରହରିତ ଦେଖାଯାଏ |

10.  ନିମ୍ନରେ ଦିଆଯାଇଥିବା ସୂତ୍ର ପ୍ରୟୋଗ କରି ଶବ୍ଦ ଧନ୍ଦାକୁ ସମ୍ପୂର୍ଣ୍ଣ କର |

ଉପରୁ ତଳ  : -

      I.            କୋଷ ମଧ୍ୟରେ ଥିବା ତରଳ ରସ - କୋଷ

      II.          ଅଣୁବୀକ୍ଷଣ ଦ୍ଵାରା ଦେଖାଯାଉଥିବା ଜୀବ - କୋଷଜୀବକ

ବାମରୁ ଡାହାଣ : -

      I.            ଜୀବର ଶରୀରର ମୌଳିକ ଏକକ - ଅଣୁଜୀବ

      II.            ଅଣୁଜୀବର ଅନ୍ୟ ନାମ - ବୀଜାଣୁ