ପଞ୍ଚମ ଅଧ୍ୟାୟ : ଭାରତୀୟ ଜାତୀୟତାବାଦୀ ଆନ୍ଦୋଳନ 5th Chapter : Bharatiya Jatiyatabadi Andolana , BSE Odia Medium Class 8th History Notes

ପଞ୍ଚମ ଅଧ୍ୟାୟ ଭାରତୀୟ ଜାତୀୟତାବାଦୀ ଆନ୍ଦୋଳନ ଭାରତରେ ଜାତୀୟତାବାଦ ବିକାଶର କାରଣ : ଉନବିଂଶ ଶତାବ୍ଦୀର ଆରମ୍ଭରୁ ବିଭିନ୍ନ ସମୟରେ ଇଂରେଜ ଶାସନ ବିରୋଧୀ ସଂଗଠନଗୁଡ଼ିକର ଆବିର୍ଭାବ ହେଲା | ଆଞ୍ଚଳିକ ବିଦ୍ରୋହରୁ ଆରମ୍ଭ କରି ଜାତୀୟ ବିଦ୍ରୋହ ପର୍ଯ୍ୟନ୍ତ ଅନେକ ବିଦ୍ରୋହ ଏମାନଙ୍କ ଦ୍ଵାରା ସଂଗଠିତ ହେଲା | ଐକ୍ୟଭାବର ମହାମନ୍ତ୍ରରେ ନିଜ ଦେଶ ତଥା ମାତୃଭୂମିକୁ ଭଲ ପାଇବା ଭାବକୁ “ ଜାତୀୟତାବାଦ ” କୁହାଯାଏ | ୧୮୫୭ର ବିଦ୍ରୋହ ଏକ ଜାତୀୟ ବିଦ୍ରୋହର ଉଦାହରଣ | ଭାରତରେ ଜାତୀୟତାବାଦର ବିକାଶ ପାଇଁ ଅନେକଗୁଡ଼ିଏ କାରଣ ଦାୟୀ ଥିଲା | ସାମାଜିକ ଓ ସାଂସ୍କୃତିକ ଐକ୍ୟ : ପୁରାତନ ଯୁଗରେ ମୁନିଋଷିମାନେ ହିମାଳୟଠାରୁ କୁମାରୀକା ପର୍ଯ୍ୟନ୍ତ ଭୂଖଣ୍ଡକୁ “ ଭାରତବର୍ଷ ” ନାମରେ ନାମିତ କରିଥିଲେ | ଜାତି , ଧର୍ମ, ବର୍ଣ୍ଣ ନିର୍ବିଶେଷରେ ସମସ୍ତ…