Class 4 Social Science Chapter – 11– Part – 5 ଆମ ଜୀବନରେ ମାଟି (Ama Jibanare Mati) Question & Answer

୧. ମାଟି ନଥିଲେ କ’ଣ ହୋଇଥାନ୍ତା ?

ମାଟି ନଥିଲେ ଆମେ ନିମ୍ନଲିଖିତ ଅସୁବିଧାର ସମ୍ମୁଖୀନ ହୋଇଥାନ୍ତୁ |
ପୃଥିବୀର କୌଣସି ଉଦ୍ଭିଦ ଜଗତ କିମ୍ବା ପ୍ରାଣୀଜଗତ ନଥାନ୍ତା |
ଚାଷକାର୍ଯ୍ୟ ହୋଇପାରିନଥାନ୍ତା | ଖାଦ୍ୟବିନା ଜୀବଜଗତ ବଞ୍ଚିବା ସମ୍ଭବ ହୋଇନଥାନ୍ତା |
ମାଟି ନଥିଲେ ବିଭିନ୍ନ ଜିନିଷ ପ୍ରସ୍ତୁତ ହୋଇପାରିନଥାନ୍ତା |

୨. ନିତିଦିନିଆ ଜୀବନରେ ବ୍ୟବହାର କରୁଥିବା ମାଟି ତିଆରି ଯେ କୌଣସି ୩ଟି ଜିନିଷର ଚିତ୍ର କର |

୩. ପାର୍ଥକ୍ୟ ଲେଖ |

କ) – ଦୋରସାମାଟି :

ମଟାଳ ମାଟି ସହିତ ବାଲି ମିଶିଲେ ଦୋରସା ମାଟି ହୁଏ |
ବନମାଟି ଏହି କିସମର |
ଏହି ମାଟି ଉର୍ବର |
ଏହି ମାଟିରେ ଭଲ ଫସଲ ହୁଏ |

ମଟାଳମାଟି :

ଯେଉଁମାଟି ଶୁଖିଲେ ପାଉଁଶିଆ ଦିଶେ , ପାଣି ପଡିଲେ ଏହା କଳା ଦିଶେ , ଦଳିଲେ ଟାଣ ଲାଗେ ତାହାକୁ ମଟାଳ ମାଟି କୁହାଯାଏ |
ଏଥିରେ ଧାନଚାଷ ଭଲ ହୁଏ |

ଖ) ବାଲିଆମାଟି :

ଯେଉଁ ମାଟି ହାତକୁ ରୁଆରୁଆ ଓ ଟାଣ ଲାଗେ , ଦଳିଲେ ଭାଙ୍ଗେ ନାହିଁ , ସେଥିରେ ବାଲିଦାନା ଥାଏ ଏହାକୁ ବାଲିଆମାଟି କୁହାଯାଏ |
ଏହିମାଟି ସମୁଦ୍ରକୂଳ ଓ ନଇଁକୂଳରେ ବେଶି ଥାଏ |

ପାହାଡିଆ ଗେରୁମାଟି :

ଯେଉଁ ମାଟିର ରଙ୍ଗ ଗେରୁଆ ବା ନାଲି ସେଥିରେ ଛୋଟ ଛୋଟ ପଥର ମିଶିଥାଏ ତାହାକୁ ପାହାଡିଆ ଗେରୁମାଟି କୁହାଯାଏ |
ଏହିମାଟି ପାହାଡିଆ ଅଞ୍ଚଳରେ ଦେଖାଯାଏ | ଏହି ମାଟିରେ ଫସଲ ଭଲ ହୁଏ ନାହିଁ |

୪. ହ୍ୟୁମସ୍ କ’ଣ ? ଏଥିରେ କ’ଣ ଥାଏ ?

ଉ : ହ୍ୟୁମସ୍ ଏକ ଜୈବିକ ସାର | ଏଥିରେ ପଶୁପକ୍ଷୀଙ୍କର ମାଳ , ଗଛପତ୍ରର ପଚାସଢା ଅଂଶ , ଅଳିଆ ଆବର୍ଜନା ଥାଏ |

୫. ବର୍ତ୍ତମାନ ଜିଆ ଚାଷ ଉପରେ ଏତେ ଗୁରୁତ୍ଵ ଦିଆଯାଉଛି କାହିଁକି ?

ଉ : ଜିଆମାଟିରେ ରହି ଜମିକୁ ଫସଫସିଆ ଓ ବାୟୁଚଳାଚଳ ଉପଯୋଗୀ କରେ | ଫସଫସିଆ ମାଟିରେ ଗଛର ଚେର ମାଟି ମାଟି ଭିତରକୁ ଯାଇ ଖାଦ୍ୟ ସଂଗ୍ରହ କରେ ଓ ଭଲ ଫସଲ ହୁଏ | ତେଣୁ ଜମିରେ ଭଲ ଫସଲ ହେବା ପାଇଁ ଜିଆଚାଷ ଉପରେ ଅଧିକ ଗୁରୁତ୍ୱ ଦିଆଯାଉଛି |

୬. ସମ୍ଭାବ୍ୟ ଉତ୍ତରଗୁଡିକ ମଧ୍ୟରୁ ଠିକ୍ ଉତ୍ତରଟି ବାଛ | ତା’ ପାଖରେ ଚିହ୍ନ ଦିଅ |

କ) କେଉଁ ପ୍ରକାର ମାଟିରେ ଫସଲ ଭଲ ବଢେ ?

i. ପଟୁମାଟି

ii. ବାଲିଆମାଟି

iii. ଦୋରସାମାଟି

iv. ମଟାଳ ମାଟି

ଖ) ମାଟିର ଉର୍ବରତା ଅନୁସାରେ କେଉଁ ସଜ୍ଜୀକରଣଟି ଠିକ୍ ?

i. ପଟୁ , ମଟାଳ , ଦୋରସା

ii. ପଟୁ , ଦୋରସା , ମଟାଳ

iii. ପଟୁ , ବାଲିଆ , ଦୋରସା

iv. ପଟୁ , ବାଲିଆ , ମଟାଳ

୭. କ) ମୃତ୍ତିକା କ୍ଷୟ ହେବାର ତିନୋଟି କାରଣ ଲେଖ |

ବର୍ଷାପାଣି ଗାଁ ଦାଣ୍ଡରେ ବହିଗଲେ ଗାଁଦାଣ୍ଡରୁ ମୃତ୍ତିକା କ୍ଷୟ ହୁଏ |
ବେଳେବେଳେ ପବନ ଦ୍ଵାରା ମାଟି ଉଡ଼ିଥାଏ |
ଜଳସ୍ରୋତ ଯୋଗୁଁ ନଈ ଅତଡା ଖାଏ |

ଖ) ମୃତ୍ତିକା କ୍ଷୟ ରୋକିବା ପାଇଁ ତିନୋଟି ଉପାୟ ଲେଖ |

ନଈବନ୍ଧ ଦାଢରେ ପଥର ପାରିଦେଲେ ଆଉ ଅତଡା ଖାଇବ ନାହିଁ |
ଚାଷଜମି ମଧ୍ୟରେ ବଡବଡ ହିଡ଼ ହେଲେ ମୃତ୍ତିକା କ୍ଷୟ ହୁଏ ନାହିଁ |
ପାହାଡ ଉପରେ ଥାକଥାକ କରି ମାଟିକୁ କାଟି ଚାଷ କଲେ ମୃତ୍ତିକା କ୍ଷୟ ହେବ ନାହିଁ |

Ama Jibanare Mati - ଆମ ଜୀବନରେ ମାଟି - Class 4 - Ame O Ama Paribesha - Samajika Bigyana - Chapter – 11 – Part – 5 Question & Answer

RATINGS

Out of 1 ratings.

Other Chapters

Suggested