BSE Odisha Board Odia Medium Class 7 Odia Chapter 16 Bipannara Uddhara (ବିପନ୍ନର ଉଦ୍ଧାର) Questions and Answers (Notes)

ବିପନ୍ନର ଉଦ୍ଧାର

କ) ବ୍ରୀସବେନ୍ ରୁ ଉଡ଼ାଜାହାଜଟି କେଉଁଆଡ଼େ ଯାଉଥିଲା ?

ଉ : ବ୍ରୀସବେନ୍ ରୁ ଉଡ଼ାଜାହାଜଟି ସିଡନି ଅଭିମୁଖେ ଯାଉଥିଲା |

ଖ) ଉଡ଼ାଜାହାଜରେ କେତେଜଣ ଯାତ୍ରୀ ଥିଲେ ?

ଉ : ଉଡ଼ାଜାହାଜରେ ସାତଜଣ ଯାତ୍ରୀ ଥିଲେ |

ଗ) ଓରିଲି କିଏ ?

ଉ: ଓରିଲି ଜଣେ ପଶୁପାଳକ |

ଘ) ଓରିଲିଙ୍କୁ ଦୁର୍ଗମ ଅରଣ୍ୟରେ କିଏ ବାଟ କଢ଼ାଇଲା ?

ଉ : ଓରିଲିଙ୍କୁ ଦୁର୍ଗମ ଅରଣ୍ୟରେ ତାଙ୍କ ଶରୀରର ଦ୍ଵିଗୁଣ ବିକ୍ରମ ଓ ଶତଗୁଣ ସାହସ ବାଟ କଢ଼ାଇଲା |

ଙ) ଇଂରେଜ ଯୁବକ ଜଣକ କିଏ ?

ଉ : ଇଂରେଜ ଯୁବକ ଜଣକ ଦୁର୍ଗତ ବିମାନଟିର ଜଣେ ହତଭାଗ୍ୟ ଯାତ୍ରୀ | ସେ ଲଣ୍ଡନ ସହରର ବ୍ୟବସାୟୀ |

ଚ) ଲେଖକ କେଉଁ ସ୍ଥାନଟିକୁ ମାନବ ଜାତିର ଏକ ତିର୍ଥଭୂମି ବୋଲି କହିଛନ୍ତି ?

ଉ: ଅଷ୍ଟ୍ରେଲିଆର ଜନସଞ୍ଚାର ହୀନ ପର୍ବତ ଉପରେ ଯେଉଁଠାରେ ଏକ ଶିଳାଖଣ୍ଡ ଉପରେ ଇଂରେଜ ଯୁବକଙ୍କର ପ୍ରାଣବାୟୁ , ବାହାରି ଯାଇଥିଲା ସେହି ସ୍ଥାନରେ ତାଙ୍କର ସମାଧି ନିର୍ମିତ ହେଲା | ଲେଖକ ସେହି ସ୍ଥାନଟିକୁ ମାନବ ଜାତିର ଏକ ତୀର୍ଥଭୂମି ବୋଲି କହିଛନ୍ତି |

2. ଦୁଇ ବା ତିନୋଟି ବାକ୍ୟରେ ଉତ୍ତର ଲେଖ |

କ) ଓରିଲି ବିମାନ ଦୁର୍ଘଟଣା ବିଷୟରେ ଜାଣିବା ପାଇଁ ଆଗ୍ରହୀ ହେଲେ କାହିଁକି ?

ଉ : ଓରିଲି ରେଡିଓ ଏବଂ ସମ୍ବାଦପତ୍ରରୁ ବିମାନ ଦୁର୍ଘଟଣା ବିଷୟରେ ଅବଗତ ହୋଇଥିଲେ | ତାଙ୍କର ଘର ନିକଟରେ ବିମାନ ପଥ ଯାଇଥିବାରୁ ସେ ଏ ସମ୍ପର୍କରେ ଅଧିକ ଜାଣିବା ପାଇଁ ଆଗ୍ରହୀ ହେଲେ |

ଖ) ଓରିଲି କେଉଁ ନିଷ୍ପତ୍ତି ନେଲେ ?

ଉ : ପର୍ବତ ଶ୍ରେଣୀର ଉଚ୍ଚତା, ମେଘ ଓ ବାୟୁସ୍ରୋତର ଅନିଶ୍ଚିତ ଗତି ଇତ୍ୟାଦି ବିଷୟ ବିଚାର କରି ସେ ନିଷ୍ପରି ନେଲେ ସେ ପ୍ରବଳ ତୋଫାନର ଆବର୍ତ୍ତରେ ପଡ଼ି ବିମାନଟି ହୁଏତ ଖସି ପଡ଼ିଥିବ ଏବଂ ପାହାଡ଼ ଦେହରେ ପିଟି ହୋଇ ଧ୍ଵଂସ ପାଇଯାଇଥିବ |

ଗ) ଓରିଲି ଓ ଇଂରେଜ ଯୁବକଙ୍କୁ କାହିଁକି ମହନୀୟ ଚରିତ୍ର କୁହାଯାଇଛି ?

ଉ : ଦୁର୍ଗତଙ୍କ ନିମିତ୍ତ ଓରିଲିଙ୍କ ତ୍ୟାଗ ଅତୁଳନୀୟ ଏବଂ ସାଥୀମାନଙ୍କ ପାଇଁ ଇଂରେଜ ଯୁବକଙ୍କ ଆତ୍ମତ୍ୟାଗ ଅବର୍ଣ୍ଣନୀୟ | ତେଣୁ ଓରିଲି ଓ ଇଂରେଜ ଯୁବକଙ୍କୁ ମହନୀୟ ଚରିତ୍ର କୁହାଯାଇଛି |

ଘ) “ବୀର ଯୁବକ ! ମୃତ୍ୟୁ ତୁମକୁ ଅମର କରିଛି “ - ଏକଥା କିଏ, କାହାକୁ ଓ କାହିଁକି କହିଛନ୍ତି ?

ଉ : ଏକଥା ଲେଖକ ଇଂରେଜ ଯୁବକଙ୍କ ଉଦ୍ଦେଶ୍ୟରେ କହିଛନ୍ତି କାରଣ ଇଂରେଜ ଯୁବକ ଦୁର୍ଗତ ସାଥୀମାନଙ୍କୁ ସାହାଯ୍ୟ କରିବା ପାଇଁ ଯାଇ ଅସଫଳ ହୋଇଥିଲେ ମଧ୍ୟ ତାହା ତାଙ୍କର ମହନୀୟ କର୍ମ | ତେଣୁ ତାଙ୍କର ମୃତ୍ୟୁ ତାଙ୍କୁ ଅମର କରିପାରିଛି |

ଙ) ଓରିଲିଙ୍କଠାରୁ କେଉଁ ମହତ୍‌ଗୁଣ ଆମେ ଶିକ୍ଷାକଲୁ ?

ଉ : ବିପଦ ଓ ପ୍ରତିକୂଳ ପରିସ୍ଥିତିକୁ ଭୟ ନ କରି ଦୁର୍ଗତ ମଣିଷର ସେବା କରିବା ହିଁ ପ୍ରକୃତ ମାନବିକତା; ଓରିଲିଙ୍କଠାରୁ ଆମେ

ଏହି ମହତ୍ ଗୁଣ ଶିକ୍ଷାକଲୁ |

୩. ପୂର୍ବପର ସମ୍ପର୍କ ସହ ସରଳ ଭାଷାରେ ବୁଝାଇ ଦିଅ |

କ) “ମୃତ୍ୟୁ ତୁମକୁ ଅମର କରିଛି | ବିଫଳତା ତୁମକୁ ଗୌରବ ମଣ୍ଡିତ କରିଛି |”

ଉ : ମୃତ୍ୟୁ...............................................କରିଛି |”

ଶଂସିତ ଗଦ୍ୟାଂଶଟି “ବିପନ୍ନର ଉଦ୍ଧାର” ଶୀର୍ଷକ ଗଳ୍ପରୁ ଆନୀତ | ଏହି ପ୍ରସଙ୍ଗରେ ଲେଖକ ରାମକୃଷ୍ଣ ନନ୍ଦ ଇଂରେଜ ଯୁବକଙ୍କ ମହତ୍ତ୍ୱପୂର୍ଣ୍ଣ ଆତ୍ମତ୍ୟାଗ ବର୍ଣନା କରିଛନ୍ତି |

ଦୁର୍ଘଟଣାଗ୍ରସ୍ତ ଉଡ଼ାଜାହାଜରୁ ବର୍ତ୍ତି ଯାଇଥବା ତିନିଜଣ ବ୍ୟକ୍ତିଙ୍କ ମଧ୍ୟରେ ଜଣେ ଥିଲେ ଇଂରେଜ ଯୁବକ | ସେ ଥିଲେ ଲଣ୍ଡନ ସହରର ଜଣେ ବ୍ୟବସାୟୀ | ସଙ୍ଗୀଦ୍ୱୟକୁ ବଞ୍ଚାଇବା ପାଇଁ ସେ ନିଜର ଆହତ ଜନିତ ତୀବ୍ର ଦାହ ଓ ଯନ୍ତ୍ରଣାକୁ ଭ୍ରୂକ୍ଷେପ ନ କରି ସାହାଯ୍ୟ ଅନ୍ୱେଷଣରେ ବାହାରି ଯାଇଥିଲେ | ଶୈବାଳ ଜଡ଼ିତ ପିଚ୍ଛିଳ ପ୍ରସ୍ତରରେ କୌଣସି ଏକ ସ୍ଥାନରେ ଗୋଡ଼ ଖସିଯିବାରୁ ପଚିଶ ଫୁଟ ତଳକୁ ଗଳି ପଡ଼ିଥିଲେ | ତାଙ୍କର ମୁଣ୍ଡ ଫାଟି ଯାଇଥିଲା, ଗୋଟିଏ ଆଖି ପଦାକୁ ବାହାରି ପଡିଥିଲା , ହାତର କଚଟି ଭାଙ୍ଗି ଯାଇଥିଲା | ସେ ହତଜ୍ଞାନ ହୋଇ ପଡ଼ିଥିଲେ | ତଥାପି କିଛି ସମୟ ପରେ ସଂଜ୍ଞା ପାଇ କିଛି ବାଟ ଆଉ ଗୋଟିଏ ଗଛମୂଳେ ଭରା ଦେଇ ବସି ବିଶ୍ରାମ ନେଉ ନେଉ ମୃତ୍ୟୁ ଲାଭ କରିଥିଲେ | ତାଙ୍କର ଏଭଳି ମହତ୍ତ୍ୱପୂର୍ଣ ଆତ୍ମତ୍ୟାଗ ପ୍ରଶଂସନୀୟ | ତେଣୁ ମୃତ୍ୟୁ ତାଙ୍କୁ ଅମର କରିଛି, ବିଫଳତା ଗୌରବ ମଣ୍ଡିତ କରିଛି ବୋଲି କୁହାଯାଇଛି |

ଖ) “ ନିମ୍ନମୁଖୀ ଜଳସ୍ରୋତ ଓ ଦୃଢ଼ପ୍ରତିଜ୍ଞ ସାଧର କିଏ ଗତିରୋଧ କରିପାରିବ ?”

ଉ : ନିମ୍ନମୁଖୀ..............................................କରିପାରିବ |

ଉକ୍ତ ଗଦ୍ୟାଂଶଟି “ବିପନ୍ନର ଉଦ୍ଧାର” ଶୀର୍ଷ ଗଛରୁ ଆନୀତ | ଏହି ପ୍ରସଙ୍ଗରେ ଗାଳ୍ପିକ ରାମକୃଷ୍ଣ ଚନ୍ଦ୍ର ପଶୁପାଳକ ବର୍ଣ୍ଣାଡ ଓରିଲିଙ୍କର ଦୃଢ଼ କର୍ତ୍ତବ୍ୟନିଷ୍ଠା ବିଷୟରେ ବର୍ଣ୍ଣନା କଛନ୍ତି |

ଦୁର୍ଘଟଣାଗ୍ରସ୍ତ ଉଡ଼ାଜାହାଜର ଅନୁସନ୍ଧାନରେ ବାହାରି ଓରିଲି ନିବିଡ଼ ଅରଣ୍ୟପଥ ଦେଇ ଗତି କଲେ | ଘଞ୍ଚ ତରୁଲତା , କଣ୍ଟକାକୀର୍ଣ୍ଣ ଗୁଳ୍ମଜାଲ, ବିଷାକ୍ତ କୀଟ ମକ୍ଷିକାମାନଙ୍କର ଉପଦ୍ରବ ଓ ସ୍ଥାନେ ସ୍ଥାନେ ବିଶାଳ ଶିଳାଖଣ୍ଡର ପ୍ରତିବନ୍ଧକ; ଏ ସବୁ ସତ୍ତ୍ଵେ ସେ ଦୃଢ଼ପ୍ରତିଜ୍ଞ ହୋଇ ଆଗେଇ ଚାଲିଥିଲେ | ଦେହର କ୍ଷତ ପ୍ରତି ତାଙ୍କର ଭ୍ରୂକ୍ଷେପ ନଥିଲା | ସେ ଉନ୍ମାଦଗ୍ରସ୍ତ ପରି ଅରଣ୍ୟରଦଗ୍ଧ ବାଦାମୀ ଅଂଶରେ ପହଞ୍ଚିବାକୁ ଆଗେଇ ଚାଲିଥିଲେ | ନିମ୍ନମୁଖୀ ଜଳସ୍ରୋତ ଓ ଦୃଢ଼ପ୍ରତିଜ୍ଞ ସାଧକର ଗତିରୋଧ କରିବା ସମ୍ଭବ ହୁଏ ନାହିଁ | ତେଣୁ ଓରିଲି ଆଗେଇ ଚାଲିଥିଲେ |

ଗ) “ଓରିଲିଙ୍କ ଆକସ୍ମିକ ଆବିର୍ଭାବ ତାଙ୍କ ମୁମୂର୍ଷୁ ପ୍ରାଣରେ କି ଅପୂର୍ବ ସାହସ ଓ ଭରସା ଦେଇଥିବ ତାହା କେବଳ ଅନୁଭବର କଥା |

।

ଉ : “ଓରିଲି ........................................................ଅନୁଭବର କଥା |”

ଉକ୍ତ ଗଦ୍ୟାଂଶଟି “ବିପନ୍ନର ଉଦ୍ଧାର” ଶୀର୍ଷ ଗଛରୁ ଆନୀତ | ଏହି ପ୍ରସଙ୍ଗରେ ଗାଳ୍ପିକ ରାମକୃଷ୍ଣ ନନ୍ଦ ଦୁର୍ଘଟଣାଗ୍ରସ୍ତ ବିମାନରୁ ଉଦ୍ଧାର ପାଇଯାଇଥିବା ଦୁଇଜଣ ଦୁର୍ଗତ ଓରିଲିଙ୍କୁ ଦେଖି କିଭଳି ଆଶ୍ଵସ୍ତ ହୋଇଥିବେ ତାହା ବର୍ଣ୍ଣନା କରିଛନ୍ତି |

ଓରିଲି ଲକ୍ଷ୍ୟସ୍ଥଳରେ ପହଞ୍ଚି ଦେଖିଲେ ଦୁଇଜଣ ମନୁଷ୍ୟ ଜୀବନ୍ମୃତ ଅବସ୍ଥାରେ ଯନ୍ତ୍ରଣାରେ ଛଟପଟ ହେଉଛନ୍ତି | ଓରିଲିଙ୍କୁ ଦେଖିବା ମାତ୍ରେ ସେମାନଙ୍କ ପିଣ୍ଡରେ ନବ ଜୀବନ ସଞ୍ଚାର ହେଲା| ସାଂଘାତିକ ଭାବରେ ଆହତ ହୋଇ ଅନାହାରରେ ମୃତ୍ୟୁ ସହ ସଂଗ୍ରାମ କରି ଶୀତ, ବର୍ଷା ସହି ନଅଦିନ କାଳ ନିଃସହାୟ ଅବସ୍ଥାରେ କଟାଇଥିବା ସେହି ଦୁଇଜଣ ବିପନ୍ନ ଓରିଲିଙ୍କୁ ଦେଖି ଆଶ୍ୱସ୍ତ ହୋଇଥିଲେ | ବାସ୍ତବିକ ଓରିଲିଙ୍କ ଆକସ୍ମିକ ଆବିର୍ଭାବ ସେମାନଙ୍କ ମୁମୂର୍ଷୁ ପ୍ରାଣରେ କି ସାହସ ଓ ଭରସା ଦେଇଥିବ ତାହା ହିଁ ଅନୁଭବର କଥା |

୪। ଦିଆଯାଇଥିବା ଶବ୍ଦଗୁଡ଼ିକର ବିପରୀତାର୍ଥବୋଧକ ଶବ୍ଦ ଲେଖ |

ଦିଆଯାଇଥିବା ଶବ୍ଦ : ବିପରୀତାର୍ଥବୋଧକ ଶବ୍ଦ

ବିପତ୍ତି ସମ୍ପତ୍ତି

ଦୁର୍ଗମ ସୁଗମ

ସାହସୀ ଭୀରୁ

ଅନିଶ୍ଚିତ ନିଶ୍ଚିତ

ଧ୍ଵଂସ ସୃଷ୍ଟି

ଶୂନ୍ୟତା ପୂର୍ଣ୍ଣତା

ଆଚ୍ଛାଦିତ ଅନାଚ୍ଛାଦିତ

ଅଗ୍ରସର ଅନଗ୍ରସର

ହତଭାଗ୍ୟ ଭାଗ୍ୟବାନ

ଜୀବିତ ମୃତ

ଅବସନ୍ନ ପ୍ରସନ୍ନ

ଅନାହାର ଆହାର

୫. ଦିଆଯାଇଥିବା ଶବ୍ଦଗୁଡ଼ିକର ଦୁଇଟି ଲେଖାଏଁ ପ୍ରତିଶବ୍ଦ ଲେଖ |

ଦିଆଯାଇଥିବା ଶବ୍ଦ ପ୍ରତିଶବ୍ଦ

ଗିରି ପର୍ବତ, ଭୂଧର

ବ୍ୟୋମ ଆକାଶ, ନଭ

ଅରଣ୍ୟ ଜଙ୍ଗଲ, ବନ

ଶିଳା ପଥର , ପାଷାଣ

ପଥ ବାଟ

ତଡିତ୍ ବିଜୁଳି , ଘନବହ୍ନି

ମୃତ୍ୟୁ ମରଣ , କାଳ

ତରୁ ବୃକ୍ଷ, ପାଦପ

ବାୟୁ ଅନିଳ , ପବନ

୬. କୂଳେ କୂଳେ, ଧାରେ ଧାରେ ପରି ଆଉ ପାଞ୍ଚଟି ଯୁଗ୍ମ ଶବ୍ଦ ଲେଖ |

ଉ : ଗାରେ ଗାରେ, ବାଟେ ବାଟେ, ମୁଖେ ମୁଖେ, ଟିକେ ଟିକେ, ଧୀରେ ଧୀରେ

୭. ନିମ୍ନଲିଖତ ଏକବଚନଗୁଡ଼ିକୁ ବହୁ ବଚନରେ ପରିଣତ କର |

ଉଦାହରଣ : ବାଳକ (ଏକବଚନ) – ବାଳକମାନେ (ବହୁବଚନ)

ସେହିପରି କ'ଣ ହେବ ? – ଯାତ୍ରୀ, ବିମାନ, ପର୍ବତ, ଘୋଡ଼ାଟିଏ, ତାଙ୍କର, ତାଙ୍କୁ, ମୋତେ, ତୁମକୁ, ସେ,ଯୁବକ |

ଯାତ୍ରୀ ଯାତ୍ରୀମାନେ

ବିମାନ ବିମାନଗୁଡ଼ିକ

ପର୍ବତ ପର୍ବତଗୁଡ଼ିକ

ଘୋଡ଼ାଟିଏ ଘୋଡ଼ାଗୁଡ଼ିକ

ତାଙ୍କର ସେମାନଙ୍କର

ତାଙ୍କୁ ସେମାନଙ୍କୁ

ମୋତେ ଆମ୍ଭମାନଙ୍କୁ

ତୁମକୁ ତୁମମାନଙ୍କୁ

ସେ ସେମାନେ

ଯୁବକ ଯୁବକମାନେ

Bipannara Uddhara (ବିପନ୍ନର ଉଦ୍ଧାର) Class 7 Odia Chapter 16 Questions and Answers (Notes)

RATINGS

Out of 1 ratings.

Other Chapters

Suggested