ଜାତୀୟ ପତାକା

୧. ଆସ, କଥାବାର୍ତ୍ତା ହେବା |

କ) ଜାତୀୟପତାକା ପବନର ସ୍ରୋତରେ କିପରି ଉଡ଼ିଥାଏ ବୋଲି କବିତାରେ କୁହାଯାଇଛି ?

ଉ: ଜାତୀୟ ପତାକା ପବନର ସ୍ରୋତରେ ଫରଫର ଉଡ଼ିଥାଏ ବୋଲି କବିତାରେ କୁହାଯାଇଛି |

ଖ) ଜାତୀୟପତାକାକୁ ଜାତିର ଅମୂଲ୍ୟ ସଂପଦ ବୋଲି କୁହାଯିବାର କାରଣ କ’ଣ ?

ଉ : ଜାତିୟ ସ୍ଵାଧୀନତାର ସମସ୍ତ ଗର୍ବ ଓ ଗୌରବ ଗାଥା ଜାତୀୟ ପତାକାରେ ନିହିତ ଥିବାରୁ ଏହା ଜାତିର ଅମୂଲ୍ୟ ସମ୍ପଦ |

ଗ) କେଉଁ କେଉଁ ସ୍ଥାନରେ ଜାତୀୟପତାକା ଉଡ଼ିଥାଏ ?

ଉ : ସ୍ଥଳ ଭାଗରେ ପଦାତିକ ସେନାମାନଙ୍କ ଦ୍ଵାରା, ଜଳ ଭାଗରେ ସାଗରରେ ଜଳବାହିନୀ ସେନାଙ୍କ ଦ୍ଵାରା, ବ୍ୟୋମ ଭାଗରେ ବ୍ୟୋମବାହିନୀ ସେନାଙ୍କ ଦ୍ଵାରା ଏହି ସବୁ ସ୍ଥାନରେ ଜାତୀୟ ପତାକା ଉଡ଼ିଥାଏ |

ଘ) ଜାତୀୟପତାକା ଆମ ଜାତିର ଟେକ କିପରି ରଖିବା ?

ଉ : ଅନ୍ୟ ଦେଶର ଜାତୀୟ ପତାକା ମର୍ତ୍ତ୍ୟରେ ଯାହା କରିଛନ୍ତି ଆମ ଜାତୀୟ ପତାକା ନିଶ୍ଚୟ ତାହା କରି ଏ ସଂସାରରେ ଆମର ମାନ ରଖିବା | ଆମର ଜାତିର ଟେକ ରଖିବା |

୨. ଆସ, କବିତାରୁ ଭଲଲାଗୁଥିବା ପଦ କେତୋଟିକୁ ଆବୃତ୍ତି କରି ଶୁଣାଇବା |

ଉ : କ) “ଜାତିର ଏ ଅଟେ ଅମୂଲ୍ୟ ସମ୍ପଦ,

କନାଛେକା ଖଣ୍ଡେ କେବଳ ନୁହେଁ |

ଖ) ଛାର କନାଖଣ୍ଡେ ନ ମଣ ଏହାକୁ

ଏତ ଆମ ପ୍ରିୟ ଜାତୀୟ ଧ୍ଵଜା |

ଗ) ରଖିବ ଏ ଆମ ମାନ ଏ ସଂସାର

ବଢାଇବ ଆମ ଜାତିର ଟେକ |

୩. ଆସ, ଦୁଇ ବା ତିନୋଟି ବାକ୍ୟରେ ତଳ ପ୍ରଶ୍ନର ଉତ୍ତର ଲେଖିବା |

କ) “ବାଟ କାଟିଯିବ ସମୀର ସ୍ରୋତେ” – ଏହା କୁହାଯିବାର କାରଣ କ’ଣ?

ଉ : ଆକାଶରେ ଆକାଶବାହିନୀ ଯୁଦ୍ଧ କରୁଥିବାବେଳେ ଜାତୀୟ ପତାକା ବ୍ୟୋମ ଯାନରେ ଶୋଭାପାଇବା ସହିତ ଶତ୍ରୁକୁ ମୁକାବିଲା କରିବାର ସୂଚନା ଦେଇ ପବନରେ ଫରଫର ଉଡ଼ି ଉଡ଼ି ଆଗକୁ ଆଗକୁ ଯାଉଥବ | ତେଣୁ ବାଟକାଟି ଯିବ ସମୀର ସ୍ରୋତେ ବୋଲି କୁହାଯାଇଛି |

ଖ) ଜାତୀୟ ପତାକାକୁ ପ୍ରଣାମ କରିବା ପାଇଁ କବି କାହିଁ କହିଛନ୍ତି ?

ଉ: ଜାତୀୟ ପତାକା ଆମ ଜାତିର ଦେବତା ତେଣୁ ତାହାକୁ ପ୍ରଣାମ କରିବା ପାଇଁ କବି କହିଛନ୍ତି |

ଗ) ଜାତୀୟପତାକା ଯେତେ ଫରଫର ଉଡ଼ିବ ଆମର ହୃଦୟ ଗର୍ବରେ ନାଚି ଉଠିବ ବୋଲି କହିବାର କାରଣ କ’ଣ ?

ଉ: ଜାତୀୟ ପତାକା ଆମର ଜାତିର ଦେବତା | ଏହା ଆମର ଜାତିର ଟେକ ରଖିବାରେ ସମର୍ଥ | ତେଣୁ ଏହା ଯେତେ ଫରଫର ଉଡ଼ିବ, ଆମର ହୃଦୟ ସେତେ ଗର୍ବରେ ନାଚି ଉଠିବ |

ଘ) ଆମେ କିପରି ସ୍ବାଧୀନତା ହାସଲ କରିଛୁ ବୋଲି କବିତାରେ କୁହାଯାଇଛି ?

ଉ: ଆମେ ସ୍ଵାଧୀନତା ହାସଲ କରିବା ପାଇଁ ଜାତୀୟ ସମରରେ ଶହ ଶହବୀର ପ୍ରାଣବଳି ଦେଇଛନ୍ତି | ସେହିମାନଙ୍କର ଅସୀମ ତ୍ୟାଗ ବଳରେ ଆମେ ସ୍ଵାଧୀନତା ହାସଲ କରିଛୁ ବୋଲି କବିତାରେ କୁହାଯାଇଛି |

୪. ଆସ, ସରଳଭାଷାରେ ବୁଝାଇ ଲେଖିବା |

କ) “ଛାରକନା ଖଣ୍ଡେ ନ ମଣ ଏହାକୁ,

ଏତ ଆମ ପ୍ରିୟ ଜାତୀୟ ଧ୍ଵଜା |”

ଉ : ଛାରକନା...................... ଧ୍ଵଜା |”

ଶଂସିତ ପଦ୍ୟାଂଶଟି “ଜାତୀୟ ପତାକା” ଶୀର୍ଷକ କବିତାରୁ ଗୃହୀତ | ଉକ୍ତ ପ୍ରସଙ୍ଗରେ କଳି ଗୋଦାବରୀଶ ମିଶ୍ର ଜାତୀୟ ପତାକାର ମହତ୍ତ୍ଵ ବର୍ଣ୍ଣନା କରିଛନ୍ତି |

ଆମର ଜାତୀୟ ପତାକା ଆମ ଜାତିର ଅମୂଲ୍ୟ ସମ୍ପଦ | ଏହା କେବଳ ଖଣ୍ଡେ କପଡ଼ା ନୁହେଁ | ଏହି ପତାକା ତଳେ ଦୀର୍ଘ ତିରିଶ ବର୍ଷ ଧରି ଏ ଜାତିର ସୈନ୍ୟ ଏକତ୍ରିତ ହୋଇଛନ୍ତି । ଜାତୀୟ ଯୁଦ୍ଧରେ ଶହ ଶହ ବୀର ଆତ୍ମଝାସ ଦେଇଛନ୍ତି | ତେଣୁ ଆମର ସ୍ଵାଧୀନତା ଆସିଛି | ବିଦେଶୀ ଶାସକ ଏ ଦେଶକୁ ଛାଡ଼ି ଚାଲି ଯାଇଛନ୍ତି | ଏହାକୁ ଆମେ ଛାର କନା ଖଣ୍ଡେ ବୋଲି ମନେ କରିବା ଉଚିତ ନୁହେଁ | ଏହା ଆମର ଅତିପ୍ରିୟ ଜାତୀୟ ପତାକା |

ଖ) କରିବ ନିକର ଦେଣୁ ଦେଶେ ଯାହା

କରିଅଛି ମର୍ତ୍ତ୍ୟ ଜାତି ବୈରଖ ।

ଉ : “ କରିବ..............................ବୈରଖ |”

ଶଂସିତ ପଦ୍ୟାଂଶଟି “ଜାତୀୟ ପତାକା” ଶୀର୍ଷକ କବିତାରୁ ଗୃହୀତ | ଉକ୍ତ ପ୍ରସଙ୍ଗରେ କବି ଗୋଦାବରୀଶ ମିଶ୍ର ଜାତୀୟ ପତାକାର ଗୌରବ ଗାନ କରିଛନ୍ତି |

ଏହା ଆମର ଅତିପ୍ରିୟ ଜାତୀୟ ଧ୍ଵଜା | ପଦାତିକ ସେନାମାନେ ଏହାକୁ ସ୍ଥଳ ଭାଗରେ ଉଦାନ୍ତି | ଜଳ ବାହିନୀରେ ଏହା ସାଗର ବୁକୁରେ ଫରଫର ଉଡ଼େ | ବ୍ୟୋମ ବାହିନୀରେ ଆକାଶ ମାର୍ଗରେ ପବନର ସୁଅକାଟି ଆଗକୁ ଆଗକୁ ଉଡ଼ିଯାଉଥାଏ | ବିଭିନ୍ନ ଦେଶର ଜାତୀୟ ପତାକା ଯେଭଳି ଯଶ ବଢ଼ାଇ ପାରିଛି ଆମ ଦେଶର ଜାତୀୟ ପତାକା ହିଁ ତାହା ନିଶ୍ଚୟ କରିପାରିବ |

୫. ଆସ, ଅସଜଡ଼ା ପଦକୁ ସଜାଡ଼ି ଲେଖିବା |

କ) ଅମୂଲ୍ୟ ଏ ଅଟେ ସମ୍ପଦ ଜାତିର

କେବଳ ଖଣ୍ଡେ ନୁହେଁ ଛେକା କନା |

ଉ : ଜାତିର ଏ ଅଟେ ଅମୂଲ୍ୟ ସମ୍ପଦ

କନାଛେକା ଖଣ୍ଡେ କେବଳ ନୁହେଁ |

ଖ) ସମରେ ଶତଶତ ବୀର ଜାତୀୟ

ମୁଣ୍ଡ ଲଢିତ ହରାଇ ଅଛନ୍ତି |

ଉ : ଜାତୀୟ ସମରେ ଶତ ଶତବୀର

ଲଢିତ ହରାଇ ଅଛନ୍ତି ମୁଣ୍ଡ |

ଗ) ତହୁଁ ରାଇଜେ ଆସିଛି ସ୍ଵାଧୀନତା

ରଜା ଯାଇଛନ୍ତି ବିଦେଶୀ ଚାଲି |

ଉ: ତହୁଁ ସ୍ଵାଧୀନତା ଆସିଛି ରାଇଜେ,

ଯାଇଛନ୍ତି ଚାଲି ବିଦେଶୀ ରଜା ।

୬. ଆସ, ‘କ’ ସ୍ତମ୍ଭ ସହିତ ‘ଖ’ ସ୍ତମ୍ଭର ଉପଯୁକ୍ତ ପଦକୁ ଯୋଡ଼ି ଲେଖୁବା ପରେ ‘ଗ’ ସ୍ତମ୍ଭରେ ଥିବା ଗଦ୍ୟରୂପକୁ ଯୋଡ଼ିବା |

“କ”ସ୍ତମ୍ଭ “ଖ”ସ୍ତମ୍ଭ “ଗ”ସ୍ତମ୍ଭ

ଲଢିତ ହରାଇ ଅଛନ୍ତି ମୁଣ୍ଡ ଯୁଦ୍ଧକରି ମୃତ୍ୟୁବରଣ କରିଛନ୍ତି

ଛାର କନା ଖଣ୍ଡେ ନମଣ ଏହାକୁ ଏହାକୁ ମାମୁଲି କନା ଖଣ୍ଡେ ଭାବିବା ଉଚିତ ନୁହେଁ

ବଢ଼ାଇବ ଆମ ଜାତିର ଟେକ ଜାତିର ସମ୍ମାନ ବୃଦ୍ଧି କରିବା

ରଖିବ ଏ ଆମ ମାନ ଏ ସଂସାରେ ଏହା ସଂସାରରେ ଆମର ସମ୍ମାନ ରକ୍ଷା କରିବ

ଜୁହାରିବା ଆଜି ଚାଲରେ ସର୍ବେ ଆଜି ଚାଲ ସମସ୍ତେ ମିଶି ପ୍ରଣାମ କରିବା

୭. ଆସ, ବନ୍ଧନୀ ମଧ୍ୟରୁ ଉପଯୁକ୍ତ ଶବ୍ଦବାଛି ଶୂନ୍ୟସ୍ଥାନ ପୂରଣ କରିବା |

କ) ରଖିବ ଏ ଆମ ମାନ ଏ ସଂସାରେ,

ବଢ଼ାଇବ ଆମ ଜାତିର ଟେକ

କରିବ ନିକର ଦେଣୁ ଦେଶେ ଯାହା,

କରିଅଛି ମର୍ତ୍ତ୍ୟେ ଜାତି ବୈରଖ |

ଖ) ଯେତେ ଫରଫର ଉଡ଼ିବ ଏ ସତେ,

ହୃଦୟ ଆମର ନାଚିବ ଗର୍ବେ ।

୮) ଦିଆଯାଇଥିବା ଶବ୍ଦ କବିତାରେ ପ୍ରୟୋଗ କରାଯାଇଥିବା ଶବ୍ଦ

ପତାକା ଧ୍ଵଜା

ଆକାଶ ନବ ,ବ୍ୟୋମ

ପବନ ସମୀର

ଜାହାଜ ପୋତ

ସୈନ୍ୟ ସଇନ

ଯୁଦ୍ଧ ସମର

୯. ତଳେ ଦିଆଯାଇଥିବା ଶବ୍ଦଗୁଡିକର ବିପରୀତ ଅର୍ଥବୋଧକ ଶବ୍ଦ ଲେଖିବା |

ଶବ୍ଦ ବିପରୀତ

ବାଟ ଅବାଟ

ମାନ ଅପମାନ

ବୀର ଭୀରୁ

ବିଦେଶୀ ସ୍ଵେଦେଶୀ

ସମ୍ପଦ ବିପଦ

ସ୍ଵାଧୀନତା ପରାଧୀନତା

୧୦. ଠିକ ଶବ୍ଦ :-

ତିରିଶ

ସ୍ଵାଧୀନତା

ପତାକା

ଅମୂଲ୍ୟ

ବିଦେଶୀ

ସମୀର

ପ୍ରିୟ

Jatiya Pataka ଜାତୀୟ ପତାକା Class 8 Odia Chapter 4

Ratings