BSE Odisha Board Odia Medium Class 7 Odia Chapter 19 Bira Surendra Sai (ବୀର ସୁରେନ୍ଦ୍ର ସାଏ) Questions and Answers (Notes)

ବୀର ସୁରେନ୍ଦ୍ର ସାଏ

୧. ଉତ୍ତର କୁହ |

କ) ସୁରେନ୍ଦ୍ର ସାଏ କାହିଁକି ଗଣ ବିପ୍ଳବ କରିଥିଲେ ?

ଉ : ସୁରେନ୍ଦ୍ର ସାଏ ସମ୍ବଲପୁର ଅଞ୍ଚଳକୁ ବିଦେଶୀ ଇଂରେଜ ଶାସକଙ୍କ କବଳରୁ ଛଡ଼ାଇ ଆଣି ସ୍ଵାଧୀନ ରଖିବା ପାଇଁ ଗଣବିପ୍ଳବ କରିଥିଲେ |

ଖ) ପୋଥି ବିଦ୍ୟା ଶିକ୍ଷା ଅପେକ୍ଷା ପିଲାଦିନୁ ସେ କେଉଁ ଶିକ୍ଷାକୁ ଭଲ ପାଉଥିଲେ ?

ଉ : ପୋଥି ବିଦ୍ୟା ଶିକ୍ଷା ଅପେକ୍ଷା ପିଲାଦିନୁ ସେ ବିଭିନ୍ନ ଶାରୀରିକ କୌଶଳ-ଶିକ୍ଷାକୁ ଭଲ ପାଉଥିଲେ | ତେଣୁ ଶରୀର ଚର୍ଚ୍ଚା ଘୋଡ଼ା ଦୌଡ଼, ଶର ସନ୍ଧାନ ଓ ତରବାରି ଚାଳନା ଆଦି ବିଦ୍ୟାରେ ସେ ଅସମ୍ଭବ ପଟୁତା ଲାଭ କରିଥିଲେ |

ଗ) ସେ କାହାକୁ ବାହା ହୋଇଥିଲେ ?

ଉ : ସେ ତତ୍କାଳୀନ ଛୋଟନାଗପୁର ଅଧୀନସ୍ଥ ଗାଙ୍ଗପୁର ରାଜ୍ୟର ହାତୀବାଡ଼ି ଜମିଦାରଙ୍କ କନ୍ୟାଙ୍କୁ ବିବାହ କରିଥିଲେ |

ଘ) ତାଙ୍କ ପୁଅଙ୍କ ନାମ କ’ଣ ?

ଉ : ତାଙ୍କ ପୁଅଙ୍କ ନାମ ଥିଲା ମିତ୍ରଭାନୁ ସାଏ |

ଙ) ସେ କେଉଁ ଜେଲ୍‌ରେ ଆଜୀବନ କାରାଦଣ୍ଡ ଭୋଗିଥିଲେ ?

ଉ : ସେ ମଧ୍ୟପ୍ରଦେଶ ଅନ୍ତର୍ଗତ ଅସୁରଗଡ଼ ଦୁର୍ଗ ଜେଲ୍‌ରେ ଆଜୀବନ କାରାଦଣ୍ଡ ଭୋଗିଥିଲେ |

ଚ) ସମ୍ବଲପୁର ରାଜବଂଶର ଜମିଦାରଙ୍କ ଭିତରେ କାହିଁକି କନ୍ଦଳ ଚାଲିଥିଲା ?

ଉ : ସିଂହାସନର ଅଧିକାରକୁ ନେଇ ସମ୍ବଲପୁର ରାଜବଂଶର ବିଭିନ୍ନ ଜମିଦାରଙ୍କ ଭିତରେ କନ୍ଦଳ ଚାଲିଥିଲା |

ଛ) ନାରାୟଣ ସିଂହ କିଏ ? ସେ କାହା ଉପରେ ଅତର୍କିତ ଆକ୍ରମଣ କରି ପରାସ୍ତ କରିଥିଲେ ?

ନାରାୟଣ ସିଂହ ବରପାଲିର ଜମିଦାର ଭବାନୀ ସିଂହଙ୍କ କକା । ସେ ସମ୍ବଲପୁରର ରାଜା ଥିଲେ ଏବଂ ସୁରେନ୍ଦ୍ର ସାଏ ଓ ତାଙ୍କ ସମର୍ଥକଙ୍କ ଉପରେ ଅତର୍କିତ ଆକ୍ରମଣ କରି ପରାସ୍ତ କରିଥିଲେ |

2. ଦୁଇ ବା ତିନୋଟି ବାକ୍ୟରେ ଉତ୍ତର ଲେଖ |

କ) ସୁରେନ୍ଦ୍ର ସାଏଙ୍କ ପରିବାରରେ କିଏ କିଏ ରହୁଥିଲେ ? ତାଙ୍କ ବାପା ଓ ମାଆଙ୍କ ନାମ କ’ଣ ?

ଉ : ସୁରେନ୍ଦ୍ର ସାଏଙ୍କ ପରିବାରରେ ତାଙ୍କର ପିତାମାତା ଓ ଛଅ ଭାଇ ଗୋଟିଏ ଭଉଣୀ ରହୁଥିଲେ | ତାଙ୍କ ବାପାଙ୍କ ନାମ ଥିଲା ଧରମ ସିଂହ ଓ ମାତାଙ୍କ ନାମ ରେବତୀ ଦେବୀ |

ଖ) ନାରାୟଣ ସିଂହ ରାଜା ହେଲା ପରେ କାହିଁକି ଚାରିଆଡ଼େ ଅସନ୍ତୋଷ ଦେଖାଦେଲା ?

ଉ : ଇଂରେଜମାନେ ଅନ୍ୟାୟ ଉପାୟରେ ନାରାୟଣ ସିଂହଙ୍କୁ ରାଜା କରାଇଲେ | ସେ ରାଜା ହେଲାପରେ ଚାରିଆଡ଼େ ଅସନ୍ତୋଷ ଦେଖାଦେଲା | କାରଣ ନାରାୟଣ ସିଂହ ଥିଲେ ସାଧାରଣ ପ୍ରଜାଙ୍କର ସ୍ଵାର୍ଥବିରୋଧୀ |

ଗ) ସୁରେନ୍ଦ୍ର ସାଏ ହଜାରିବାଗ ଜେଲ୍‌ରୁ ସମ୍ବଲପୁର ଫେରିଲା ପରେ କ୍ୟାପଟେନ୍‌ଲି କାହିଁକି ଆତଙ୍କିତ ହୋଇ ପଡ଼ିଲେ ?

ଉ : ସୁରେନ୍ଦ୍ର ସାଏ ହଜାରିବାଗ ଜେଲ୍‌ରୁ ସମ୍ବଲପୁର ଫେରିଲା ପରେ ମାତୃଭୂମି ସମ୍ବଲପୁରକୁ ଇଂରେଜମାନଙ୍କ କବଳରୁ ରକ୍ଷା କରିବା ପାଇଁ ଲଢ଼େଇ ଚାଲୁ ରଖିଲେ | ତାଙ୍କ ପଛରେ ସାଧାରଣ ପ୍ରଜା ଓ ଗୌନ୍ତିଆ ଜମିଦାରମାନଙ୍କର ସମର୍ଥନ ଥିଲା | ତେଣୁ କ୍ୟାପ୍‌ଟେନ୍ ଲି ଆତଙ୍କିତ ହୋଇପଡ଼ିଲେ |

ଘ) ତାଙ୍କୁ ଧରିବା ପାଇଁ ଇଂରେଜମାନେ କେଉଁ କେଉଁ କୌଶଳ ପ୍ରୟୋଗ କରିଥିଲେ ?

ଉ : ଦୁର୍ଦ୍ଦଷ ସୁରେନ୍ଦ୍ର ସାଏଙ୍କୁ ଧରିବା ପାଇଁ ଇଂରେଜ ସରକାର ଆପ୍ରାଣ ଚେଷ୍ଟା ଚଳାଇଥିଲେ | ତାଙ୍କୁ ଧରିବା ପାଇଁ ପୁରସ୍କାର ରାଶି ଘୋଷଣା କରିଥିଲେ | କିନ୍ତୁ ସେ ଇଂରେଜମାନଙ୍କ ଆଖରେ ଧୂଳି ଦେଇ ଖସିଯାଉଥିଲେ |

ଉ : ସିପାହୀ-ବିଦ୍ରୋହ ୧୮୫୭ ମସିହାରେ ହୋଇଥିଲା ଓ ଏହା ଭାରତର ପ୍ରଥମ ମୁକ୍ତି ସଂଗ୍ରାମର ରୂପ ଧାରଣ କରିଥିଲା |

୩. ପ୍ରାୟ ୮୦ଟି ଶବ୍ଦ ମଧ୍ୟରେ ଉତ୍ତର ଲେଖ ।

କ) ସୁରେନ୍ଦ୍ର ସାଏ ଥିଲେ ଜଣେ ମହାନ ସଂଗ୍ରାମୀ ଓ ସଂଘର୍ଷର ପ୍ରତୀକ | ଏହା ତାଙ୍କ ଜୀବନରେ କିପରି ପ୍ରତିଫଳିତ ହୋଇଥିଲା ଲେଖ |

ଉ : ଭାରତର ସ୍ଵାଧୀନତା ସଂଗ୍ରାମ ଇତିହାସରେ ଯେଉଁ କେତେଜଣ ଓଡ଼ିଆଙ୍କ ନାମ ଅବିସ୍ମରଣୀୟ ରହିଛି ସେମାନଙ୍କ ମଧ୍ୟରେ ବୀର ସୁରେନ୍ଦ୍ର ସାଏ ଅନ୍ୟତମ | ସେ ଥିଲେ ଜଣେ ମହାନ ସଂଗ୍ରାମୀ ଓ ସଂଘର୍ଷର ପ୍ରତୀକ | ଏହା ତାଙ୍କ ଜୀବନରେ ପ୍ରତିଟି କ୍ଷେତ୍ରରେ ପ୍ରତିଫଳିତ ହୋଇଥିଲା | ତେଣୁ ତାଙ୍କ ବିପ୍ଳବୀ ଜୀବନର ବୀରଗାଥା ତାଙ୍କୁ ଜଣେ ପ୍ରକୃତବୀରର ମର୍ଯ୍ୟାଦା ଦେଇ ବୀର ସୁରେନ୍ଦ୍ର ସାଏ ଭାବେ ତାଙ୍କୁ ସବୁଆଡ଼େ ପରିଚିତ କରାଇଥିଲା | ସେ ସମ୍ବଲପୁର ଅଞ୍ଚଳକୁ ବିଦେଶୀ ଇଂରେଜ ଶାସକମାନଙ୍କ କବଳରୁ ଛଡ଼ାଇଆଣି ସ୍ଵାଧୀନ ରଖିବା ପାଇଁ ଯେଉଁ ଗଣ ବିପ୍ଲବ ତୋଳିଥିଲେ ତାହାର ପଟାନ୍ତର ନାହିଁ |

ସ୍ଵାଭିମାନୀ ସୁରେନ୍ଦ୍ରଙ୍କର ମାତୃଭୂମି ପ୍ରତି ପ୍ରଗାଢ଼ ଭକ୍ତ ଥିଲା | ନାରାୟଣ ସିଂହ ଇଂରେଜମାନଙ୍କ ଦ୍ଵାରା ଅନ୍ୟାୟ ଭାବରେ ରାଜାହେବା ପରେ ତାଙ୍କ ପ୍ରତି ପ୍ରଜାମାନେ ଅସନ୍ତୋଷ ହେଲେ | ସେମାନେ ସୁରେନ୍ଦ୍ରସାଏଙ୍କୁ ସିଂହାସନରେ ବସାଇବା ପାଇଁ ଇଂରେଜ

ସରକାରଙ୍କ ଉପରେ ଚାପ ପକାଇଲେ | କିନ୍ତୁ ନାରାୟଣ ସିଂହ ଇଂରେଜମାନଙ୍କ ସାହାଯ୍ୟରେ ଅତର୍କିତ ଆକ୍ରମଣ କରି ସୁରେନ୍ଦ୍ର ଓ ତାଙ୍କ ସମର୍ଥକଙ୍କୁ ପରାଜିତ କଲେ | ସୁରେନ୍ଦ୍ର ସାଏଙ୍କୁ ପାଞ୍ଚ ବର୍ଷ ଓ ପରେ ଆଜୀବନ କାରାଦଣ୍ଡ ଭୋଗିବାକୁ ପଡ଼ିଲା | କିନ୍ତୁ ସୁରେନ୍ଦ୍ର ନିଜର ସଂଗ୍ରାମରୁ ବିଚ୍ୟୁତ ହୋଇ ନ ଥିଲେ | ଆଜୀବନ ସେ ସଂଗ୍ରାମ ଓ ସଂଘର୍ଷର ପ୍ରତୀକ ପାଲଟି ଯାଇଥିଲେ |

ଖ) ମେଜର ଇମେ କେଉଁ ସବୁ ନୀତି ଅବଲମ୍ବନ କରିଥିଲେ ?

ଉ : ବୀର ସୁରେନ୍ଦ୍ର ସାଏ ମାତୃଭୂମି ସମ୍ବଲପୁରକୁ ଇଂରେଜମାନଙ୍କ କବଳରୁ ମୁକ୍ତକରିବା ପାଇଁ ଯୋଜନା ପ୍ରସ୍ତୁତ କଲେ | ବିଦ୍ରୋହ ତୀବ୍ରତର ହେଲା | ନାନା ସ୍ଥାନରେ ଇଂରେଜ ଅଧିକାରୀ ଓ ସୈନ୍ୟମାନଙ୍କ ଉପରେ ଅତର୍କିତ ଆକ୍ରମଣ ଅବ୍ୟାହତ ରଖି ସୁରେନ୍ଦ୍ର ନିଜର ବୀରତ୍ୱର ପରିଚୟ ଦେଲେ |ସୁରେନ୍ଦ୍ର ସାଏଙ୍କୁ ଧରିବା ପାଇଁ ସରକାର ଆପ୍ରାଣ ଚେଷ୍ଟା ଚଳାଇଲେ |

ଏହି ସମୟରେ ମେଜର ଇମ୍ପେ ୧୮୬୧ ଅପ୍ରେଲ ମାସରେ ସମ୍ବଲପୁରର ଶାସନ ଭାର ଗ୍ରହଣ କଲେ | ସେ ବିଦ୍ରୋହୀମାନଙ୍କ ପ୍ରତି କଠୋର ପଦକ୍ଷେପ ବଦଳରେ କୋହଳନୀତି ଅବଲମ୍ବନ କଲେ | ପରିସ୍ଥିତି ଦୃଷ୍ଟିରୁ ସୁରେନ୍ଦ୍ରଙ୍କ ସହ ସାଲିସ କଲେ ସମ୍ବଲପୁରରେ ଶାନ୍ତି ପ୍ରତିଷ୍ଠିତ ହୋଇପାରିବ ବୋଲି ସେ ଉଚ୍ଚକର୍ତ୍ତୃପକ୍ଷଙ୍କୁ ଜଣାଇଲେ | ବିଦ୍ରୋହୀମାନେ ଆତ୍ମ ସମର୍ପଣ କଲେ ସେମାନଙ୍କୁ କ୍ଷମା ଦିଆଯିବ ବୋଲି ବାଧ୍ୟ ହୋଇ ସରକାର ଘୋଷଣା କଲେ | ତେଣୁ ଦୀର୍ଘ ଦିନ ବିଦ୍ରୋହ ଜାରିରଖିଥିବା କ୍ଳାନ୍ତ ଓ ଅବସନ୍ନ ବିଦ୍ରୋହୀମାନେ ଜଣ ଜଣ ହୋଇ ଆତ୍ମସମର୍ପଣ କଲେ |

ବାସ୍ତବିକ ମେଜର ଇମ୍ଫୋ ଏକ ଚତୁର ନୀତି ଅବଲମ୍ବନ କରିଥିଲେ |

୪. ପ୍ରାୟ ୧୫୦ଟି ଶବ୍ଦ ମଧ୍ୟରେ ଉତ୍ତର ଲେଖ |

ସୁରେନ୍ଦ୍ରସାଏଙ୍କ ବିପ୍ଳବୀ ଜୀବନ କିପରି କଟିଥିଲା ?

ଉ : ସୁରେନ୍ଦ୍ର ସାଏ ଥିଲେ ସ୍ଵାଧୀନତା ସଂଗ୍ରାମ ଇତିହାସରେ ଜଣେ ସ୍ମରଣୀୟ ବୀର | ତାଙ୍କର ବିପ୍ଳବୀ ଜୀବନର ବୀରଗାଥା ତାଙ୍କୁ ଜଣେ ପ୍ରକୃତ ବୀରର ମର୍ଯ୍ୟାଦା ଦେଇଛି | ଏହି ବିପ୍ଳବୀ ବୀର ସମ୍ବଲପୁର ଅଞ୍ଚଳକୁ ବିଦେଶୀ ଶାସକଙ୍କ କବଳରୁ ଛଡ଼ାଇ ଆଣି ସ୍ୱାଧୀନ ରଖୁବା ପାଇଁ ଯେଉଁ ଗଣ ବିପ୍ଳବ ତୋଳିଥିଲେ ତାହା ତାଙ୍କ ବିପ୍ଳବୀ ଜୀବନର ଜ୍ଵଳନ୍ତ ପ୍ରମାଣ |

ଇଂରେଜମାନେ ଅନ୍ୟାୟ ଉପାୟରେ ୧୮୩୩ ମସିହା ଅକ୍ଟୋବର ୧୧ ତାରିଖରେ ବରପାଲିର ଜମିଦାର ଭବାନୀ ସିଂହଙ୍କ କକା ନାରାୟଣ ସିଂହଙ୍କୁ ରାଜଗାଦିରେ ବସାଇଲେ ନାରାୟଣ| ସିଂହଙ୍କୁ ରାଜା କରାଯିବାପରେ ଚାରିଆଡ଼େ ଘୋର ଅସନ୍ତୋଷ ଦେଖାଗଲା | ଆଦିବାସୀମାନେ ସୁରେନ୍ଦ୍ରଙ୍କୁ ସମ୍ବଲପୁର ସିଂହାସନରେ ବସାଇବା ପାଇଁ ଚାହିଁଲେ | ଇଂରେଜ ସରକାରଙ୍କ ଉପରେ ପ୍ରବଳଚାପ ପଡ଼ିଲା | ନାରାୟଣ ସିଂହ ଇଂରେଜମାନଙ୍କ ସାହାଯ୍ୟରେ ସୁରେନ୍ଦ୍ର ଓ ତାଙ୍କ ସମର୍ଥକମାନଙ୍କ ଉପରେ ଅତର୍କିତ ଆକ୍ରମଣ କରି ତାଙ୍କୁ ପରାଜିତ କଲେ | ସୁରେନ୍ଦ୍ର ସାଏଙ୍କୁ ପ୍ରଥମେ ପାଞ୍ଚବର୍ଷ ଓ ପରେ ଆଜୀବନ କାରାଦଣ୍ଡରେ ଦଣ୍ଡିତ କରାଗଲା |

ହଜାରିବାଗ ଜେଲ୍‌ ରେ ସୁରେନ୍ଦ୍ର କାରାଦଣ୍ଡ ଭୋଗୁଥିବାବେଳେ ୧୮୫୭ ମସିହାରେ ସିପାହୀ ବିଦ୍ରୋହ ହେଲା | ସେହିବର୍ଷ ଜୁଲାଇ ମାସ ୩୧ ତାରିଖରେ ବିଦ୍ରୋହୀମାନେ ହଜାରୀବାଗ ଜେଲ୍‌କୁ ଭାଙ୍ଗି ବନ୍ଦୀମାନଙ୍କୁ ଖଲାସ କରିଦେଲେ | ସୁରେନ୍ଦ୍ର ଖଲାସ ହେବା ପରେ ଇଂରେଜ କବଳିତ ସମ୍ବଲପୁରକୁ ମୁକ୍ତ କରିବାକୁ ସଂଗ୍ରାମ ଚଳାଇଲେ | ତାଙ୍କର ମୁକ୍ତି ଓ ସଂଗ୍ରାମରେ ସମ୍ବଲପୁରର ତତ୍କାଳୀନ କମିଶନର କ୍ୟାପ୍‌ଟେନ୍ ଲି ଆତଙ୍କିତ ହୋଇ ପଡ଼ିଥିଲେ |

ସୁରେନ୍ଦ୍ରସାଏଙ୍କ ବିପ୍ଳବୀ ଜୀବନ, ଶାନ୍ତ ହୋଇ ନ ଥିଲା | ସରକାର ତାଙ୍କୁ ସନ୍ଦେହ ଦୃଷ୍ଟିରେ ଦେଖୁ ୧୮୬୪ ମସିହା ଜାନୁୟାରୀ

୨୬ ତାରିଖରେ ଗିରଫ କରି ରାୟପୁର ଜେଲ୍‌କୁ ପଠାଇଲେ | ପୁଣି ୧୮୬୫ ମସିହା ଅପ୍ରେଲ ମାସରେ ଆଜୀବନ ବନ୍ଦୀଭାବେ ମଧ୍ୟପ୍ରଦେଶ ଅନ୍ତର୍ଗତ ଅସୁରଗଡ଼କୁ ପ୍ରେରିତ ହେଲେ |

୧୮୬୯ରେ ତାଙ୍କୁ ରାୟପୁରରେ ରହିବା ସର୍ଭରେ ଖଲାସ କରିବା ପାଇଁ ସରକାର ଚାହିଁଥିଲେ ମଧ୍ୟ ବିପ୍ଳବୀ ସୁରେନ୍ଦ୍ର ତାହା ପ୍ରତ୍ୟାଖ୍ୟାନ କରିଥିଲେ | ଜନ୍ମଭୂମି ସମ୍ବଲପୁର ପରାଧୀନ ଥିବାରୁ ସେ ଏକୁଟିଆ ମୁକ୍ତି ଚାହିଁଲେ ନାହିଁ | ପରିଣତି ସ୍ୱରୂପ ଅତିଶୟ ବୃଦ୍ଧ ହୋଇ ଅସୁରଗଡ଼ ଜେଲ୍‌ରେ ଚିକିତ୍ସିତ ହେଉଥିବା ବେଳେ ୧୮୮୪ ମସିହା ଫେବୃୟାରୀ ୨୮ ତାରିଖରେ ୭୫ ବର୍ଷ ବୟସରେ ମୃତ୍ୟୁବରଣ କଲେ | ଏହି ଆଜୀବନ ସଂଗ୍ରାମୀ ବୀର ସୁରେନ୍ଦ୍ର ସାଏ ଥିଲେ ସଂଗ୍ରାମ ଓ ସଂଘର୍ଷର ପ୍ରତୀକ | ତାଙ୍କର ବିପ୍ଳବୀ ଜୀବନ ସଂଘର୍ଷ ଓ ସଂଘାତ ମଧ୍ୟରେ କଟିଥିଲା |

Bira Surendra Sai (ବୀର ସୁରେନ୍ଦ୍ର ସାଏ) Class 7 Odia Chapter 19 Questions and Answers (Notes)

RATINGS

Out of 1 ratings.

Other Chapters

Suggested