BSE Odisha Board Odia Medium Class 7 Odia Chapter 18 Mo Pilabela Katha (ମୋ ପିଲାବେଳ କଥା) Questions and Answers

ମୋ ପିଲାବେଳ କଥା

୧. ଉତ୍ତର କୁହ |

କ) ମୋଜାଫରପୁରରେ ରମାଦେବୀ କେଉଁମାନଙ୍କ ସହ ରହୁଥିଲେ ?

ଉ: ମୋଜାଫରପୁରରେ ରମାଦେବୀ ପିତା ଗୋପାଳବଲ୍ଲଭ ଦାସ , ମାଆ ବସନ୍ତ କୁମାରୀଦେବୀ ଓ ବଡ଼ଭଉଣୀ ସରଳା ଦେବୀଙ୍କ ସହିତ ରହୁଥିଲେ |

ଖ) ଦୁଇ ଭଉଣୀ ହଠାତ୍ କାହିଁକି ଚମକି ପଡ଼ିଲେ ?

ଉ : ଗୋଟିଏ ଭାରି ବଡ଼ ଶବ୍ଦ ଶୁଣି ଦୁଇ ଭଉଣୀ ହଠାତ୍ ଚମକି ପଡ଼ିଲେ |

ଗ) ଦେଶ ପାଇଁ କାମ କଲେ କ’ଣ କ’ଣ କରିବାକୁ ହୁଏ ବୋଲି ଲେଖିକା କହିଛନ୍ତି ?

ଉ : ଦେଶ ପାଇଁ କାମ କଲେ ଜେଲ ଯିବାକୁ ହୁଏ, ଫାଶୀ ପାଇବାକୁ ହୁଏ ଏବଂ ସ୍ୱଦେଶୀ ଜିନିଷ ବ୍ୟବହାର କରିବାକୁ ହୁଏ ବୋଲି ଲେଖୁକା କହିଛନ୍ତି |

ଘ) ଜେଲ୍ ସମ୍ପର୍କରେ ରମାଦେବୀ ଅନେକ କଥା କିପରି ଜାଣିଥିଲେ ?

ଉ : ରମା ଦେବୀଙ୍କ ବାପା ମଝିରେ ମଝିରେ ଜେଲ୍ ପରିଦର୍ଶନରେ ଯାଆନ୍ତି | ସେ ବେଳେବେଳେ ରମାଦେବୀ ଓ ତାଙ୍କ ବଡ଼ ଭଉଣୀ ସରଳା ଦେବୀଙ୍କୁ

ସାଥୀରେ ନେଇ ଥାଆନ୍ତି | ତାଙ୍କ ବାପା ଅଫିସ୍‌ରେ ରହନ୍ତି | ଅଫିସ୍‌ର ଲୋକମାନେ ସେ ଦୁହିଁଙ୍କୁ ନେଇ ଜେଲ୍ ଭିତର ଦେଖାନ୍ତି | ତେଣୁ ରମା ଦେବୀ ଜେଲ୍ ସମ୍ପର୍କରେ ଅନେକ କଥା ଜାଣିଥିଲେ |

ଙ) ଶ୍ରୀଅରବିନ୍ଦଙ୍କ ପ୍ରତି ଲେଖୁକାଙ୍କର କାହିଁକି ଭକ୍ତି ଆସିଲା ?

ଉ : ଦେଶର ବହୁତ ଗୁରୁତ୍ଵପୂର୍ଣ୍ଣ ଖବର ଲେଖିକା ରମାଦେବୀଙ୍କ ଘରେ ଆଲୋଚିତ ହୁଏ | ସେହି ଆଲୋଚନା କ୍ରମେ ତାଙ୍କୁ ଅରବିନ୍ଦଙ୍କ କଥା ମଧ୍ୟ ବହୁତ ଶୁଣିବାକୁ ମିଳିଲା | ସେହି ସମୟରୁ ଅରବିନ୍ଦଙ୍କ ପ୍ରଭାବ ଲେଖୁକାଙ୍କ ମନରେ ଦେଶ କାମ ପାଇଁ ଛାପ ପକାଇବା ସହିତ ତାଙ୍କ ପ୍ରତି ଭକ୍ତିଭାବ ଆଣିଲା |

୨. ଦୁଇ ବା ତିନୋଟି ବାକ୍ୟରେ ଉତ୍ତର ଲେଖ |

କ) ଖୁଦିରାମ କାହିଁକି ଇତିହାସରେ ପ୍ରସିଦ୍ଧ ହେଲେ ?

ଉ : ପରାଧୀନ ମାତୃଭୂମିର ମୁକ୍ତି ପାଇଁ ଖୁଦିରାମ ଆନ୍ଦୋଳନ କରିଥିଲେ | ଏଥିପାଇଁ ତାଙ୍କୁ ମାତ୍ର ୧୯ ବର୍ଷ ବୟସରେ ଇଂରେଜ ସରକାର ଫାଶୀ ଦେଇଥିଲେ | ତାଙ୍କର ଏଭଳି ଅନନ୍ୟ ଦେଶପ୍ରେମ ପାଇଁ ସେ ଇତିହାସ ପ୍ରସିଦ୍ଧ ହେଲେ |

ଖ) ରମାଦେବୀଙ୍କ ଉପରେ ଶ୍ରୀ ଅରବିନ୍ଦଙ୍କର କି ପ୍ରଭାବ ପଡ଼ିଥିଲା ?

ଉ : ଶ୍ରୀଅରବିନ୍ଦଙ୍କର ଦେଶ-ସ୍ଵାଧୀନତା ପାଇଁ କାର୍ଯ୍ୟକଳାପରୁ ରମାଦେବୀ ବୁଝିଥିଲେ ଦେଶସେବା କଲେ ସର୍ବସ୍ଵ ତ୍ୟାଗ କରିବାକୁ ପଡ଼େ ; ଏପରିକି ଜୀବନ ପର୍ଯ୍ୟନ୍ତ | ଅରବିନ୍ଦଙ୍କର ଏହି ତ୍ୟାଗ ମନୋଭାବ ଓ ଦେଶପ୍ରେମର ଗଭୀର ପ୍ରଭାବ ରମାଦେବୀଙ୍କ ଉପରେ ପଡ଼ିଥିଲା |

ଗ) ଖୁଦିରାମ ଫାଶୀ ସମୟରେ ବାପାଙ୍କୁ ଉପସ୍ଥିତ ନ ରହିବା ପାଇଁ ରମାଦେବୀ କାହିଁକି ଅନୁରୋଧ କଲେ ?

ଉ : ବିପ୍ଳବୀ ଖୁଦିରାମଙ୍କ ବିଷୟ ଶୁଣି ଶୁଣି ରମାଦେବୀଙ୍କର ତାଙ୍କ ପ୍ରତି ଏପରି ମାୟା ଆସିଯାଇଥିଲା ଯେ ତାଙ୍କ ଫାଶୀ ପାଇବା ଆଦେଶରେ ସେ କାନ୍ଦି ପକାଇଥିଲେ | ତେଣୁ ଖୁଦିରାମ ପରି ଦେଶଭକ୍ତର ଫାଶୀ ସମୟରେ ସେଠାରେ ଉପସ୍ଥିତ ନ ରହିବାକୁ ସେ ବାପାଙ୍କୁ ଅନୁରୋଧ କରିଥିଲେ |

ଘ) ସଞ୍ଜବେଳେ ମା’ ଦୁଇଭଉଣୀଙ୍କୁ କି କି କଥା ଶୁଣାଇଥିଲେ ?

ଉ : ପ୍ରାୟ ପ୍ରତିଦିନ ସଞ୍ଜରେ ମାଆ ଦୁଇ ଭଉଣୀଙ୍କୁ ରାମାୟଣ, ମହାଭାରତରୁ ନାନା କାହାଣୀ, ବହୁ ଐତିହାସିକ ଘଟଣା, ଦେଶପ୍ରେମମୂଳକ ଗଳ୍ପ, ରବୀନ୍ଦ୍ରନାଥ, ରାଣାପ୍ରତାପ ଇତ୍ୟାଦିଙ୍କ ପରି ଦେଶର ବରପୁତ୍ରମାନଙ୍କ କଥା ସବୁ ଶୁଣାଉଥିଲେ | ଖୁଦିରାମ, ଅରବିନ୍ଦଙ୍କ ପରି ସ୍ୱାଧୀନତା - ସଂଗ୍ରାମୀମାନଙ୍କ କଥା ମଧ୍ୟ କହୁଥିଲେ |

୩. ପ୍ରାୟ ୧୦୦ଟି ଶବ୍ଦ ମଧ୍ୟରେ ଉତ୍ତର ଲେଖ |

କ) କୈଶୋର ଅବସ୍ଥାରେ ରମାଦେବୀଙ୍କ ମନରେ କିପରି ସ୍ଵଦେଶ ପ୍ରୀତିର ଭାବ ଉଦ୍ରେକ ହୋଇଥିଲା ?

ଉ : ରମାଦେବୀଙ୍କ ବାପା ଗୋପାଳବଲ୍ଲଭ ଦାସ ଉଚ୍ଚପଦସ୍ଥ ସରକାରୀ ଚାକିରିଆ ହୋଇଥିଲେ ସୁଦ୍ଧା ଦେଶର ସ୍ଵାଧୀନତା ଆନ୍ଦୋଳନ ପ୍ରତି ଯଥେଷ୍ଟ ସହାନୁଭୂତିଶୀଳ ଥିଲେ | ଫଳରେ ମୋଜାଫରପୁରଠାରେ ତାଙ୍କ ଗୃହକୁ ଆସୁଥିବା ବନ୍ଧୁମାନଙ୍କ ସହିତ ସ୍ଵାଧୀନତା ଆନ୍ଦୋଳନ ସମ୍ପର୍କରେ ବହୁ ଆଲୋଚନା ହେଉଥିଲା | କୈଶୋର ଅବସ୍ଥାରେ ରମାଦେବୀ ସେସବୁ ଶୁଣି ସ୍ଵଦେଶ ପ୍ରୀତିରେ ଉଦ୍‌ବୁଦ୍ଧ ହୋଇଥିଲେ | ସେ ଜାଣିପାରିଥିଲେ ଦେଶସେବା କଲେ ସବୁକିଛି ତ୍ୟାଗ କରିବାକୁ ପଡ଼େ | ତାଙ୍କର ପଡ଼ୋଶୀ କେତୋଟି ବଙ୍ଗାଳୀ ପରିବାର ସହିତ ମିଶି ସେ ସ୍ଵଦେଶ ଜିନିଷର ବ୍ୟବହାର, ବିଦେଶୀ ଜିନିଷ ବର୍ଜନ ଦେଶ ବନ୍ଦନା ଗାନ ଆଦି ଶିଖିଥିଲେ | ଖୁଦିରାମ ଓ ଅରବିନ୍ଦକ ଆଦର୍ଶ, ଦେଶପ୍ରେମ, ଆତ୍ମବଳିଦାନରୁ ସେ ବହୁ ପ୍ରେରଣା ଲାଭ କରିଥିଲେ | ମାଆ ବସନ୍ତ କୁମାରୀ ମଧ୍ୟ ପ୍ରତି ସନ୍ଧ୍ୟାରେ ରାମାୟଣ, ମହାଭାରତ ଓ ଇତିହାସର ଘଟଣାବଳୀ, ବଙ୍କିମଚନ୍ଦ୍ରଙ୍କ ବିପ୍ଲବ ଭାବଧାରାମୂଳକ ଆନନ୍ଦ ମଠ, ଦୈବୀ ଚୌଧୁରାଣୀ ପରି କାହାଣୀ, ରାଣାପ୍ରତାପ, ରବୀନ୍ଦ୍ରନାଥଙ୍କ ପରି ଦେଶର ଖ୍ୟାତନାମ ଲୋକଙ୍କ କଥାମାନ ତାଙ୍କୁ ଶୁଣାଇଥିଲେ । ଏହା ତାଙ୍କୁ ସ୍ଵଦେଶ- ପ୍ରୀତିରେ ପିଲାଟି ବେଳୁ ଉଦ୍‌ବୁଦ୍ଧ କରିଥିଲା |

ଖ) ଶ୍ରୀଅରବିନ୍ଦ ଓ ଖୁଦିରାମଙ୍କ ସମ୍ବନ୍ଧରେ ଲେଖୁକା କ’ଣ କହିଛନ୍ତି ?

ଉ : ବାପାଙ୍କ ସହିତ ମୋଜାଫରପୁରଠାରେ ରମାଦେବୀ ରହୁଥିବାବେଳେ ସେହି ଜେଲ୍‌ରେ ବିପ୍ଳବୀ ଖୁଦିରାମଙ୍କୁ ବନ୍ଦୀ କରାଯାଇଥିଲା | ଶେଷରେ ତାଙ୍କୁ ଫାଶୀ ହୁକୁମ ହେଲା ମାତ୍ର ଉଣେଇଶ ବର୍ଷ ବୟସରେ | ସେହି ତେଜୀୟାନ୍ ଦେଶସେବୀ ଯୁବକଙ୍କ ଅପୂର୍ବ ଆତ୍ମବଳିଦାନ କଥା ଲେଖୁ ବର୍ଣ୍ଣନା କରିଛନ୍ତି | ଖୁଦିରାମଙ୍କ ପ୍ରତି ତାଙ୍କର ଏତେ ମାୟା ଜାତ ହୋଇଥିଲା ଯେ, ସେ ତାଙ୍କ ଫାଶୀ ଆଦେଶରେ କାନ୍ଦି ପକାଇଥିଲେ | ଖୁଦିରାମଙ୍କ ଫାଶୀ ପାଖରେ ଉପସ୍ଥିତ ନ ରହିବା ପାଇଁ ବାପାଙ୍କୁ ସେ ବ୍ୟାକୁଳ ଅନୁରୋଧ କରିଥିଲେ | ଖୁଦିରାମଙ୍କ ଫାଶୀ ପାଇବା ସମୟରେ ସେ ଅଞ୍ଚଳର ଭୟାଛନ୍ନ ଉତ୍ତେଜନାମୟବାତାବରଣ କଥା ରମାଦେବୀ ଲେଖୁଛନ୍ତି | ଅରବିଦଙ୍କ ପ୍ରଭାବତାଙ୍କ ଉପରେ ଗଭୀର ଭାବରେ ପଡ଼ିଥିବାର ସେ ସ୍ୱୀକାର କରିଛନ୍ତି | ଏହି ମହାନ୍ ବିପ୍ଳବୀ ଅଧ୍ୟାତ୍ମବାଦୀ ପୁରୁଷଙ୍କ ଛାପଶେଷ ଜୀବନ ପର୍ଯ୍ୟନ୍ତ ତାଙ୍କ ମନରେ ରହିଥିଲା | ତାଙ୍କରିଜୀବନ ଅନୁଧ୍ୟାନ କରି ରମାଦେବୀ ବୁଝିଥିଲେ ଦେଶସେବାକଲେ ସର୍ବସ୍ଵ ତ୍ୟାଗ କରିବାକୁ ପଡ଼େ |ଆବଶ୍ୟକ ହେଲେନିଜ ଜୀବନ ସୁଦ୍ଧା; ଯୋଗୀ ଅରବିନ୍ଦଙ୍କୁ ସେ ଖୁବ୍ ସମ୍ମାନ, ଭକ୍ତି କରୁଥିବା କଥା ଲେଖୁଛନ୍ତି |

Mo Pilabela Katha (ମୋ ପିଲାବେଳ କଥା) Class 7 Odia Chapter 18 Questions and Answers

RATINGS

Out of 1 ratings.

Other Chapters

Suggested