Odia Medium Class 6 Science Chapter 6 Bastu O Padarthara Paribartana ( ବସ୍ତୁ ଓ ପଦାର୍ଥର ପରିବର୍ତ୍ତନ ) Question & Answer

Odia Medium Class 6 Science Chapter 6 Bastu O Padarthara Paribartana ( ବସ୍ତୁ ଓ ପଦାର୍ଥର ପରିବର୍ତ୍ତନ ) Question & Answer

ବସ୍ତୁ ଓ ପଦାର୍ଥର ପରିବର୍ତ୍ତନ

1.       ନିମ୍ନଲିଖିତ ପରିବର୍ତ୍ତନଗୁଡିକ ଭିତରୁ କେଉଁଟି ପ୍ରତ୍ୟାବର୍ତ୍ତୀ ଓ କେଉଁଟି ଅପ୍ରତ୍ୟାବର୍ତ୍ତୀ ପରିବର୍ତ୍ତନ ଲେଖ |

a)      ଫୁଲରୁ ଫଳ ହେବା | (ଅପ୍ରତ୍ୟାବର୍ତ୍ତୀ)

b)      ଲାଜକୁଳୀ ପତ୍ର ଆଘାତ ପାଇ ନଇଁଯିବା | ( ପ୍ରତ୍ୟାବର୍ତ୍ତୀ )

c)       ଲୁହାରେ କଳଙ୍କି ଲାଗିବା | (ଅପ୍ରତ୍ୟାବର୍ତ୍ତୀ )

d)      ଲୁହା ଖଣ୍ଡକୁ ଚୁମ୍ବକରେ ପରିଣତ କରିବା | (ପ୍ରତ୍ୟାବର୍ତ୍ତୀ )

2.       ନିମ୍ନୋକ୍ତ ପ୍ରକ୍ରିୟା ମଧ୍ୟରୁ କେଉଁଟି ଅସ୍ଥାୟୀ, ପ୍ରତ୍ୟାବର୍ତ୍ତୀ, ଭୌତିକ ବା ରାସାୟନିକ ପ୍ରକ୍ରିୟା ଲେଖ |

a)      କିରୋସିନର ଦହନ |  (ରାସାୟନିକ)

b)      କଳଙ୍କି ଲାଗି ଲୁହାକଣ୍ଟାର ବସ୍ତୁତ୍ୱରେ ବୃଦ୍ଧି  | (ରାସାୟନିକ )

c)       ବେଶୀ ବେଶୀ ଲୁଣ ଜଳରେ ଦ୍ରବୀଭୂତ କରାଇ ସଂତୃପ୍ତ ଦ୍ରବଣ ତିଆରି କରିବା ପ୍ରକ୍ରିୟା | (ଅସ୍ଥାୟୀ, ପ୍ରତ୍ୟାବର୍ତ୍ତୀ ଓ ଭୌତିକ)

d)      ବୁଟକୁ ପାଣିରେ ବତୁରାଇ ଫୁଲାଇବା |(ରାସାୟନିକ)

e)      ଚୁମ୍ବକ ଦଣ୍ଡକୁ ଗରମ କରିବା |(ଭୌତିକ)

3.        

a)      ଲୁହାକଣ୍ଟାକୁ ଉତ୍ତପ୍ତ କରି ଲାଲ କରିବା କେଉଁ ପ୍ରକାର ପରିବର୍ତ୍ତନ ?

ଲୁହାକଣ୍ଟାକୁ ଉତ୍ତପ୍ତ କରି ଲାଲ କରିବା ଏକ ଭୌତିକ ପରିବର୍ତ୍ତନ କାରଣ ଲୁହାକଣ୍ଟା ଥଣ୍ଡା ହେଲା ପରେ ପୁନର୍ବାର ପୂର୍ବ ଅବସ୍ଥାକୁ ଫେରିଆସେ |

b)      ଗୋଟିଏ ରାସାୟନିକ ଘଟିଲା ବୋଲି ଜାଣିବା କିପରି ?

ଯଦି ପରିବର୍ତ୍ତନଟି ସ୍ଥାୟୀ, ଅପ୍ରତ୍ୟାବର୍ତ୍ତୀ ଓ ଏକ ନୂତନ ପଦାର୍ଥ ସୃଷ୍ଟି ହୁଏ, ତେବେ ପରିବର୍ତ୍ତନଟି ରାସାୟନିକ ବୋଲି ଜାଣିବ |

c)       ମିଶ୍ରଣକୁ ଜଳରେ ମିଳାଇ ସର୍ବତ ପ୍ରସ୍ତୁତ କରିବା କେଉଁ ପ୍ରକାର ପରିବର୍ତ୍ତନ ?

ମିଶ୍ରଣକୁ ଜଳରେ ମିଳାଇ ସର୍ବତ ପ୍ରସ୍ତୁତ କରିବା ଏକ ଅସ୍ଥାୟୀ, ପ୍ରତ୍ୟାବର୍ତ୍ତୀ ଓ ଭୌତିକ ପରିବର୍ତ୍ତନ |

4.        

a)      ତୁତିଆ ଜଳରେ ଦ୍ରବୀଭୂତ ହୁଏ | ଏହା ତାର କି ପ୍ରକାର ଗୁଣ ?

ତୁତିଆ ଜଳରେ ଦ୍ରବୀଭୂତ ହୁଏ | ଏହା ଏକ ଭୌତିକ ପରିବର୍ତ୍ତନ |

b)      ଅତି ସଂତୃପ୍ତ ଦ୍ରବଣ କ’ଣ ?

ସଂତୃପ୍ତ ଦ୍ରବଣକୁ ଗରମ କଲେ, ତାହା ଆଉ କିଛି ଅଧିକ ଦ୍ରାବକୁ ଦ୍ରବୀଭୂତ କରିଥାଏ | ଏପରି ଭାବେ ଯେଉଁ ଦ୍ରବଣ ପ୍ରସ୍ତୁତ ହୁଏ ତାକୁ ଅତି ସଂତୃପ୍ତ ଦ୍ରବଣ କୁହାଯାଏ |

c)       ତାପର ପରିବର୍ତ୍ତନରେ ଦ୍ରବଣ କି ପ୍ରକାର ପ୍ରଭାବିତ ହୁଏ ?

ତାପ  ପାଇଲେ ଦ୍ରବଣୀୟତା ବଢେ ଓ ତାପ କମିଲେ ଦ୍ରବଣୀୟତା କମେ |

5.       ଜଳରେ ଦ୍ରବୀଭୂତ ନ ହେଉଥିବା ଚାରିଗୋଟି ପଦାର୍ଥର ନାମ ଲେଖ |

ବାଲି, ଗୋଡି, ତେଲ ଓ କାଚ ଇତ୍ୟାଦି |

6.       କାରଣ ଦର୍ଶାଅ |

a)      କ୍ଷୀର ଛିଣ୍ଡି ଛେନା ହେବା ଏକ ରାସାୟନିକ ପରିବର୍ତ୍ତନ |

କ୍ଷୀର ଛିଣ୍ଡି ଛେନା ହେବା ଏକ ରାସାୟନିକ ପରିବର୍ତ୍ତନ କାରଣ ପୁନର୍ବାର ଆମେ ଛେନାରୁ କ୍ଷୀର ପାଇପାରିବା ନାହିଁ |

b)      ଲୁଣକୁ ଗୁଣ୍ଡ କରିବା ଏକ ରାସାୟନିକ ପରିବର୍ତ୍ତନ ନୁହେଁ |

ଲୁଣକୁ ଗୁଣ୍ଡ କରିବା ଏକ ରାସାୟନିକ ପରିବର୍ତ୍ତନ ନୁହେଁ କାରଣ ଲୁଣ ଗୁଣ୍ଡ ହେଲେ କେବଳ ତାର ଅବସ୍ଥାରେ ପରିବର୍ତ୍ତନ ଆସେ କିନ୍ତୁ କିଛି ନୂତନ ପଦାର୍ଥ ସୃଷ୍ଟି ହୁଏ ନାହିଁ |

7.       ପାର୍ଥକ୍ୟ ଦର୍ଶାଅ |

a)      ଭୌତିକ ପରିବର୍ତ୍ତନ :-

·         ଏହି ପରିବର୍ତ୍ତନରେ କୌଣସି ନୂତନ ପଦାର୍ଥ ଉତ୍ପନ୍ନ ହୁଏ ନାହିଁ |

·         ଏହି ପରିବର୍ତ୍ତନ ଅସ୍ଥାୟୀ ଓ ପ୍ରତ୍ୟାବର୍ତ୍ତୀ |

·         ଏହି ପରିବର୍ତ୍ତନ ଦ୍ଵାରା ପଦାର୍ଥର କେବଳ ଭୌତିକ ଧର୍ମ ଯଥା ଅବସ୍ଥା, ବର୍ଣ୍ଣ, ଗନ୍ଧ ଇତ୍ୟାଦିରେ ପରିବର୍ତ୍ତନ ଘଟିଥାଏ |

ରାସାୟନିକ ପରିବର୍ତ୍ତନ :-

·         ଏହି ପରିବର୍ତ୍ତନରେ ସମ୍ପୂର୍ଣ୍ଣ ନୂତନ ପଦାର୍ଥ ଉତ୍ପନ୍ନ ହୁଏ |

·         ଏହା ସ୍ଥାୟୀ ଓ ଅପ୍ରତ୍ୟାବର୍ତ୍ତୀ |

·         ଏହି ପରିବର୍ତ୍ତନରେ ସୃଷ୍ଟି ହୋଇଥିବା ନୂତନ ପଦାର୍ଥ ଉଭୟ ଭୌତିକ ଓ ରାସାୟନିକ ଧର୍ମଯୁକ୍ତ ହୋଇଥାଏ |

b)      ସଂତୃପ୍ତ ଦ୍ରବଣ :-

·         ଯେଉଁ ଦ୍ରବଣ ଅଧିକ ଦ୍ରାବ ଦ୍ରବୀଭୂତ କରିପାରେ ନାହିଁ, ସେଭଳି ଦ୍ରବଣକୁ ସଂତୃପ୍ତ ଦ୍ରବଣ କୁହାଯାଏ |

·         ତାପ ପ୍ରୟୋଗ କଲେ ଏହା ଅତି ସଂତୃପ୍ତ ଦ୍ରବଣରେ ପରିଣତ ହୋଇଥାଏ |

ଅତି ସଂତୃପ୍ତ ଦ୍ରବଣ :-

·         ଅଧିକ ଦ୍ରାବକୁ ଦ୍ରବୀଭୂତ କରିଥାଏ |

·         ଅଧିକ ଦ୍ରାବକୁ ପକାଇଲେ ଏହା ସଂତୃପ୍ତ ଦ୍ରବଣରେ ପରିଣତ ହୋଇଥାଏ |