ନୂଆଖାଇ

୧. ଆସ କଥାବାର୍ତ୍ତା ହେବା |

କ) ଆମେ ବିଭିନ୍ନ ପର୍ବ ପାଳନ କରିଥାଉଁ କାହିଁକି ?

ଉ : ମାନବ ଜୀବନ ଦୁଃଖ ଜଞ୍ଜାଳରେ ପରିପୂର୍ଣ୍ଣ | ଜୀବନରୁ ନିରସତା ଓ ମନର କ୍ଳାନ୍ତି ଦୂର କରି ଜୀବନକୁ ସରସ, ସୁନ୍ଦର ଓ କର୍ମ ଚଞ୍ଚଳ କରିବା ସହିତ ଆମର ଧର୍ମ , ସଂସ୍କୃତି ଓ ପରମ୍ପରାକୁ ବଜାୟ ରଖିବା ପାଇଁ ଆମେ ବିଭିନ୍ନ ପର୍ବପର୍ବାଣି କରିଥାଉ |

ଖ) ନୂଆଖାଇ ପର୍ବ କେଉଁଦିନ ପାଳିତ ହୁଏ ?

ଉ : ଭାଦ୍ରବ ମାସ ଶୁକ୍ଲପକ୍ଷ ପଞ୍ଚମିତିଥିରେ ନୂଆଖାଇ ପାଳନ ହୁଏ |

ଗ) ନୂଆଖାଇ ପୂର୍ବରୁ କେଉଁ ପର୍ବ ପାଳନ କରାଯାଏ ?

ଉ : ନୂଆଖାଇ ପୂର୍ବରୁ ବିଦ୍ୟାଦାତା ଓ ବିଘ୍ନ ବିନାଶକ ଶ୍ରୀଗଣେଶ ପୂଜାଉତ୍ସବ ପାଳନ କରାଯାଏ ?

ଘ) ଏହି ପର୍ବ ଆମକୁ କ’ଣ ଶିଖାଇଥାଏ ?

ଉ : ଏହି ପର୍ବ ଆମକୁ ଜାତି, ଅଜାତି , ଉଚ୍ଚ , ନୀଚ ଭେଦ ଭାବ, ବାଦବିବାଦ , ମାନ ଅଭିମାନ , ରାଗ ରୁଷା ଭୁଲି ପରସ୍ପର ସହିତ ସଦଭାବନା ପୂର୍ଣ୍ଣ ସମ୍ପର୍କ ରଖିବାକୁ ଶିଖାଇଥାଏ |

ଙ) ଏ ପର୍ବର ବିଶେଷତ୍ୱ କ’ଣ ?

ଉ : ଏହି ପର୍ବର ବିଶେଷତ୍ଵ ହେଲା – ଏହା ଆମକୁ ସାମାଜିକ ବନ୍ଧନର ଗୁରୁତ୍ଵ ଶିଖାଇଥାଏ ଏବଂ ଆମ ମନରେ ମାନବିକତା ଭ୍ରାତୃତ୍ୱ ଭାବନା ସୃଷ୍ଟି କରେ |

୨. ବାଲଟିରେ କେତେଗୁଡିଏ ଶବ୍ଦ ଓ ମାଠିଆରେ ତା’ର ବିପରୀତ ଅର୍ଥ ବୁଝାଉଥିବା ଶବ୍ଦଗୁଡିକ ଅଛି, ତାକୁ ଏକାଠି କରି ଲେଖିବା |

ବାଲଟି : - ସରସ, ନୂଆ, ଶୁକ୍ଳ, ସୀମିତ, ଦରିଦ୍ର

ମାଠିଆ : - ଅସୀମ, ନୀରସ, ଧନୀ, କୃଷ୍ଣ , ପୁରୁଣା

ଉ :

ସରସ ନୀରସ

ନୂଆ ପୁରୁଣା

ଶୁକ୍ଳ କୃଷ୍ଣ

ସୀମିତ ଅସୀମ

ଦରିଦ୍ର ଧନୀ

୩. ତଳେ କେତେଗୁଡିଏ ଶବ୍ଦ ଦିଆଯାଇଛି | ସେଗୁଡ଼ିକର ବିପରୀତ ଲିଙ୍ଗ ପ୍ରକାଶ କରୁଥିବା ଶବ୍ଦଗୁଡିକୁ ଲେଖିବା |

ଦିଆଯାଇଥିବା ଶବ୍ଦ ବିପରୀତ ଲିଙ୍ଗ

ନର ନାରୀ

ବୁଢା ବୁଢୀ

ଇଷ୍ଟଦେବୀ ଇଷ୍ଟଦେବ

ବୋହୂ ପୁଅ

ପିତୃ ମାତୃ

୪. ଠିକ୍ ବନାନ ଥିବା ଶବ୍ଦଟିକୁ ବାଛି ତଳ କୋଠରିରେ ଲେଖ |

ସରସ

ଶରସ

ସରଶ

ଶରଶ

ସିମୀତ

ସିମିତ

ସୀମିତ

ସୀମୀତ

ଉସ୍ଥାହ

ଉତ୍ସାହ

ଉଚ୍ଛାହ

ଉସ୍ତାହ

ସାମଗ୍ରି

ଷାମଗ୍ରୀ

ଶାମଗ୍ରୀ

ସାମଗ୍ରୀ

ଭାତୃତ୍ୱ

ଭ୍ରାତୃତ୍ଵ

ଭ୍ରାତୁତ୍ଵ

ଭାତ୍ରୁତ୍ୱ

ସରସ

ସୀମିତ

ଉତ୍ସାହ

ସାମଗ୍ରୀ

ଭ୍ରାତୃତ୍ଵ

୫. “ପିଲାମାନେ ପଡିଆରେ ଖେଳୁଛନ୍ତି” ଏହି ବାକ୍ୟରେ ଖେଳିବା କାମକୁ ପିଲାମାନେ କରୁଛନ୍ତି | ତେଣୁ “ପିଲାମାନେ” ହେଉଛି କର୍ତ୍ତା “ଖେଳୁଛନ୍ତି” କ୍ରିୟା |

ସେହିପରି ତଳ ବାକ୍ୟଗୁଡ଼ିକରେ କର୍ତ୍ତା ଚାରିପଟେ ଗୋଲ ବୁଲାଇବା ଓ କ୍ରିୟାପଦ ତଳେ ଗାର ଦେବା |

କ) ଝିଅବୋହୂମାନେ ଘରଦ୍ଵାର ସଜାଡ଼ନ୍ତୁ ।

ଉ : ଝିଅବୋହୂମାନେ ଘରଦ୍ଵାର ସଜାଡନ୍ତି |

ଖ) ମୁଁ ବାପାଙ୍କ ସାଙ୍ଗରେ ଭୋଜି ଖାଇବାକୁ ଗଲି ।

ଉ : ମୁଁ ବାପାଙ୍କ ସାଙ୍ଗରେ ଭୋଜି ଖାଇବାକୁ ଗଲି |

ଗ) ଚପଳା କାଲି ନୟାଗଡ଼ରୁ ଫେରିବ |

ଉ : ଚପଳା କାଲି ନୟାଗଡ଼ରୁ ଫେରିବ |

ଘ) ତୁମେମାନେ କାହିଁକି ସମୟ ନଷ୍ଟ କରୁଛ ?

ଉ : ତୁମେମାନେ କାହିଁକି ସମୟ ନଷ୍ଟ କରୁଛ ?

ଙ) ଅଳସୁଆ ଦୁଃଖ ପାଏ |

ଉ : ଅଳସୁଆ ଦୁଃଖ ପାଏ |

୬. ଘରର ମୁଖିଆ ନୂଆ ଲୁଗା ପିନ୍ଧନ୍ତି |

ସେ ପୂଜାପାଠ କରନ୍ତି |

ପ୍ରଥମ ବାକ୍ୟରେ ଥିବା “ଘରର ମୁଖିଆ” ଙ୍କୁ ବୁଝାଇବା ପାଇଁ ଦ୍ଵିତୀୟ ବାକ୍ୟରେ “ସେ” ବ୍ୟବହାର କରାଯାଇଛି | ସେହିପରି ତଳ ବାକ୍ୟଗୁଡ଼ିକରେ ଗାର

ଦିଆଯାଇଥିବା ଶବ୍ଦକୁ ବୁଝାଇବା ପାଇଁ ଯେଉଁ ଶବ୍ଦ ବନ୍ଧନୀରୁ ବ୍ୟବହାର କରାଯିବ ତା’ ଚାରିପଟେ “O” ବୁଲାଇବ |

ବୁଲାଇବ ।

କ) ପୁଅ ଝିଅ ପାଠ ପଢ଼ିଲେ ଘରର ଓ ଦେଶର ମଙ୍ଗଳ |

(ସେ, ସେମାନେ)

ଉ : (ସେମାନେ)

ଖ) ମୋତେ ଓ ମୋ ସାଙ୍ଗଙ୍କୁ ପୁରସ୍କାର ମିଳିଲା |

( ଆମ୍ଭମାନଙ୍କୁ , ସେମାନଙ୍କୁ)

ଉ: (ଆମ୍ଭମାନଙ୍କୁ)

ଗ) ବିଜୟବାବୁଙ୍କ ବଗିଚାଟି ଖୁବ୍ ସୁନ୍ଦର ହୋଇଛି ।

(ତାଙ୍କର, ତୁମର )

ଉ : ତାଙ୍କର

ଘ) ନୂଆଖାଇ କୃଷକମାନଙ୍କରୁ ଆନନ୍ଦ ଉଲ୍ଲାସର ପର୍ବ ।

(ତୁମମାନଙ୍କର, ସେମାନଙ୍କର)

ସେମାନଙ୍କର

୭. ସୋମା ଓ ରାଜୁ ଯଦି ଆସିବେ ମୁଁ ଯିବି | ଏହି ବାକ୍ୟରେ “ ଓ “ , “ଯଦି” ଶବ୍ଦ ଦୁଇଟି ଅବ୍ୟୟ ପଦ | ସେହିପରି ତଳ ବାକ୍ୟଗୁଡିକରେ ଥିବା ଅବ୍ୟୟ ପଦକୁ ବାଛି ଲେଖିବା |

କ) ମୁ ତାକୁ ଡାକିଲି, କଉଁଟୁ ସେ ଆସିଲା ନାହିଁ |

ଉ : କିନ୍ତୁ

ଖ) ବୃକ୍ଷଲତା ତ ଆମର ବନ୍ଧୁ |

ଉ : ତ

ଗ) ଅଳସୁଆ ହୋଇ ବସ ନାହିଁ , ବରଂ କିଛି କାମ କର |

ଉ : ବରଂ

ଘ) ମୁଁ ତାକୁ ଏତେ ଅନୁରୋଧ କଲି, ତଥାପି ସେ ମୋ କଥା ଶୁଣିଲା ନା ହିଁ |

ଉ : ତଥାପି

ଙ) ସେ ଆଜି ଆସିଥିଲେ, ପୁଣି କାଲି ଆସିବେ |

ଉ : ପୁଣି

୮. ତଳେ ଦିଆଯାଇଥିବା ପ୍ରଶ୍ନଗୁଡିକର ଉତ୍ତର ଲେଖିବା |

କ) ନୂଆଖାଇ ପର୍ବ କେବେ ପାଳନ କରାଯାଏ ?

ଉ : ନୂଆଖାଇ ପର୍ବ ଭାଦ୍ରବ ମାସ ଶୁକ୍ଲପକ୍ଷ ପଞ୍ଚମୀ ତିଥିରେ ପାଳନ କରାଯାଏ |

ଖ) ଏହି ପର୍ବ ପାଳନ ପାଳନ ପୂର୍ବରୁ ଲୋକମାନେ କିପରି ନିଜକୁ ପ୍ରସ୍ତୁତ କରନ୍ତି ?

ଉ : ଏହି ପର୍ବ ପାଳନ ପୂର୍ବରୁ ଲୋକମାନେ ଘରର ଜିନିଷ ପତ୍ର ସଫା କରି ସଜାଡି ରଖନ୍ତି | ଆବଶ୍ୟକୀୟ ପୂଜା ସାମଗ୍ରୀ, ଅନ୍ୟାନ୍ୟ ଦ୍ରବ୍ୟ ଓ ନୂଆ ଲୁଗା କିଣନ୍ତି |

ଗ)”ନୂଆଖାଇ ଜୁହାର” କିଏ କାହାକୁ କରନ୍ତି ?

ଉ : ସାନମାନେ ବଦମାନଙ୍କୁ ନୂଆଖାଇ ଜୁହାର କରନ୍ତି |

ଘ) “ନୂଆଖାଇ” ଭେଟଘାଟ କେତେବେ ହୋଇଥାଏ ?

ଉ : ନୂଆଖାଇ ସାର , ନୂଆ ପୋଷାକ ପିନ୍ଧି ସାରିଲା ପରେ ନୂଆଖାଇ ଭେଟଘାଟ ହୋଇଥାଏ |

ଙ) ତୁମେ ଜାଣିଥିବା କେତୋଟି ପର୍ବପର୍ବାଣିର ନାମ ଲେଖ |

ସରସ୍ଵତୀ ପୂଜା, ଦଶହରା, ଦୀପାବଳି , ମକର ସଂକ୍ରାନ୍ତି |

୯. ନିଜ ଭାଷାରେ ବୁଝାଇ ଲେଖ |

ଏଥିରେ ଜାତି ଅଜାତି, ଉଚ୍ଚନୀଚ ଭେଦଭାବ ନ ଥାଏ |

ଉ : ଏଥିରେ ...........................................ନ ଥାଏ |

ଉକ୍ତ ଗଦ୍ୟାଂଶଟି ଆମ ପଠିତ ସାହିତ୍ୟ ବହିର “ନୂଆଖାଇ” ବିଷୟରୁ ଆସିଅଛି | ଏଠାରେ ଲେଖକ ବିପିନ ବିହାରୀ ବିଶି ନୂଆଖାଇ ପର୍ବ କିପରି ଆମ ଭିତରୁ ସବୁପ୍ରକାର ଭେଦଭାବ ଦୁରେଇ ଦିଏ ସେ ବିଷୟରେ ବର୍ଣ୍ଣନା କରିଛନ୍ତି |

ନୂଆଖାଇ ପର୍ବ ଭାଦ୍ରବମାସ ଶୁକ୍ଳପକ୍ଷ ପଞ୍ଚମୀ ତିଥିରେ ପାଳନ କରାଯାଏ | ଏହି ପର୍ବରେ ବର୍ଷର ପ୍ରଥମ ଅନ୍ନ ଇଷ୍ଟ ଦେବୀଙ୍କୁ ଭୋଗ ଲାଗିବାର ପରମ୍ପରା ରହିଆସିଛି | ଏହି ପର୍ବରେ ଧନୀ , ଗରିବ ସମସ୍ତେ ପୂଜା ପାଇଁ ତତ୍ପର ହୋଇ ଉଠନ୍ତି | ନୂଆଖାଇ ସାର ରଙ୍ଗିନ୍ ପୋଷାକ ପିନ୍ଧି ସେମାନେ ସାହିର ସବୁଘର ବୁଲି ଗୁରୁଜନମାନଙ୍କୁ ପ୍ରଣାମ କରନ୍ତି | ଏହି ପର୍ବ ପୂର୍ବରୁ ବାହାରେ ଥିବା ସମସ୍ତେ ଘରକୁ ଫେରି ଆସନ୍ତି | ଏହି ପର୍ବ ଆମକୁ ସାମାଜିକ ବନ୍ଧନର ଗୁରୁତ୍ଵ ଶିଖାଏ | ଆମ ମନରେ ମାନବିକତା ଓ ଭ୍ରାତୃତ୍ୱ ଭାବନା ସୃଷ୍ଟି କରେ | “ଲୋକେ ଉଚ୍ଚନୀଚ | ଛୁଆଁ ଅଛୁଆଁ ଭେଦଭାବ ଭୁଲି ପରସ୍ପରକୁ ଏକଟା, ସଦଭାବନା ଓ ପ୍ରେମ ରଜ୍ଜୁରେ | ଏଠାରେ ଲେଖକଙ୍କର ବର୍ଣ୍ଣନା ଯଥାର୍ଥ ଅଟେ |

୧୦. ତଳେ କିଛି ପର୍ବ ଓ ସେହି ପର୍ବଗୁଡିକର ନିର୍ଦ୍ଦିଷ୍ଟ ସମୟ ବିଷୟରେ ସୂଚନା ଦିଆଗଲା | ଆସ ଗାର ଟାଣି ସେମାନଙ୍କୁ ମିଶାଇବା |

ଇଦ୍ – ଉଲ – ଫିତର ରାମଜାନ୍ ସରିବା ପରଦିନ

ରକ୍ଷା ବନ୍ଧନ ଶ୍ରାବଣ ପୂର୍ଣ୍ଣିମା

ବଡଦିନ ଡିସେମ୍ବର ମାସ ୨୫ ତାରିଖ

ଶ୍ରୀକୃଷ୍ଣ ଜନ୍ମ ଭାଦ୍ରବ କୃଷ୍ଣ ଅଷ୍ଟମୀ

ସ୍ଵାଧୀନତା ଦିବସ ଅଗଷ୍ଟ ୧୫ ତାରିଖ

୧୧. ତଳେ ଦିଆଯାଇଥିବା ପ୍ରତ୍ୟେକ ଶବ୍ଦ ପାଇଁ କେତୋଟି ଅର୍ଥ ଦିଆଯାଇଛି | ଠିକ୍ ଅର୍ଥ ସ୍ଥାନରେ ଗୋଲ ବୁଲାଅ |

ଉଦ୍ଦୀପନା – ମିଳନ , ଉତ୍ସାହ , ଆଗ୍ରହ

ଉ : ଉତ୍ସାହ

ପରମ୍ପରା : ସୌନ୍ଦର୍ଯ୍ୟ , ପ୍ରଗତି , ପ୍ରଥା

ଉ : ପ୍ରଥା

ସମ୍ପ୍ରଦାୟ – ଧାର୍ମିକ , ଗୋଷ୍ଠୀ , ପୂଜାରୀ

ଉ : ଗୋଷ୍ଠୀ

ବିଷାଦ : ଜଞ୍ଜାଳ , କ୍ରୋଧ, ଦୁଃଖ

ଉ : ଦୁଃଖ

୧୨. ତଳେ ଦିଆଯାଇଥିବା ଶବ୍ଦମାନଙ୍କୁ ନେଇ ବାକ୍ୟ ଗଠନ କର |

ରାଗରୁଷା – ସାଙ୍ଗସାଥୀଙ୍କ ମଧ୍ୟରେ ରାଗରୁଷା ଏକ ସାଧାରଣ କଥା |

ବାଦବିବାଦ – ଦୁଇ ଭାଇଙ୍କ ମଧ୍ୟରେ ପୈତୃକ ସମ୍ପତ୍ତିକୁ ଚାରିବର୍ଷ ହେବ ବାଦବିବାଦ ଲାଗି ରହିଛି |

ମାନ ଅଭିମାନ – ପୂଜା ପାର୍ବଣରେ ମାନ ଅଭିମାନ ତ୍ୟାଗ କରି ସମସ୍ତେ ଏକାଠି ହୁଅନ୍ତି |

ଭେଦଭାବ – ଯେଉଁଠି ଛୁଆଁ ଅଛୁଆଁ ଭେଦଭାବ ସେଠାରେ ମାନବିକତା ଓ ବିଶ୍ଵ ଭ୍ରାତୃତ୍ୱ ଭାବନା ନଥାଏ |

Nuakhai ନୂଆଖାଇ Class 5 Odia Chapter 4 | Sahitya Kusuma

RATINGS

Out of 1 ratings.

Other Chapters

Suggested