ବୃକ୍ଷଲତା ଆମର ବନ୍ଧୁ

୧. ଉତ୍ତର କୁହ |

କ) ଶିଷ୍ୟ ଜଣକ ଗୁରୁଙ୍କ ପ୍ରଶ୍ନର କି ଉତ୍ତର ଦେଇଥିଲେ ?

ଉତ୍ତର : ଶିଷ୍ୟ ଜଣଙ୍କ ଗୁରୁଙ୍କ ପ୍ରଶ୍ନର ଉତ୍ତର ଦେଇ କହିଥିଲେ ଯେ ଗାଁ ଗଣ୍ଡା , ବଣ ଜଙ୍ଗଲ ଓ ପାହାଡ ପର୍ବତ ବୁଲି ମଧ୍ୟ ସେ କେଉଁଠି ହେଲେ ଅଦରକାରୀ ଗଛ ବା ଲତା ଦେଖିଲେ ନାହିଁ | ପ୍ରତ୍ୟକ ଗଛ ଲତାର ଉପକାରିତା ଅଛି ଏବଂ ପ୍ରତ୍ୟକ ଉଦ୍ଭିଦର ଔଷଧ ଗୁଣ ଭରି ରହଛି | ସତେ ଯେପରି ମଣିଷ ଓ ପଶୁପକ୍ଷୀଙ୍କୁ ରୋଗମୁକ୍ତ କରି ସେମାନଙ୍କୁ ସୁସ୍ଥ ସବଳ ରଖିବା ପାଇଁ ସେମାନେ ଜନ୍ମ ନେଇଛନ୍ତି |

ଖ) ଚରକ କେଉଁ ଶାସ୍ତ୍ର ଲେଖି ପ୍ରସିଦ୍ଧି ଲାଭ କରିଛନ୍ତି ?

ଉତ୍ତର : ଚରକ “ ଚରକ ସଂହିତା “ ନାମକ ଚିକିତ୍ସା ଶାସ୍ତ୍ର ଲେଖି ପ୍ରସିଦ୍ଧି ଲାଭ କରିଛନ୍ତି |

ଗ) ବୃକ୍ଷରୋପଣ ଅଧିକ ପୂଣ୍ୟ କାର୍ଯ୍ୟ ବୋଲି କାହିଁକି କୁହାଯାଇଛି ?

ଉତ୍ତର : ବୃକ୍ଷଲତା ମଣିଷ ଅନେକ ଉପକାର କରନ୍ତି | ଏମାନେ ମନୁଷ୍ୟର ଏକାନ୍ତ ଉପକାରୀ ବନ୍ଧୁ ହୋଇଥିବାରୁ ସୁସନ୍ତାନ ମାନଙ୍କୁ ଜନ୍ମଦେବାଠାରୁ ବୃକ୍ଷରୋପଣ ଅଧିକ ପୂଣ୍ୟ କାର୍ଯ୍ୟ ବୋଲି ପୁରାଣରେ ବର୍ଣ୍ଣିତ ହୋଇଛି |

ଘ) ଆଲୋକ ସଂଶ୍ଳେଷଣ ପ୍ରକ୍ରିୟାରେ ବୃକ୍ଷଲତା କ’ଣ କରନ୍ତି ?

ଉତ୍ତର : ଆଲୋକ ସଂଶ୍ଳେଷଣ ପ୍ରକ୍ରିୟାରେ ବୃକ୍ଷଲତା ବାୟୁରୁ ଅଙ୍ଗାରକାମ୍ଳ ବାଷ୍ପ ଗ୍ରହଣ କରି ଅମ୍ଳଜାନ ଛାଡ଼ନ୍ତି |

ଙ) ବୃକ୍ଷଲତା ନିକଟରେ ଆମେ ଋଣୀ ବୋଲି କହିବାର କାରଣ କ’ଣ ?

ଉତ୍ତର : ଉଦ୍ଭିଦ ଓ ପ୍ରାଣୀ ପରସ୍ପର ନିର୍ଭରଶୀଳ ପ୍ରାଣୀ ଜଗତର ବିନା ସାହାଯ୍ୟରେ ଉଦ୍ଭିଦଜଗତ ବଞ୍ଚିପାରେ ; ମାତ୍ର ଉଦ୍ଭିଦଜଗତ ବିନା ପ୍ରାଣୀଜଗତ ବଞ୍ଚିବା ଏକାନ୍ତ ଅସମ୍ଭବ | ବାୟୁମଣ୍ଡଳର ବିଶୁଦ୍ଧତା (ଶୁଦ୍ଧତା) , ବୃଷ୍ଟିପାତ (ବର୍ଷା), ମୃତ୍ତିକା ସଂରକ୍ଷଣ (ମାଟି କ୍ଷୟ ନ ହେବା) ବିଭିନ୍ନ ପ୍ରକାର ଖାଦ୍ୟ (ଫଳ, ମୂଳ, ପନିପରିବା, ଔଷଧୀୟ ଜାତ ଦ୍ରବ୍ୟ ମସଲା ) , ପାନୀୟ (ଫଳ ରସ , ଫୁଲ ରସ) , ବସ୍ତ୍ର (କପା ଗଛରୁ ତୁଳା) ଓ ବାସଗୃହ ( ଗଛର କାଠରୁ କବାଟ , ଝରକା, ଖଟ , ଚୌକି , ଟେବୁଲ ବାଉଁଶ ଗଛରୁ ଘର ତିଆରି ପାଇଁ ବାଉଁଶ ) ଇତ୍ୟାଦି ଆମେ ଉଦ୍ଭିଦ ଜଗତ ଠାରୁ ପାଇଥାଉ | ସେଥିପାଇଁ ଆମେ ଉଦ୍ଭିଦ ଜଗତ ନିର୍ଭରରେ

୨. ଉତ୍ତର ଲେଖ :

କ) ଆମ ଓଡ଼ିଶାର କେଉଁ ଅଞ୍ଚଳରେ ଅଳ୍ପ ବୃଷ୍ଟି ହୋଇଥାଏ ?

ଉତ୍ତର : ଆମ ଓଡ଼ିଶାର କଳାହାଣ୍ଡି ଅଞ୍ଚଳରେ ଅଳ୍ପ ବୃଷ୍ଟି ହୋଇଥାଏ |

ଖ) ଜଙ୍ଗଲ କାଟିଦେବା ଦ୍ଵାରା ଆମର କି କି କ୍ଷତି ହେଉଛି ?

ଉତ୍ତର : ଜଙ୍ଗଲ କାଟି ଦେବା ଦ୍ଵାରା ବୃଷ୍ଟିପାତରେ ଅନିୟମିତତା ଦେଖାଦେଉଛି, ଅନାବୃଷ୍ଟି ଘଟୁଛି , ବାୟୁମଣ୍ଡଳର ଦୂଷିତ ହେଉଛି, ମୃତ୍ତିକା କ୍ଷୟ ହେଉଛି, ଜଙ୍ଗଲ ଜାତ ପଦାର୍ଥମାନ ଦୁର୍ମୁଲ୍ୟ ହେଉଛି ଓ ଜୀବଜନ୍ତୁ ମାନଙ୍କର ବଂଶ ଲୋପ ଘଟୁଛି |

ଗ) ବୃକ୍ଷଲତାକୁ “ ସବୁଜ ସ୍ଵର୍ଣ୍ଣ” ବୋଲି କହିବାର ଯଥାର୍ଥତା କ’ଣ ?

ଉତ୍ତର : ସ୍ଵର୍ଣ୍ଣ ଏକ ମୂଲ୍ୟବାନ ଧାତୁ | ଏହା ସମସ୍ତଙ୍କର ଲୋଭନୀୟ ଅଟେ | କିନ୍ତୁ ବୃକ୍ଷଲତା ସ୍ଵର୍ଣ୍ଣଠାରୁ ବହୁଗୁଣରେ ମୂଲ୍ୟବାନ ହୋଇଥିବାରୁ ଏହାକୁ “ “ସବୁଜ ସ୍ଵର୍ଣ୍ଣ” ବୋଲି କୁହାଯାଇଥାଏ , ଏହା ଯଥାର୍ଥ ଅଟେ |

ଘ) କେଉଁ ଉପାୟରେ ଜଙ୍ଗଲ ବୃଦ୍ଧି କରାଯାଇ ପାରିବ ?

ଉତ୍ତର : ସାମାଜିକ ବନୀକରଣ ଯୋଜନା ଦ୍ଵାରା ଜଙ୍ଗଲ ବୃଦ୍ଧି କରାଯାଇ ପାରିବ |

ଙ) ମୃତ୍ତିକା କ୍ଷୟ ଘଟିବା ଫଳରେ କି କି କ୍ଷତି ହୁଏ ?

ଉତ୍ତର : ମୃତ୍ତିକା କ୍ଷୟ ଘଟିବା ଫଳରେ ଜମି ଶୁଷ୍କ , ଟାଙ୍ଗରା ଓ ଅନୁର୍ବର ହୋଇଯାଏ | ଜଳଭଣ୍ଡାର ଓ ନଦୀ ପୁଷ୍କରିଣୀ ପୋତି ହୋଇଯାଏ |

ଚ) ଉଦ୍ଭିଦ ଜଗତର ବିନା ସାହାଯ୍ୟରେ ପ୍ରାଣୀ ଜଗତ ବଞ୍ଚିବା ଅସମ୍ଭବ କାହିଁକି ?

ଉତ୍ତର : ବାୟୁମଣ୍ଡଳର ବିଶୁଦ୍ଧତା , ବୃଷ୍ଟିପାତ , ମୃତ୍ତିକା ସଂରକ୍ଷଣ , ବିଭିନ୍ନ ଖାଦ୍ୟ , ପାନୀୟ , ବସ୍ତ୍ର ଓ ବାସଗୃହ ଇତ୍ୟାଦି ପାଇଁ ପ୍ରାଣୀଜଗତ ଉଦ୍ଭିଦ ଜଗତ ଉପରେ ନିର୍ଭରଶୀଳ | ତେଣୁ ଉଦ୍ଭିଦ ଜଗତର ବିନା ସାହାଯ୍ୟରେ ପ୍ରାଣୀ ଜଗତ ବଞ୍ଚିବା ଅସମ୍ଭବ |

୩. ସରଳ ଭାଷାରେ ବୁଝାଇ ଲେଖ :

କ) ସତେ ଯେପରି ମଣିଷ ଓ ପଶୁପକ୍ଷୀଙ୍କୁ ରୋଗମୁକ୍ତ କରି ସେମାନଙ୍କୁ ସୁସ୍ଥ ସବଳ ରଖିବା ପାଇଁ ସେମାନେ ଜନ୍ମ ନେଇଛନ୍ତି |

ଉତ୍ତର : “ସତେ ..................................................................................................ନେଇଛନ୍ତି |”

ଶଂସିତ ଗଦ୍ୟାଂଶଟି “ଆମ ସାହିତ୍ୟ” ପୁସ୍ତକର “ବୃକ୍ଷଲତା ଆମର ବନ୍ଧୁ” ଶୀର୍ଷକ ପ୍ରବନ୍ଧରୁ ଆନୀତ | ଉକ୍ତ ପ୍ରସଙ୍ଗରେ ଲେଖକ ଡକ୍ଟର ଜଗନ୍ନାଥ ମହାନ୍ତି ବୃକ୍ଷଲତା ମାନେ କିପରି ଉପକାରୀ ତାହିଁର ସୂଚନା ଦେଇଛନ୍ତି |

ଏକଦା ଗୁରୁ ଶିଷ୍ୟମାନଙ୍କୁ ପରୀକ୍ଷା କରିବାକୁ ସ୍ଥିର କଲେ | ଆଖ ପାଖରେ ଥିବା ବୃକ୍ଷଲତାମାନଙ୍କ ମାଧ୍ୟରୁ କିଏ ଦରକାରୀ ଏବଂ କିଏ ଅଦରକାରୀ ତାହା ଜଣାଇବା ପାଇଁ ସେ ଶିଷ୍ୟମାନଙ୍କୁ ନିର୍ଦ୍ଦେଶ ଦେଲେ | କେତେଦିନ ପରେ ଶିଷ୍ୟମାନେ ଦରକାରୀ ଅଦରକାରୀ ଗଛ ସମ୍ପର୍କରେ ଗୁରୁଙ୍କୁ ଜଣାଇଲେ | କିନ୍ତୁ ଜଣେ ଶିଷ୍ୟ ଗୁରୁଙ୍କୁ କହିଲେ ଯେ ସେ ବୁଲିଥିବା ଗାଁ ଗଣ୍ଡା ଓ ବଣ ଜଙ୍ଗଲ ଆଦି କୌଣସି ଠାରେ ଗୋଟିଏ ହେଲେ ଅଦରକାରୀ ଗଛ ବା ଲତା ପାଇଲେ ନାହିଁ | ପ୍ରତ୍ୟକ ଗଛ ଲତାଙ୍କର ଉପକାରିତା ଅଛି | ସତେ ଯେପରି ମଣିଷ ଓ ପଶୁପକ୍ଷୀମାନଙ୍କୁ ରୋଗମୁକ୍ତ କରି ସେମାନଙ୍କୁ ସୁସ୍ଥ ସବଳ ରଖିବା ପାଇଁ ସେମାନେ ଜନ୍ମ ନେଇଛନ୍ତି |

ଖ) “ସମ୍ପ୍ରତି ବୃକ୍ଷଲତା ଅଭାବରେ ମନୁଷ୍ୟ କିପରି ବିପଦରେ ସମ୍ମୁଖୀନ ହୋଇଛି, ତାହା ସହଜରେ ଅନୁମେୟ|”

ଉତ୍ତର : “ସମ୍ପ୍ରତି ..........................................................................................ଅନୁମେୟ|”

ଉକ୍ତ ଗଦ୍ୟାଂଶଟି “ଆମ ସାହିତ୍ୟ” ପୁସ୍ତକର “ବୃକ୍ଷଲତା ଆମର ବନ୍ଧୁ” ଶୀର୍ଷକ ପ୍ରବନ୍ଧରୁ ଆନୀତ | ଏହି ପ୍ରସଙ୍ଗରେ ଲେଖକ ଡକ୍ଟର ଜଗନ୍ନାଥ ମହାନ୍ତି ବୃକ୍ଷଲତାମାନଙ୍କର ଗୁରୁତ୍ଵ ବିଷୟରେ ସୂଚନା ଦେଇଛନ୍ତି |

ବୃକ୍ଷଲତା ମନୁଷ୍ୟର ଯେ କେତେ ଉପକାର କରନ୍ତି ତାହା କଳନା କରାଯାଇ ପାରିବ ନାହିଁ | ପ୍ରକୃତି ଓ ପରିବେଶର ସୁରକ୍ଷା, ମୃତ୍ତିକା ସଂରକ୍ଷଣ , ଜଳବାୟୁ ନିୟନ୍ତ୍ରଣ ଏବଂ ମନୁଷ୍ୟକୁ ତା’ର ନିତ୍ୟ ବ୍ୟବହାର୍ଯ୍ୟ ଦ୍ରବ୍ୟ ଯୋଇବାରେ ବୃକ୍ଷଲତାଙ୍କର ଅଶେଷ ଭୂମିକା ରହିଛି | ବର୍ତ୍ତମାନ କଳକାରଖାନାର ପ୍ରତିଷ୍ଠା , ରେଳ , ମଟର ଟ୍ୟାକ୍ସି , ସ୍କୁଟର ପ୍ରଭୃତିର ବ୍ୟବହାର ଯୋଗୁଁ ବାୟୁମଣ୍ଡଳରେ ଯେଉଁ ଅଙ୍ଗାରକାମ୍ଳ ସୃଷ୍ଟି ହେଉଛି , ବୃକ୍ଷଲତାମାନେ ତାହାକୁ ଗ୍ରହଣ କରି ପରିବେଶକୁ ପ୍ରଦୂଷଣ ମୁକ୍ତ କରିଥାନ୍ତି; କିନ୍ତୁ ବର୍ତ୍ତମାନ ଅଭବର ମନୁଷ୍ୟ କିପରି ବିପଦର ସମ୍ମୁଖୀନ ହୋଇଛ ତାହା ସହଜରେ ଅନୁମାନର କଥା |

ପ୍ରସଙ୍ଗଟି ବାସ୍ତବତା ଅଟେ |

୪. “ମୁକ୍ତ” ଶବ୍ଦ ଲଗାଇ ଯେଉଁପରି “ରୋଗମୁକ୍ତ” ଶବ୍ଦ ହୋଇଛି | ସେହିପରି “ମୁକ୍ତ” ଲଗାଇ ଆଉ ତିନୋଟି ଶବ୍ଦ ଲେଖ |

ବନ୍ଧନ = ବନ୍ଧନମୁକ୍ତ

ଶ୍ରମ = ଶ୍ରମମୁକ୍ତ

କ୍ଷୁଧା = କ୍ଷୁଧାମୁକ୍ତ

୫. ଯେପରି “ସମ୍ପ୍ରସାରଣ” ଶବ୍ଦରୁ “ସମ୍ପ୍ରସାରିତ”, “ନିର୍ମାଣ” ଶବ୍ଦରୁ “ନିର୍ମିତ” ହୋଇପାରୁଛି | ସେହିଭଳି ତଳଲିଖିତ ଶବ୍ଦଗୁଡିକର ରୂପ କ’ଣ ଲେଖ |

ଦିଆଯାଇଥିବା ଶବ୍ଦ ରୂପାନ୍ତରିତ ଶବ୍ଦ

ପଠନ ପଠିତ

ଗ୍ରହଣ ଗୃହୀତ

ଲିଖନ ଲିଖିତ

ଚର୍ବଣ ଚର୍ବିତ

କମ୍ପନ କମ୍ପିତ

୬. ପଶୁ ଓ ପକ୍ଷୀ ମିଶିଲେ “ପଶୁପକ୍ଷୀ” ହେଉଛି | ସେହିପରି ପାଞ୍ଚଟି ଯୋଡାଶବ୍ଦ ଏହି ପାଠରୁ ଖୋଜି ଲେଖ |

ଉତ୍ତର : ଗୁରୁଶିଷ୍ୟ , ବୃକ୍ଷଲତା , ଗୁଣଦୋଷ , ବଣଜଙ୍ଗଲ , ଗାଁଗଣ୍ଡା

୭. “ଶ୍ୟାମଳ ଅରଣ୍ୟ” ଏଠାରେ “ଶ୍ୟାମଳ” ଶବ୍ଦଟି ଏକ୍ ବିଶେଷଣ ପଦ | ସେହିପରି “ଅରଣ୍ୟ” ପୂର୍ବରୁ ଆଉ ୩ ଟି ବିଶେଷଣ ପଦ ଲଗାଇ ନୂଆ ଶବ୍ଦ ଲେଖ |

ବିଶେଷଣ ପଦ କାହାକୁ କହିବା : - ବାକ୍ୟର ଯେଉଁ ପଦ ବିଶେଷ୍ୟ (ବ୍ୟକ୍ତି, ସ୍ଥାନ , ଜାତି , ବସ୍ତୁ ) ପଦର ଗୁଣ , ଅବସ୍ଥା , ପରିମାଣ , ସଂଖ୍ୟା ଆଦି ବିଶେଷତ୍ଵକୁ ବିଷୟରେ ନିର୍ଦ୍ଦିଷ୍ଟ ଭାବରେ ପ୍ରକାଶ କରେ, ତାହାକୁ “ ବିଶେଷଣ” ପଦ କୁହାଯାଏ |

ଉଦାହରଣ : ହରି ମେଧାବୀ ଛାତ୍ର ଅଟେ | ଏଠାରେ “ମେଧାବୀ” ବିଶେଷଣ ଅଟେ | ଯାହକି ହରିର ଗୁଣକୁ ବୁଝାଏ |

“ଅରଣ୍ୟ” ପୂର୍ବରୁ ଆଉ ୩ ଟି ବିଶେଷଣ ପଦଗୁଡିକ ହେଲା - ଘଞ୍ଚ ଅରଣ୍ୟ , ଦୁର୍ଲଭ ଅରଣ୍ୟ , ସୁନ୍ଦର ଅରଣ୍ୟ , ନିବିଡ ଅରଣ୍ୟ |

୮. “ଉପକାର” ଶବ୍ଦ ସହିତ “ଈ” ଲାଗିଲେ “ଉପକାରୀ” ହେଉଛି | (ଈ ର ମାତ୍ରା = “ୀ”) ସେହିପରି ଶେଷରେ “ଈ” ଲାଗିଥିବା ପାଞ୍ଚଗୋଟି ଶବ୍ଦ ମନରୁ ଭାବିଲେଖ |

ଉତ୍ତର : ଜନନୀ , ଭଗିନୀ , ତରଣୀ , ରମଣୀ , ରଜନୀ , ଧରଣୀ , ମହାନଦୀ

୯. ତଳେ ଦିଆଯାଇଥିବା ଅନୁଚ୍ଛେଦରୁ “ଓ” ଏବଂ “ମାତ୍ର” ଉଠାଇ ଦିଆଯାଇଛି | ଯଥା ସ୍ଥାନରେ ସେଗୁଡିକୁ ଯୋଗକରି ଅନୁଚ୍ଛେଦଟି ଆଉଥରେ ଲେଖ |

ବୃକ୍ଷଲତା ମୃତ୍ତିକା ସଂରକ୍ଷଣରେ ମଧ୍ୟ ସାହାଯ୍ୟ କରିଥାନ୍ତି | ସେମାନେ ଭୂମି ଉପରେ ଚେର ବିସ୍ତାର କରି ଉପରେ ଡାଳପତ୍ର ଢାଙ୍କି ବର୍ଷା ଜଳ ସ୍ରୋତରୁ ମୃତ୍ତିକାକୁ ରକ୍ଷାକରନ୍ତି | ଯେଉଁ ଅଞ୍ଚଳରେ ଜଙ୍ଗଲ ନଷ୍ଟ ହୋଇଥାଏ ସେଠାରୁ ସହଜରେ ମାଟି ଧୋଇହୋଇଯାଏ | ସେହି ଭୂମି ଶୁଷ୍କ ଟାଙ୍ଗର ଅନୁର୍ବର ହୋଇ ପଡ଼ିରହେ |

ଉତ୍ତର : ବୃକ୍ଷଲତା ମୃତ୍ତିକା ସଂରକ୍ଷଣରେ ମଧ୍ୟ ସାହାଯ୍ୟ କରିଥାନ୍ତି | ସେମାନେ ଭୂମି ଭିତରେ ଚେର ବିସ୍ତାର କରି ଏବଂ ଉପରେ ଡାଳପତ୍ର ଢାଙ୍କି ବର୍ଷା ଓ ଜଳସ୍ରୋତରୁ ମୃତ୍ତିକାକୁ ରକ୍ଷାକରନ୍ତି | ମାତ୍ର ଯେଉଁ ଅଞ୍ଚଳରେ ଜଙ୍ଗଲ ନଷ୍ଟ ହୋଇଥାଏ , ସେଠାରୁ ସହଜରେ ମାଟି ଧୋଇ ହୋଇଯାଏ | ସେହି ଭୂମି ଶୁଷ୍କ , ଟାଙ୍ଗର ଓ ଅନୁର୍ବର ହୋଇ ପଡ଼ିରହେ |

୧୦. ବନ୍ଧନୀ ମଧ୍ୟରୁ ଉପଯୁକ୍ତ ଶବ୍ଦ ବାଛି ନିମ୍ନ ବାକ୍ୟ ଗୁଡିକରେ ଥିବା ଶୂନ୍ୟସ୍ଥାନ ପୂରଣ କରି ଲେଖ :

କ) ସେମାନଙ୍କ ଶିକ୍ଷା କେବଳ ପୁସ୍ତକ ପଠନ ମଧ୍ୟରେ ସୀମିତ ନୁହେଁ |

ଖ) ବୃକ୍ଷଲତା ବର୍ଷା ହେବାରେ ସାହାଯ୍ୟ କରନ୍ତି |

ଗ) ଏଥର ତୁମେ ଫେରିଯାଅ | ସମାଜ ସେବାରେ ମନୋନିବେଶ କର |

୧୧. ଶବ୍ଦଗୁଡକୁ ଉପଯୁକ୍ତ କ୍ରମରେ ସଜାଇ ବାକ୍ୟଟିକୁ ଠିକ୍ ଭାବରେ ଲେଖ |

ସଂଶ୍ଳେଷଣ ବାୟୁରୁ ଅଙ୍ଗାରକାମ୍ଳ ପ୍ରକ୍ରିୟାରେ ବୃକ୍ଷଲତା ଗ୍ରହଣ କରି ଆଲୋକ ଛାଡ଼ନ୍ତି ଅମ୍ଳଜାନ ବାଷ୍ପ |

ଉତ୍ତର : ବୃକ୍ଷଲତା ଆଲୋକ ସଂଶ୍ଳେଷଣ ପ୍ରକ୍ରିୟାରେ ବାୟୁରୁ ଅଙ୍ଗାରକାମ୍ଳ ବାଷ୍ପ ଗ୍ରହଣ କରି ଅମ୍ଳଜାନ ଛାଡ଼ନ୍ତି |

Brukhyalata Amara Bandhu (ବୃକ୍ଷଲତା ଆମର ବନ୍ଧୁ) Class 6 Odia Chapter - 13

RATINGS

Out of 1 ratings.

Other Chapters

Suggested