Class 4 Social Science Chapter – 10 – Part – 3 - ଋତୁ ବଦଳେ (Rutu Badale) Question & Answer

୧. ଋତୁ ଉପରେ କି ପ୍ରଭାବ ପଡିବ ?

କ) ପୃଥିବୀର ଅକ୍ଷ କକ୍ଷତଳ ସହିତ ୨୩ ୧/ ୨° ଢଳି ରହିଲେ |

ଉ : ପୃଥିବୀର ଅକ୍ଷ କକ୍ଷତଳ ସହିତ ୨୩ ୧/ ୨° ଢଳି ରହିଲେ , ଉଭୟ ମେରୁ ସୂର୍ଯ୍ୟଙ୍କ ଠାରୁ ସମାନ ଦୂରରେ ରହିବେ | ଫଳରେ ଉଭୟ ଗୋଲାର୍ଦ୍ଧରେ ସମାନ ତାପ ଋତୁ ଅନୁଭୂତ ହେବ |

ଖ) ପୃଥିବୀ ସୂର୍ଯ୍ୟ ଚାରିପାଖରେ ନ ଘୂରିଲେ |

ଉ : ଋତୁ ପରିବର୍ତ୍ତନ ହେବ ନାହିଁ |

୨. କାରଣ କ’ଣ ?

କ) ଉତ୍ତର ଗୋଲାର୍ଦ୍ଧରେ ଶୀତଋତୁ ହୋଇଥିବା ବେଳେ ଦକ୍ଷିଣ ଗୋଲାର୍ଦ୍ଧରେ ଗ୍ରୀଷ୍ମଋତୁ ହୋଇଥାଏ |

ଉ – କାରଣ ଉତ୍ତର ଗୋଲାର୍ଦ୍ଧ ସୂର୍ଯ୍ୟଙ୍କଠାରୁ ଦୁରେଇ ଯାଇଥିବାରୁ ସେଠାରେ ଶୀତଋତୁ ହୋଇଥାଏ ଏବଂ ଦକ୍ଷିଣ ଗୋଲାର୍ଦ୍ଧ ସୂର୍ଯ୍ୟଙ୍କ ଆଡକୁ ଢଳି ରହିଥିବାରୁ ସେଠାରେ ଗ୍ରୀଷ୍ମଋତୁ ହୋଇଥାଏ |

ଖ) ମାର୍ଚ୍ଚ ମାସରେ ଓଡ଼ିଶାରେ ବେଶି ଗରମ ବା ଶୀତ ହୁଏ ନାହିଁ |

ଉ – ମାର୍ଚ୍ଚ ମାସରେ ଉଭୟ ମେରୁ ସୂର୍ଯ୍ୟଠାରୁ ସମାନ ଦୂରତାରେ ରହିଥାଏ | ଫଳରେ ଉଭୟ ଗୋଲାର୍ଦ୍ଧରେ ସମାନ ତାପ ଅନୁଭୂତ ହୁଏ | ତେଣୁ ଉତ୍ତର ଗୋଲାର୍ଦ୍ଧରେ ମାର୍ଚ୍ଚ ମାସ ବେଳକୁ ବସନ୍ତ ଋତୁ ହୋଇଥାଏ | ସେଥିପାଇଁ ମାର୍ଚ୍ଚ ମାସରେ ଓଡ଼ିଶାରେ ବେଶୀ ଗରମ ବା ଶୀତ ହୁଏ ନାହିଁ |

ଗ) ମାର୍ଚ୍ଚ ଓ ସେପ୍ଟେମ୍ବର ମାସରେ ଉଭୟ ଗୋଲାର୍ଦ୍ଧରେ ବେଶି ଗରମ ବା ବେଶି ଶୀତ ହୁଏ ନାହିଁ |

ଉ – ମାର୍ଚ୍ଚ ଓ ସେପ୍ଟେମ୍ବର ମାସରେ ଉଭୟ ମେରୁ ସୂର୍ଯ୍ୟଙ୍କଠାରୁ ସମାନଦୂରତାରେ ରହିଥାଏ | ଫଳରେ ଉଭୟ ଗୋଲାର୍ଦ୍ଧରେ ସମାନ ତାପ ଅନୁଭୂତ ହୁଏ | ତେଣୁ ମାର୍ଚ୍ଚ ଓ ସେପ୍ଟେମ୍ବର ମାସରେ ଉଭୟ ଗୋଲାର୍ଦ୍ଧରେ ବେଶି ଗରମ ବା ଶୀତ ହୁଏ ନାହିଁ |

ଘ) ଡିସେମ୍ବର ମାସରେ ପଶମ ବସ୍ତ୍ର ପିନ୍ଧାଯାଏ |

ଉ – ଡିସେମ୍ବର ମାସରେ ପୃଥିବୀର ଉତ୍ତର ମେରୁ ସୂର୍ଯ୍ୟଙ୍କଠାରୁ ଦୁରେଇ ଯାଉଥିବାରୁ ସେଠାରେ ଶୀତଋତୁ ଅନୁଭୂତ ହୁଏ | ତେଣୁ ଲୋକମାନେ ଶୀତରୁ ରକ୍ଷାପାଇବାପାଇଁ ଏହି ମାସରେ ପଶମ ବସ୍ତ୍ର ପିନ୍ଧନ୍ତି |

୩. ଶୂନ୍ୟସ୍ଥାନ ପୂରଣ କର |

କ) ପୃଥିବୀର ଅକ୍ଷ କକ୍ଷତଳ ସହିତ ୨୩ ୧/୨⁰ କୋଣ ଅଙ୍କନ କରି ରହିଥାଏ |

ଖ) ପୃଥିବୀ ସୂର୍ଯ୍ୟ ଚାରିପାଖରେ ଥରେ ଘୁରି ଆସିବା ପାଇଁ ୩୬୫ ଦିନ ସମୟ ନିଏ |

ଗ ) ଋତୁ ପରିବର୍ତ୍ତନ ପୃଥିବୀର ବାର୍ଷିକ ଗତି ଯୋଗୁଁ ସମ୍ଭବ ହୋଇଥାଏ |

ଘ) ଭାରତରେ ଶୀତଋତୁ ହୋଇଥିବା ସମୟରେ ଆମେରିକାରେ ଗ୍ରୀଷ୍ମ ଋତୁ ହୋଇଥିବ |

ଙ)ପୃଥିବୀରେ ତୀର୍ଯ୍ୟକ କିରଣ ଯେଉଁ ଅଞ୍ଚଳ ଉପରେ ପଡେ ସେଠାରେ ଶୀତଋତୁ ହୋଇଥାଏ |

୪. ପାର୍ଥକ୍ୟ ଦର୍ଶାଅ |

କ) ଆବର୍ତ୍ତନ ଓ ପରିକ୍ରମଣ

ଉ - ଆବର୍ତ୍ତନ - ପୃଥିବୀ ନିଜ ଅକ୍ଷ ଚାରିପଟେ ଘୂରିବାକୁ ଆବର୍ତ୍ତନ ଗତି କୁହାଯାଏ | ପୃଥିବୀ ଥରେ ଆବର୍ତ୍ତନ କରିବାକୁ ୨୪ ଘଣ୍ଟା ବା ୧ ଦିନ ସମୟ ଲାଗେ | ଆବର୍ତ୍ତନ ଗତି ଯୋଗୁଁ ପୃଥିବୀରେ ଦିନରାତି ହୁଏ |

ପରିକ୍ରମଣ – ପୃଥିବୀ ନିଜ କକ୍ଷପଥରେ ସୂର୍ଯ୍ୟ ଚାରିପାଖରେ ଘୂରିବାକୁ ପରିକ୍ରମଣ କୁହାଯାଏ |ପୃଥିବୀ ଥରେ ପରିକ୍ରମଣ କରିବାକୁ ୩୬୫ ଦିନ ବା ୧ ବର୍ଷ ସମୟ ଲାଗେ | ପରିକ୍ରମଣ ଗତି ଯୋଗୁଁ ପୃଥିବୀରେ ଋତୁ ପରିବର୍ତ୍ତନ ହୁଏ |

ଖ) ବାର୍ଷିକ ଗତି ଓ ଆହ୍ନିକ ଗତି

ବାର୍ଷିକ ଗତି - ପୃଥିବୀ ନିଜ କକ୍ଷପଥରେ ସୂର୍ଯ୍ୟଙ୍କ ଚାରିପାଖରେ ୩୬୫ ଦିନେ ଥରେ ବୁଲିଥାଏ | ଏହାକୁ ପୃଥିବୀର ବାର୍ଷିକ ଗତି କହନ୍ତି | ବାର୍ଷିକ ଗତି ଯୋଗୁଁ ପୃଥିବୀରେ ଋତୁ ପରିବର୍ତ୍ତନ ହୁଏ |

ଆହ୍ନିକ ଗତି – ପୃଥିବୀ ନିଜ ଅକ୍ଷ ଚାରିପାଖରେ ୨୪ ଘଣ୍ଟାରେ ଥରେ ଘୂରେ | ଏହାକୁ ପୃଥିବୀର ଆହ୍ନିକ ଗତି କହନ୍ତି | ଆହ୍ନିକ ଗତି ଯୋଗୁଁ ପୃଥିବୀର ଦିନ ରାତି ହୁଏ |

୫. କେଉଁ ଉକ୍ତିଟି ଠିକ୍ ତା ପାର୍ଶ୍ଵରେ (√) ଚିହ୍ନ ଦିଅ |

କ) ଉତ୍ତର ମେରୁ ସୂର୍ଯ୍ୟଙ୍କ ଆଡକୁ ଢଳି ରହିଥିବା ବେଳେ ଦକ୍ଷିଣ ଗୋଲାର୍ଦ୍ଧରେ ଗ୍ରୀଷ୍ମଋତୁ ହୋଇଥାଏ | X

ଖ) ଗ୍ରୀଷ୍ମଋତୁରେ ରାତି ବଡ ଓ ଦିନ ସାନ |X

ଗ) ପୃଥିବୀର ମଧ୍ୟଭାଗରେ ଟଣା ଯାଇଥିବା କାଳ୍ପନିକ ରେଖାକୁ ବିଷୁବ ବୃତ୍ତ କହନ୍ତି | √

ଘ) ପୃଥିବୀର ଅବସ୍ଥାନ ଡିସେମ୍ବର ମାସରେ ଓ ଜୁନ ମାସରେ ଏକାପରି |X

ଙ) ବର୍ଷର ସବୁଦିନେ ଦିନ ୧୨ ଘଣ୍ଟା ଓ ରାତି ୧୨ ଘଣ୍ଟା |X

Rutu Badale - ଋତୁ ବଦଳେ - Class 4 Ame O Ama Paribesa - Samajika Bigyana- Chapter – 10 – Part – 3 - Question & Answer

RATINGS

Out of 1 ratings.

Other Chapters

Suggested