ଯେ ଥାଏ ପର ଉପକାରେ

୧. ଉତ୍ତର ଲେଖ |

କ) ମେକରଣ କେଉଁ ସ୍ଥାନରେ ତପସ୍ୟା କରିଥିଲେ ?

ଉ : ମେକରଣ ଗିରିନାର ପର୍ବରେ ପାଦ ଦେଶରେ ଥିବା ଅରଣ୍ୟରେ ବାରବର୍ଷ ଧରି ତପସ୍ୟା କରିଥିଲେ |

ଖ) ତପସ୍ୟା ସମୟରେ ସେ କିପରି ଜୀବନ ବିତାଉଥିଲେ ?

ଉ : ତପସ୍ୟା ସମୟରେ କନ୍ଦମୂଳ ଖାଇ ଓ ଝରଣା ପାଣି ପିଇ ସେ ଜୀବନ ବିତାଉଥିଲେ |

ଗ) ଗୁରୁ କାହିଁକି ମେକରଣଙ୍କୁ ଆଶୀର୍ବାଦ କଲେ ?

ଉ : ମେକରଣଙ୍କର ଗୁରୁ ଥିଲେ ଦତ୍ତା ତ୍ରେୟ | ସେ ଯେତେବେଳେ ଜାଣିଲେ ଯେ ତାଙ୍କ ଶିଷ୍ୟ ମେକରଣ କଠୋର ତପସ୍ୟା କରୁଛନ୍ତି ,ତାଙ୍କ ମନ ଖୁବ ଆନନ୍ଦିତ ହୋଇଥିଲା | ତେଣୁ ସେ ମେକରଣଙ୍କୁ ଆଶୀର୍ବାଦ କଲେ |

ଘ) ନିଜର ତପସ୍ୟା ସରିବା ପରେ ମେକରଣ ଗୁରୁଙ୍କୁ କ’ଣ କହିଲେ ?

ଉ : ନିଜର ତପସ୍ୟା ସରିବା ପରେ ତାଙ୍କୁ କ’ଣ କରିବାକୁ ହେବ ବୋଲି ମେକରଣ ଗୁରୁଙ୍କୁ ପଚାରି ବୁଝିଥିଲେ |

ଙ. ମରୁଭୂମିକୁ ମେକରଣ କିପରି ପାଣି ନେଉଥିଲେ ?

ଉ : ଗୁରୁ ଦତ୍ତା ତ୍ରେୟ ପ୍ରଦାନ କରିଥିବା ତୁମ୍ବୀ ଦୁଇଟିରେ ପାଣି ପୁରାଇ ମେକରଣ ଭାର ସାହାଯ୍ୟରେ ମରୁଭୂମିକୁ ନେଉଥିଲେ |

୨. ଉତ୍ତର ଲେଖ |

କ) ଦତ୍ତା ତ୍ରେୟ ମେକରଣଙ୍କୁ ତୁମ୍ବୀ ଦୁଇଟି ଦେବାର କାରଣ କ’ଣ ଥିଲା ?

ଉ : କଛ ମରୁଭୂମିରେ ପାଣି ଅଭାବରୁ ଅନେକ ସମୟରେ ଯାତ୍ରୀମାନେ ମୃତ୍ୟୁମୁଖରେ ପଡୁଥିଲେ | ତୁମ୍ବୀ ଦୁଇଟିରେ ପାଣିନେଇ ଯାତ୍ରୀମାନଙ୍କୁ ପ୍ରଦାନ କରି ମହତକାର୍ଯ୍ୟ କରିବାପାଇଁ ଗୁରୁ ମେକରଣଙ୍କୁ ଉପଦେଶ ଦେଇଥିଲେ | ମରୁଭୁମି ମଧ୍ୟକୁ ପାଣିନେବା ପାଇଁ ସେ ତାଙ୍କୁ ତୁମ୍ବୀ ଦୁଇଟି ଦେଇଥିଲେ |

ଖ) ତୁମ୍ବୀ ଦୁଇଟି ମେକରଣ କିପରି ବ୍ୟବହାର କରୁଥିଲେ ?

ଉ : ମେକରଣ ତୁମ୍ବୀ ଦୁଇଟିରେ ପ୍ରତିଦିନ ପାଣି ପୁରାଇ ମେକରଣ ଭାର ସାହାଯ୍ୟରେ ମରୁଭୂମିର ବହୁଦୂରକୁ ଯାଉଥିଲେ | ଶୋଷରେ ବିକଳ ହୋଇ ପାଣି ଖୋଜୁଥିବା ଯାତ୍ରୀମାନଙ୍କ ପାଖରେ ପହଞ୍ଚି ସେ ସେମାନଙ୍କୁ ପାଣି ପିଆଇ ମୃତ୍ୟୁ ମୁଖରୁ ବଞ୍ଚାଉଥିଲେ |

ଗ) ପଥିକମାନଙ୍କୁ ଦେଖି ମେକରଣ ଖୁସି ହେଉଥିଲେ କାହିଁକି ?

ଉ : ‘ଜଳଦାନ ମହତଦାନ’ କୁ ମେକରଣ ଜୀବନର ବ୍ରତ ରୂପରେ ଗ୍ରହଣ କରିଥିଲେ | ସେଥିପାଇଁ ସେ ବହୁ କଷ୍ଟ ସ୍ଵୀକାର କରୁଥିଲେ | କଷ୍ଟକର ଜଳବାୟୁ ମଧ୍ୟରେ ରହି ମରୁଭୂମିର ଯାତ୍ରୀମାନଙ୍କୁ ଜଳ ପ୍ରଦାନ କରି ସେମାନଙ୍କୁ ମୃତ୍ୟୁ ମୁଖରୁ ରକ୍ଷା କରୁଥିଲେ | ମରଣ ମୁହଁରୁ ମୁକୁଳି ଆସୁଥିବା ସେହି ମଣିଷମାନଙ୍କ ମୁହଁରେ ହସ ଦେଖି ସେ ଖୁସି ହୋଇଯାଉଥିଲେ |

ଘ) କେଉଁ ଉପାୟରେ ମୋତି ଓ ଲାଲା ଲୋକମାନଙ୍କୁ ପାଣି ଯୋଗାଉଥିଲେ ?

ଉ : ମେକରଣ ତୁମ୍ବୀ ଦୁଇଟିରେ ପାଣି ଭରି ତାକୁ ଗଧ ପିଠିରେ ଓହଳାଇ ଦେଉଥିଲେ | ସାଙ୍ଗରେ ଗୋଟିଏ ଡବା ଦେଉଥିଲେ | ମୋତି ଆଗରେ ଓ ଲାଲା ତା’ ପଛରେ ପାଣିବିନା ଛଟପଟ ହେଉଥିବା ଯାତ୍ରୀମାନଙ୍କ ପାଖକୁ ଯାଉଥିଲେ | ଶୋଷିଲା ଯାତ୍ରୀମାନେ ଗଧ ପିଠିରେ ଓହଳିଥିବା ତୁମ୍ବୀରୁ ଡବାରେ ପାଣି କାଢି ପିଉଥିଲେ | ଏହିପରି ମୋତି ଓ ଲାଲା ଲୋକମାନଙ୍କୁ ପାଣି ଯୋଗାଉଥିଲେ |

ଙ. ରାଜାଙ୍କୁ ମେକରଣ କି ଦାନ ମାଗିଥିଲେ ?

ଉ : “ରାଜା କଛ ଭୂମିରେ ଆଉ ଶିକାର ନ କରନ୍ତୁ” ମେକରଣ ରାଜାଙ୍କୁ ଦାନ ସ୍ୱରୂପ ଏହା ମାଗିଥିଲେ | ଏଥିରୁ ତାଙ୍କର ଜୀବେ ଦୟାଭାବ ପ୍ରକାଶ ପାଉଛି |

୩. ତଳେ ଦିଆଯାଉଥିବା ଅନୁଚ୍ଛେଦଟିକୁ ପଢି ଆବଶ୍ୟକ ସ୍ଥଳରେ ଉପଯୁକ୍ତ ଚିହ୍ନ ଦେବା |

ବ୍ୟାସଦେବ କେବଳ ଜଣେ ଋଷି ନଥିଲେ ସେ ଥିଲେ ଜଣେ ମହାନ ପଣ୍ଡିତ ସେ ନିଜେ ଅନେକ ପୁରାଣଶାସ୍ତ୍ର ରଚନା କରିଥିଲେ ବହୁ ଶିଷ୍ୟ ତାହାଙ୍କ ନିକଟରେ ରହି ବିଦ୍ୟା ଅଧ୍ୟୟନ କରୁଥିଲେ ଏଭଳି ଏକ ଚମତ୍କାର ଦୃଶ୍ୟ ଦେଖି ତାଙ୍କର ଆଶ୍ଚର୍ଯ୍ୟର ସୀମା ରହିଲା ନାହିଁ ସେ ମନେମନେ ଚିନ୍ତା କଲେ ମୁଁ ତ ଏତେ ଶାସ୍ତ୍ର ଅଧ୍ୟୟନ କରିଛି କିନ୍ତୁ କାହିଁ ସଂସାରରେ ଏଭଳି ବିଦ୍ୟା ଥିବାର ତ ମୁଁ ଜାଣିନାହିଁ ସୁତରାଂ ମୋର ବିଦ୍ୟା ଅପୂର୍ଣ୍ଣ ଅଟେ |

ଉ : ବ୍ୟାସଦେବ କେବଳ ଜଣେ ଋଷି ନଥିଲେ ସେ ଥିଲେ ; ଜଣେ ମହାନ ପଣ୍ଡିତ | ସେ ନିଜେ ଅନେକ ପୁରାଣଶାସ୍ତ୍ର ରଚନା କରିଥିଲେ | ବହୁ ଶିଷ୍ୟ ତାହାଙ୍କ ନିକଟରେ ରହି ବିଦ୍ୟା ଅଧ୍ୟୟନ କରୁଥିଲେ | ଏଭଳି ଏକ ଚମତ୍କାର ଦୃଶ୍ୟ ଦେଖି ତାଙ୍କର ଆଶ୍ଚର୍ଯ୍ୟର ସୀମା ରହିଲା ନାହିଁ | ସେ ମନେମନେ ଚିନ୍ତା କଲେ ; ମୁଁ ତ ଏତେ ଶାସ୍ତ୍ର ଅଧୀୟାନ କରିଛି କିନ୍ତୁ କାହିଁ ସଂସାରରେ ଏଭଳି ବିଦ୍ୟା ଥିବାର ତ ମୁଁ ଜାଣିନାହିଁ | ସୁତରାଂ ମୋର ବିଦ୍ୟା ଅପୂର୍ଣ୍ଣ ଅଟେ |

୪. ବନ୍ଧନୀ ମଧ୍ୟରୁ ଉପଯୁକ୍ତ ଶବ୍ଦ ବାଛି ଶୂନ୍ୟସ୍ଥାନ ପୂରଣ କରିବା |

(ଅବା , ତେଣୁ , ଯଦି , କିନ୍ତୁ , ଅଥଚ , ଯେ , ଓ)

କ) ଅନେକ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳକୁ ନେଇ ଆମ ଦେଶ ଗଠିତ |

ଖ) ଗୁରୁ ଯେତେବେଳେ ଜାଣିଲେ ଯେ ତାଙ୍କ ଶିଷ୍ୟ ତପସ୍ୟା କରୁଛି , ସେ ଆନନ୍ଦିତ ହେଲେ |

ଗ) ମେକରଣ ବାର୍ଦ୍ଧକ୍ୟରେ ପହଞ୍ଚିଲେ ଅଥଚ ପଥିକମାନଙ୍କୁ ପାଣି ଯୋଗାଉଥିଲେ |

ଘ) ଜଳ ହିଁ ଜୀବନ ତେଣୁ ଜଳଦାନ ମହତ ଦାନ |

ଙ) ମେକରଣ କିନ୍ତୁ ଚଦରଟିକୁ ନେଲେ ନାହିଁ |

୫. ଚକ୍ରର ମଝିରେ ଥିବା ଅକ୍ଷର ସହ ଚାରିପଟେ ଥିବା ଅକ୍ଷରକୁ ଯୋଡି ଯେଉଁ ନୂତନ ଶବ୍ଦଟି ମିଳୁଛି ସେହି ଶବ୍ଦକୁ ଚକ୍ରର ବାହାର ବୃତ୍ତରେ ଲେଖିବା ଓ ବ୍ୟବହାର କରି ବାକ୍ୟ ଗଢିବା |

ସ୍ଵାର୍ଥ – ମଣିଷ ନିଜର ସ୍ଵାର୍ଥ ହାସଲ ପାଇଁ ଅନ୍ୟର କ୍ଷତି କରିବାକୁ ପଚ୍ଛାଏ ନାହିଁ |

ସ୍ଵାଗତ – ବନ୍ଧୁମାନଙ୍କୁ ସ୍ଵାଗତ କର |

ସ୍ଵାକ୍ଷର – ସଭାରେ ଗୃହୀତ ପ୍ରସ୍ତାବ ଉପରେ ସଭାପତି ସ୍ଵାକ୍ଷର କଲେ |

ସ୍ଵାୟତ୍ତ – ସହରମାନଙ୍କରେ ସ୍ଵାୟତ୍ତ ଶାସନ ଚାଲୁଛି |

ସ୍ଵାଭାବିକ – ପିଲାଟି ସୁସ୍ଥ ହୋଇ ସ୍ଵାଭାବିକ ଭାବରେ କାର୍ଯ୍ୟ କରୁଛି |

ସ୍ୱାଦିଷ୍ଟ – ପ୍ରତିଦିନ ଛାତ୍ରମାନେ ସ୍ୱାଦିଷ୍ଟ ଆହାର କରିବା ଉଚିତ |

ସ୍ଵାଧୀନ – ଆମ୍ଭେମାନେ ଭାରତ ବର୍ଷର ସ୍ଵାଧୀନ ନାଗରିକ |

ସ୍ଵାବଲମ୍ବୀ – ଆମ ଦେଶର ମହିଳାମାନେ ସ୍ଵାବଲମ୍ବୀ ଅଟନ୍ତି |

୬. ବନ୍ଧନୀ ମଧ୍ୟରୁ ଉପଯୁକ୍ତ କ୍ରିୟାପଦ ବାଛି ଶୂନ୍ୟସ୍ଥାନ ପୂରଣ କରିବା |

କ) ଭୋକ ହେଲେ ସେମାନେ ଫଳମୂଳ _______ |(ଖାଏ , ଖାଇଲା , ଖାଇବେ)

ଉ : ଭୋକ ହେଲେ ସେମାନେ ଫଳମୂଳ ଖାଇବେ |

ଖ) ଶିଷ୍ୟର ସଫଳତା ବିଷୟରେ ଶୁଣି ଗୁରୁ ଖୁସି _______ |(ହେଲେ , ହୋଇଥାନ୍ତା , ହେବା)

ଉ : ଶିଷ୍ୟର ସଫଳତା ବିଷୟରେ ଶୁଣି ଗୁରୁ ଖୁସି ହେଲେ |

ଗ) ଏବେ ମୋତେ କ’ଣ କରିବାକୁ ହେବ ଆପଣ _______ |(କୁହ , କହିବ , କୁହନ୍ତୁ)

ଉ : ଏବେ ମୋତେ କ’ଣ କରିବାକୁ ହେବେ ଆପଣ କୁହନ୍ତୁ |

ଘ) ସନ୍ଧ୍ୟା ହେଲେ ଲାଲା ଓ ମୋତି କୁଡିଆକୁ _______ | (ଫେରେ , ଫେରନ୍ତି , ଫେରିବା)

ଉ : ସନ୍ଧ୍ୟା ହେଲେ ଲାଲା ଓ ମୋତି କୁଡିଆକୁ ଫେରନ୍ତି |

୭. ତଳେ ଦିଆଯାଇଥିବା ଶବ୍ଦମାନଙ୍କୁ ଗୋଟିଏ ଗୋଟିଏ ବାକ୍ୟରେ ବ୍ୟବହାର କରିବା |

କ) ଏକୀଭୁତ

ଉ : ଗଣତନ୍ତ୍ର ଏକୀଭୁତ ଶାସନ ପ୍ରଦାନ କରେ |

ଖ : ଦୃଢୀଭୁତ

ଉ : କୁସଂସ୍କାର ବିଲୋପ ହେତୁ ସମାଜ ଦୃଢୀଭୁତ ହୋଇପାରିଛି |

ଗ) ଦ୍ରବୀଭୂତ

ଉ : ଲୁଣ ପାଣିରେ ଦ୍ରବୀଭୂତ ହୁଏ |

ଘ) ଦୂରୀଭୂତ

ଉ : ଆପଣଙ୍କର କଥା ଶୁଣି ମୋର ସନ୍ଦେହ ଦୂରୀଭୂତ ହେଲା |

୮. ତଳେ ଦିଆଯାଇଥିବା ଶବ୍ଦ ମାନଙ୍କରେ ଆବଶ୍ୟକ ସ୍ଥଳେ ନିବାରଣ କିମ୍ବା ସମ୍ବରଣ ଯୋଗ କରିବା |

କ୍ଷୁଧା – କ୍ଷୁଧା ନିବାରଣ

ଲୋଭ – ଲୋଭ ସମ୍ବରଣ

ଲଜ୍ଜା – ଲଜ୍ଜା ନିବାରଣ

ଅଶ୍ରୁ – ଅଶ୍ରୁ ସମ୍ବରଣ

ତୃଷା – ତୃଷା ନିବାରଣ

କ୍ରୋଧ – କ୍ରୋଧ ସମ୍ବରଣ

ବିଶ୍ଵସ୍ତ ସାଥୀ ଯନ୍ତ୍ର ମାନବ

Je Thae Para Upakare ଯେ ଥାଏ ପର ଉପକାରେ Class 5 Odia - Chapter - 9 - Question and Answer

RATINGS

Out of 1 ratings.

Other Chapters

Suggested