BSE Odisha Board Odia Medium Class 7 Odia Chapter 17 Manare Asu Mo Bhala Bhabana (ମନରେ ଆସୁ ମୋ ଭଲ ଭାବନା) Questions and Answers (Notes)

ମନରେ ଆସୁ ମୋ ଭଲ ଭାବନା

୧. ଉତ୍ତର କୁହ |

କ) ସୁଖ ଚାହିଁବାକୁ ହେଲେ ଆମକୁ ପ୍ରଥମେ କ’ଣ କରିବାକୁ ହେବ ?

ଉ : ସୁଖ ଚାହିଁବାକୁ ହେଲେ ଆମକୁ ସର୍ବପ୍ରଥମେ ମନଟିକୁ ଶାନ୍ତ ରଖିବାକୁ ହେବ |

ଖ) ଆମେ କ’ଣ କଲେ ଆମକୁ ସମସ୍ତେ ଭଲପାଇବେ ?

ଉ : ଆମେ ଅନ୍ୟମାନଙ୍କୁ ଭଲ ପାଇଲେ ଆମକୁ ସମସ୍ତେ ଭଲ ପାଇବେ |

ଗ) ରାଜା ପ୍ରତିଦିନ କେଉଁ କାମଟି କରିବାକୁ ଭଲ ପାଇଥିଲେ ?

ଉ : ରାଜା ପ୍ରତିଦିନ ରାଜଧାନୀରେ ହାତୀ ଉପରେ ବସି ଭ୍ରମଣ କରିବା ପାଇଁ ଭଲ ପାଉଥିଲେ |

ଘ) ରାଜା ନିଜର ଦୁଶ୍ଚିନ୍ତା ସମ୍ପର୍କରେ କାହା ସହିତ ଆଲୋଚନା କଲେ ?

ଉ : ରାଜା ନିଜର ଦୁଶ୍ଚିନ୍ତା ସମ୍ପର୍କରେ ମନ୍ତ୍ରୀଙ୍କ ସହିତ ଆଲୋଚନା କଲେ |

ଙ) ମନ୍ତ୍ରୀ ଦୋକାନୀ ବନ୍ଧୁଙ୍କ ସହ କାହିଁକି ଦୁଃଖସୁଖ ହେବାପାଇଁ ଚାହିଁଲେ ?

ଉ : ଦୋକାନୀଟି ପ୍ରତି ରାଜାଙ୍କ ମନରେ କାହିଁକି ଭାବାନ୍ତର ସୃଷ୍ଟି ହେଲା ସେ ବିଷୟରେ ଅନୁସନ୍ଧାନ କରି ଜାଣିବା ପାଇଁ ମନ୍ତ୍ରୀ ଦୋକାନୀ ବନ୍ଧୁଙ୍କ ସହ ଦୁଃଖ ସୁଖ ହେବା ପାଇଁ ଚାହିଁଲେ |

ଚ) ଦୋକାନୀ ଜଣକ କିପରି ନିଜ ସମସ୍ୟାରୁ ମୁକ୍ତ ହେବେ ବୋଲି କହିଲେ ?

ଉ : ରାଜାଙ୍କର ମୃତ୍ୟୁ ଦ୍ଵାରା ଦୋକାନୀ ଜଣକ ନିଜ ସମସ୍ୟାରୁ ମୁକ୍ତ ହେବେ ବୋଲି କହିଲେ |

ଛ) ମନ୍ତ୍ରୀଙ୍କଠାରୁ ରାଜାଙ୍କ ଇଚ୍ଛା ସମ୍ପର୍କରେ ଜାଣିଲା ପରେ, ଦୋକାନୀ ଜଣକ କ’ଣ ଚିନ୍ତା କଲେ ?

ଉ : ମନ୍ତ୍ରୀଙ୍କଠାରୁ ରାଜାଙ୍କ ଇଚ୍ଛା ସମ୍ପର୍କରେ ଜାଣିଲା ପରେ ଦୋକାନୀ ଜଣକ ଖୁସି ହେଲେ ଏବଂ ରାଜା ବଡ଼ ଦୟାଳୁ ବୋଲି ଚିନ୍ତା କଲେ | ଦୟାବାନ୍ ରାଜାଙ୍କ ସମ୍ପର୍କରେ ଖରାପ ଚିନ୍ତା କରୁଥିବାରୁ ସେ ନିଜକୁ ଧକ୍‌କାର କଲେ ଓ ଅନୁତାପ କଲେ |

୨. ଦୁଇ ବା ତିନୋଟି ବାକ୍ୟରେ ଉତ୍ତର ଲେଖ |

କ) ରାଜାଙ୍କ ସ୍ଵଭାବ କିପରି ଥିଲା ?

ଉ : ରାଜା ଥିଲେ ଜଣେ ଶାନ୍ତ ସ୍ୱଭାବର ଲୋକ । ସେ ଶୋଷଣ, ପୀଡ଼ନ, ଅତ୍ୟାଚାର ଓ କୌଣସି କୁକର୍ମ କରିବାକୁ ଭଲ ପାଉନଥିଲେ |

ଖ) ପ୍ରଥମେ ଦୋକାନୀ ଜଣଙ୍କୁ ଦେଖି ରାଜାଙ୍କର କ'ଣ କରିବାକୁ ଇଚ୍ଛା ହେଲା ?

ଉ : ପ୍ରଥମେ ଦୋକାନୀ ଜଣଙ୍କୁ ଦେଖୁ ରାଜା ଭୀଷଣ ଭାବରେ ଚିଡ଼ି ଉଠିଲେ | ତାଙ୍କର ଇଚ୍ଛା ହେଲା, ସିପାହୀ ପଠାଇ ଦୋକାନୀକୁ ଗିରଫ କରି ଆଣନ୍ତେ ଏବଂ ଫାଶୀ ଖୁଣ୍ଟରେ ଝୁଲାଇ ଦିଅନ୍ତେ |

ଗ) ଦୋକାନୀ ଜଣକ ମନ୍ତ୍ରୀଙ୍କୁ ନିଜ ବ୍ୟବସାୟ ସମ୍ପର୍କରେ କ’ଣ କହିଲେ ?

ଉ : ଦୋକାନୀ ଜଣକ ମନ୍ତ୍ରୀଙ୍କୁ କହିଲେ ଯେ ତାଙ୍କ ବ୍ୟବସାୟ ବହୁତ ମାନ୍ଦା ଚାଲିଛି | ଚନ୍ଦନର ଚାହିଦା ନଥିବାରୁ କେହି କିଣିବାକୁ ଚାହୁଁ ନାହାନ୍ତି | ସେଥିପାଇଁ ତାଙ୍କ ମନରେ ବହୁତ ଚିନ୍ତା |

ଘ) ମନ୍ତ୍ରୀ ନିଜ ଆସିବାର କାରଣ କ'ଣ ବୋଲି ଦୋକାନୀଙ୍କୁ କହିଲେ ?

ଉ : ରାଜାଙ୍କର କିଛି ସାମଗ୍ରୀ ଗଢ଼ାଇବା ପାଇଁ ଚନ୍ଦନ କାଠ ଦରକାର | ଏଥିପାଇଁ ରାଜା ପଠାଇଥିବା କଥାକୁ ମନ୍ତ୍ରୀ ନିଜ ଆସିବାର କାରଣ ବୋଲି ଦୋକାନୀଙ୍କୁ କହିଲେ |

ଙ) ଦୋକାନୀ ଜଣକ ମନେ ମନେ କାହିଁକି ଲଜ୍ଜିତ ହେଲେ ?

ଉ : ରାଜାଙ୍କ କାଠ କିଣିବା ସମ୍ପର୍କରେ ସୂଚନା ପାଇ ଦୋକାନୀ ବହୁତ ଖୁସି ହେଲେ | ରାଜାଙ୍କ ଅକାଳ ମରଣ ବିଷୟରେ ମନ ଭିତରେ ଚିନ୍ତା କରିଥିବାରୁ ସେ ଲଜ୍ଜିତ ହେଲେ |

ଚ) ରାଜା ଦ୍ଵିତୀୟ ଥର ଦୋକାନୀଙ୍କୁ ଦେଖିବା ପରେ ତାଙ୍କ ମନରେ କି ଭାବନା ଜାଗ୍ରତ ହେଲା ?

ଉ : ରାଜା ଦ୍ଵିତୀୟ ଥର ଦୋକାନୀଙ୍କୁ ଦେଖୁବା ପରେ ତାଙ୍କ ମନରେ ତା’ ପ୍ରତି ସ୍ନେହ ଭାବ ଆସିଲା | ନିଜ ମନରେ ପୂର୍ବ ଭାବନାକୁ ନେଇ ସେ ଅନୁତାପ କରୁଥିଲେ ଓ ଭଗବାନଙ୍କ ନିକଟରେ କ୍ଷମା ମାଗୁଥିଲେ |

୩. ଉତ୍ତର ପ୍ରାୟ ୧୫୦ ଶବ୍ଦରେ ଲେଖ |

କ) ରାଜା ଏବଂ ଦୋକାନୀ ପରସ୍ପରକୁ ଦେଖିବା ପରେ ମନ ଭିତରେ କ’ଣ କ’ଣ ଭାବିଲେ ?

ଉ : ରାଜା ଥିଲେ ଶାନ୍ତ ସ୍ୱଭାବର ଲୋକ । ଶୋଷଣ , ପୀଡ଼ନ ଓ ପ୍ରଜାଙ୍କ ପ୍ରତି ଅତ୍ୟାଚାର କରିବା ଭଳି କୁକର୍ମ ସହିତ ତାଙ୍କର ଆଦୌ ସମ୍ପର୍କ ନଥିଲା | କିନ୍ତୁ ଏକଦା ସନ୍ଧ୍ୟା ସମୟରେ ହାତୀ ଉପରେ ବସି ନଗର ଭ୍ରମଣ କରୁଥିବା ବେଳେ ହାତୀଟି ଦୋକାନ ଆଗରେ ପହଞ୍ଚିଲା | ଦୋକାନୀ ଉପରେ ରାଜାଙ୍କର ଦୃଷ୍ଟି ପଡିଗଲା | ଦୋକାନୀ ଉପରେ ସେ ଭୀଷଣ ଚିଡି ଉଠିଲେ | ଦୋକାନୀ ପ୍ରତି ତାଙ୍କ ମନରେ ଚେଇଁ ଉଠିଲା କ୍ରୋଧ ଆଉ ଘୃଣା | ତାଙ୍କର ଇଚ୍ଛା ହେଲା ସେ ସିପାହୀ ପଠାଇ ଦୋକାନୀକୁ ଗିରଫ କରି ଆଣନ୍ତେ ଆଉ ଫାଶୀ ଖୁଣ୍ଟରେ ଝୁଲାଇ ଦିଅନ୍ତେ | ଦୋକାନୀ ମଧ୍ୟ ରାଜାଙ୍କୁ ଦେଖୁ ଭାବୁଥିଲା ଯଦି ରାଜାଙ୍କର ହଠାତ୍ କାଳ ହୋଇଯାଆନ୍ତା, ତେବେ ତା’ର ବ୍ୟବସାୟର ମାନ୍ଦା ଅବସ୍ଥା ରହନ୍ତା ନାହିଁ | ରାଜାଙ୍କ ମୃତ୍ୟୁ ଘଟିଲେ ତାଙ୍କର ଶବ ଦାହ ପାଇଁ ଚନ୍ଦନ କାଠ ଆବଶ୍ୟକ ହୁଅନ୍ତା | ସେହି ମଉକାରେ ତା ଦୋକାନର ସବୁତକ ଚନ୍ଦନ କାଠ ବିକ୍ରି ହୋଇଯାଆନ୍ତା | ତା’ର ସବୁକିଛି ଚିନ୍ତା ଦୂର ହୁଅନ୍ତା | ପ୍ରାଥମିକ ପର୍ଯ୍ୟାୟର ଏହି ଚିନ୍ତା ପରସ୍ପର ପ୍ରତି ମନ୍ଦ ଭାବନାର ପରିଚୟ ଦେଇଥାଏ | ପରବର୍ତ୍ତୀ ପର୍ଯ୍ୟାୟରେ ସେମାନଙ୍କ ମନ ଭିତରେ ସୃଷ୍ଟି ହୋଇଥିବା ଭାବନା ମହତ୍ ଓ ସୁଖଦାୟକ ଥିଲା | ମନ୍ତ୍ରୀ ରାଜାଙ୍କର ଚନ୍ଦନକାଠ କିଣିବା ଖବର ଦୋକାନୀକୁ କହିବା ପରେ ଦୋକାନୀଟି ଖୁସି ହୋଇଥିଲା | ରାଜାଙ୍କ ଅକାଳ ମରଣ ବିଷୟରେ ମନ ଭିତରେ ଚିନ୍ତା କରିଥିବାରୁ ଲଜ୍ଜିତ ହୋଇଥିଲା | ନିଜକୁ ଧିକ୍‌କାର କରିବା ସହିତ ରାଜା ଶହ ଶହ ବର୍ଷ ବଞ୍ଚନ୍ତୁ ବୋଲି ମନରେ କାମନା କଲା | ଭଗବାନଙ୍କୁ ପ୍ରାର୍ଥନ କଲା | ଠିକ୍ ସେହିଭଳି ରାଜା ଦୋକାନୀ ପ୍ରତି ନିଜ ମନ ଭିତରେ ଉତ୍ତମ ଭାବନା ଆଣିଥିଲେ | ଦୋକାନୀଟିକୁ ଦେଖୁ ତା’ ପ୍ରତି ସ୍ନେହଭାବ ପୋଷଣ କରିଥିଲେ | ନିଜର ଖରାପ ଭାବନା ମୁଁ ଅନୁତାପ କରିଥିଲେ | ଭଗବାନଙ୍କୁ କ୍ଷମା ମାଗୁଥିଲେ |

୪. ସରଳ ଭାଷାରେ ବୁଝାଇ ଦିଅ |

କ) “ସୁଖରେ ରହିବାକୁ ହେଲେ ମନ ଭିତରେ ସବୁବେଳେ ଭଲ ଚିନ୍ତା ରଖୁବା, ଅନ୍ୟମାନଙ୍କ ହିତ କାମନା କରିବା, ମନ ଭିତରେ ଭଲ ଭାବନା ରଖିଲେ ଆମ ପାଇଁ ଏ ଦୁନିଆ ହୋଇଉଠିବ ସୁନ୍ଦର ଓ ଆକର୍ଷଣୀୟ |”

ଉ: “ସୁଖରେ ................................................................. ଆକର୍ଷଣୀୟ |”

ଶଂସିତ ଗଦ୍ୟାଂଶଟି “ମନରେ ଆସୁ ମୋ ଭଲ ଭାବନା” ଶୀର୍ଷକ ଗଳ୍ପରୁ ଆନୀତ | ଏହି ପ୍ରସଙ୍ଗରେ ଗାଳ୍ପିକ ଡକ୍ଟର ଚକ୍ରଧର ବିଶ୍ଵାଳ ମନରେ ଭଲ ଭାବନା ପୋଷଣର ସୁଫଳ ବିଷୟରେ ବର୍ଣ୍ଣନା କରିଛନ୍ତି |

ମନରେ ଶାନ୍ତି ପାଇ ଆମେ ଅନ୍ୟମାନଙ୍କୁ ଭଲ ପାଇ ଶିଖିବା | ଆମେ ଅନ୍ୟମାନଙ୍କୁ ଭଲ ପାଇଲେ ସେମାନେ ମଧ୍ୟ ଆମକୁ ଭଲ ପାଇବେ | ଅନ୍ୟମାନଙ୍କ ସମ୍ପର୍କରେ ଆମ ମନର ଖରାପ ଭାବନା ଆମ ପ୍ରତି ସେମାନଙ୍କ ମନରେ ବିରକିତ ଓ ଘୃଣାଭାବ ସୃଷ୍ଟି କରିବା | ସେଥିପାଇଁ ସୁଖରେ ରହିବାକୁ ହେଲ ଆମେ ମନରେ ସବୁବେଳେ ଭଲ ଚିନ୍ତା ରଖିବା | ଅନ୍ୟମାନଙ୍କ ହିତ କାମନା କରିବା, ଆମ ମନ ଭିତରେ ଭଲ ଭାବନା ରଖିଲେ ଆମ ପାଇଁ ଏ ଦୁନିଆଁ ସୁନ୍ଦର ଓ ଆକର୍ଷଣୀୟ ହୋଇ ଉଠିବ |

ଖ) “ ଅସୁବିଧା ନ ଥିଲେ ସୁବିଧାର ସୁଆଦ ଚାଖୁ ହୁଅନ୍ତା ନାହିଁ |”

ଉ : ଅସୁବିଧା .....................................................ନାହିଁ |”

ଶଂସିତ ଗଦ୍ୟାଂଶଟି ଡକ୍ଟର ଚକ୍ରଧର ବିଶ୍ଵାଳଙ୍କ ରଚିତ “ମନରେ ଆସୁ ମୋ ଭଲ ଭାବନା” ଶୀର୍ଷକ ଗଳ୍ପରୁ ଆନୀତ | ଉକ୍ତ ପ୍ରସଙ୍ଗରେ ଲେଖକ ସୁବିଧା ଓ ଅସୁବିଧାର ମହତ୍ତ୍ଵ ବିଷୟରେ ବର୍ଣ୍ଣନା କରିଛନ୍ତି |

ରାଜାଙ୍କ ଅନୁରୋଧ ରକ୍ଷା କରି ମନ୍ତ୍ରୀ ତାଙ୍କର ଦୋକାନୀ ବନ୍ଧୁଙ୍କ ନିକଟରେ ପହଞ୍ଚିଥିଲେ | ଦୋକାନୀ ଜଣକ ତାଙ୍କ ବ୍ୟବସାୟରେ ଅସୁବିଧା ବିଷୟରେ ମନ୍ତ୍ରୀଙ୍କୁ ଜଣାଇଲେ | ଦୋକାନୀଙ୍କ ସମସ୍ୟା ବୁଝି ସାରିବା ପରେ ମନ୍ତ୍ରୀ ତାଙ୍କୁ ଆଶ୍ୱାସନା ଦେବାକୁ ଯାଇ ବ୍ୟବସାୟରେ ସୁବିଧା ଓ ଅସୁବିଧାର ମହତ୍ତ୍ଵ ବିଷୟରେ କହିଥିଲେ | ବ୍ୟବସାୟରେ ଉଠା ପକା, ସୁବିଧା ସୁବିଧା ଥାଏ | ଅସୁବିଧା ନ ଥିଲେ ସୁବିଧାର ସ୍ଵାଦ ଚାଖି ହୁଏ ନାହିଁ ବୋଲି ମନ୍ତ୍ରୀ ଦୋକାନୀଙ୍କୁ ବୁଝାଇ ଦେଇଥିଲେ |

୫ । ଦିଆଯାଇଥିବା ଶବ୍ଦଗୁଡ଼ିକୁ ନେଇ ଗୋଟିଏ ଗୋଟିଏ ବାକ୍ୟ ଗଠନ କର |

ସାମଗ୍ରୀ , ଉତ୍କଣ୍ଠିତ, ଆଶ୍ଵାସନା , ଉତ୍ସୁକତା, ସାଜସଜ୍ଜା

ଢ : ବାକ୍ୟ

ସାମଗ୍ରୀ : ପୂଜା ସାମଗ୍ରୀ ଗୁଡ଼ିକୁ ସଜାଇ ଲେଖ |

ଉତ୍କଣ୍ଠିତ : ଘଟଣା ବିଷୟରେ ଜାଣିବା ପାଇଁ ସମସ୍ତେ ଉତ୍କଣ୍ଠିତ ହୋଇ ଚାହିଁଥିଲେ |

ଆଶ୍ଵାସନା : ମନ୍ତ୍ରୀ ତାଙ୍କ ଦୋକାନୀ ବନ୍ଧୁଙ୍କୁ ଆଶ୍ୱାସନା ଦେଲେ |

ଉତ୍ସୁକତା : ଏ ଘଟଣା ବିଷୟରେ ମୋର ଉତ୍ସୁକତା ବଢ଼ାଇବାର ନାହିଁ |

ସାଜସଜ୍ଜା : ପୂଜା ମଣ୍ଡପର ସାଜସଜ୍ଜା ଦେଖି ସମସ୍ତେ ଖୁସି ହେଲେ ।

୬. “ଭାବାନ୍ତର” ଯେପରି “ଅନ୍ୟ ଭାବ ବା ଭାବନାରେ ପରିବର୍ତ୍ତନ”, ସେହିପରି ଏହି ଶବ୍ଦଗୁଡ଼ିକ କ’ଣ ହେବ ଲେଖ |

ମତାନ୍ତର, ଦେଶାନ୍ତର, ମନାନ୍ତର, ଗ୍ରାମାନ୍ତର

ଉତ୍ତର :

ମତାନ୍ତର: ଅନ୍ୟମତ ବା ମତରେ ପରିବର୍ତ୍ତନ |

ଦେଶାନ୍ତର : ଅନ୍ୟଦେଶ ବା ଦେଶରେ ପରିବର୍ତ୍ତନ |

ମନାନ୍ତର : ଅନ୍ୟ ମନ ବା ମନରେ ପରିବର୍ତ୍ତନ |

ଗ୍ରାମାନ୍ତର : ଅନ୍ୟ ଗ୍ରାମ ବା ଗ୍ରାମରେ ପରିବର୍ତ୍ତନ |

୭. ଯେପରି ‘ନାକ ଟେକିବା’ ର ଅର୍ଥ ‘ଘୃଣା କରିବା’ , ସେହିପରି ତଳେ ଦିଆଯାଇଥିବା ପଦଗୁଡ଼ିକର ଅର୍ଥ ବୁଝାଇ ଲେଖ |

ଦିଆଯାଇଥିବା ପଦ ଉ: ଅର୍ଥ

କାନ ପାରିବା ଲୁଚି ଲୁଚି କଥା ଶୁଣିବା

ଆଖୁ ପକାଇବା ଲୋଲୁପ ଦୃଷ୍ଟି ରଖୁବା

ଭାଗ ବସାଇବା ବାଣ୍ଟନେବା

କପାଳ ଫାଟିବା ଦୁର୍ଯୋଗ ପଡ଼ିବା

୮. ଯେପରି ଖରାପ କାମ ପାଇଁ – ‘କୁକର୍ମ’ ଶବ୍ଦ ବ୍ୟବହୃତ ହୁଏ | ସେହିପରି – କ’ଣ ହେବ |

ଖରାପ ଚିନ୍ତା, ଖରାପ କଥା, ଖରାପ ପଥ,

ଉ :

ଖରାପ ଚିନ୍ତା କୁଚିନ୍ତା

ଖରାପ କଥା କୁକଥା

ଖରାପ ପଥ କୁପଥ

୯. ଭାବ ଶବ୍ଦ ପୂର୍ବରେ ‘ସ୍ଵ’ ବସିଲେ – ସ୍ଵଭାବ ହୁଏ | ଏହିପରି ଆଉ ପାଞ୍ଚଟି ଶବ୍ଦ ପୂର୍ବରେ ‘ସ୍ଵ’ ବ୍ୟବହାର କରି ଲେଖ |

ଉ : ସ୍ଵ + ଦେଶ = ସ୍ଵଦେଶ

ସ୍ଵ + ରାଜ୍ୟ = ସ୍ଵରାଜ୍ୟ

ସ୍ୱ + ବାକ୍ୟ = ସ୍ଵବାକ୍ୟ

ସ୍ଵ + ଚିନ୍ତା = ସ୍ଵଚିନ୍ତା

ସ୍ଵ + ଧନ = ସ୍ଵଧନ

୧୦ । ରେଖାଙ୍କିତ ଶବ୍ଦଗୁଡ଼ିକର ପୁରୁଷ ଓ ବଚନ ଲେଖ |

କ) ଆମେ ଅନ୍ୟମାନଙ୍କୁ ଭଲ ପାଇବା ଉଚିତ୍ |

ଉ : ଆମେ - ପ୍ରଥମ ପୁରୁଷ, ଦ୍ଵିବଚନ ।

ଅନ୍ୟମାନଙ୍କୁ – ତୃତୀୟ ପୁରୁଷ, ବହୁବଚନ |

ଖ) ରାଜା ନିଜ ପ୍ରଜାମାନଙ୍କ ମଙ୍ଗଳ ପାଇଁ କାର୍ଯ୍ୟ କରି ଆନନ୍ଦ ଅନୁଭବ କରନ୍ତି |

ଉ: ରାଜା - ତୃତୀୟ ପୁରୁଷ, ଏକବଚନ |

ପ୍ରଜାମାନଙ୍କ - ତୃତୀୟ ପୁରୁଷ, ବହୁବଚନ |

ଗ) ସେମାନଙ୍କ ମନରେ ବିରକ୍ତି ଓ ଘୃଣାଭାବ ସୃଷ୍ଟି କରିବ |

ଉ : ସେମାନଙ୍କ – ତୃତୀୟ ପୁରୁଷ ବହୁ ବଚନ ।

ଘ) ଯାହା ହେଲେ ବି ତୁମକୁ କିଛି ଦିନ ଧୈର୍ଯ୍ୟ ଧରିବାକୁ ପଡ଼ିବ |

ଉ : ତୁମକୁ – ଦ୍ଵିତୀୟ ପୁରୁଷ ଏକ ବଚନ |

(ଙ) ମୁଁ ତତ୍‌କ୍ଷଣାତ୍‌ ମୁକ୍ତି ପାଇଯାଆନ୍ତି |

ଉ : ମୁଁ - ପ୍ରଥମ ପୁରୁଷ ଏକବଚନ |

Manare Asu Mo Bhala Bhabana (ମନରେ ଆସୁ ମୋ ଭଲ ଭାବନା) Class 7 Odia Chapter 17 Questions and Answers (Notes)

RATINGS

Out of 1 ratings.

Other Chapters

Suggested