Odia Medium Class 7 Chapter 1 (Part-1) Geography Ama Paribesa(ଆମ ପରିବେଶ) Notes

Odia Medium Class 7 Chapter 1 (Part-1) Geography Ama Paribesa(ଆମ ପରିବେଶ) Notes

ଆମ ପରିବେଶ

ପରିବେଶ କ’ଣ ?

·    ଆମେ ଆମ ଚତୁଃପାର୍ଶ୍ଵରେ ଯାହା ଦେଖୁ ତାହାହିଁ ପରିବେଶ |

·    ପରିବେଶ ହିଁ ଜୀବନଧାରଣ ନିମନ୍ତେ ମୌଳିକ ଆଧାର ଯୋଗାଇ ଥାଏ |

·    ଆମେ ଶ୍ଵାସକ୍ରିୟା ପାଇଁ ପବନ, ପିଇବା ପାଇଁ ପାଣି, ଖାଇବା ପାଇଁ ଖାଦ୍ୟ ଏବଂ ଘର ପାଇଁ ଭୂମି ପରିବେଶ ଯୋଗାଇଥାଏ |

ମନୁଷ୍ୟ ପରିବେଶରେ ପରିବର୍ତ୍ତନ ଆଣିଥାଏ କିପରି ?

·    ମଟର ଗାଡ଼ିରୁ ନିର୍ଗତ ଧୂଆଁ ବାୟୁକୁ ଦୂଷିତ କରେ,ମାଠିଆରେ ଜଳ ସଂଗ୍ରହ କରାଯାଏ , ପାତ୍ରରେ ଖାଦ୍ୟ ପରିବେଷଣ ହୁଏ ଏବଂ କଳକାରଖାନା ବସାଇବା ପାଇଁ ଭୂମି ଆବଶ୍ୟକ ହୋଇଥାଏ |

·    ମନୁଷ୍ୟ କାର ତିଆରି କରେ, ବଡ ବଡ କଳକାରଖାନା ଦ୍ୱାରା ଆବଶ୍ୟକ ଜିନିଷ ତିଆରି କରେ, ଜିନିଷକୁ ଧରି ରଖିବା ପାଇଁ ବିଭିନ୍ନ ପାତ୍ର ମଧ୍ୟ ପ୍ରସ୍ତୁତ କରେ |

ଏହିପରି ମନୁଷ୍ୟ ପରିବେଶରେ ପରିବର୍ତ୍ତନ ଆଣିଥାଏ |

ଭୌତିକ ପରିବେଶ

·    ପୃଥିବୀ ଜଳ, ସ୍ଥଳ, ବାୟୁକୁ ନେଇ ଭୌତିକ ପରିବେଶ ଗଠିତ

ଅଶ୍ମମଣ୍ଡଳ କାହାକୁ କୁହାଯାଏ ?

·    ପୃଥିବୀର କଠିନ ଭୂତ୍ୱକ ବା ଶକ୍ତ ଉପରିଭାଗକୁ ଅଶ୍ମମଣ୍ଡଳ କୁହାଯାଏ |

·    ଏହା ବିଭିନ୍ନ ଖଣିଜ ଦ୍ରବ୍ୟ ଓ ଶିଳାରେ ଗଠିତ |

·    ଏହାର ଉପରିଭାଗରେ ମୃତ୍ତିକାର ଏକ ପତଳା ଆବରଣ ରହିଛି |

·    ପୃଥିବୀର ଉପରିଭାଗ ଅସମାନ |

ବାରିମଣ୍ଡଳ କାହାକୁ କୁହାଯାଏ ?

·    ପୃଥିବୀର ସମସ୍ତ ଜଳରାଶିକୁ “ବାରିମଣ୍ଡଳ” କୁହାଯାଏ |

ବାୟୁମଣ୍ଡଳ କାହାକୁ କୁହାଯାଏ ?

·    ପୃଥିବୀକୁ ଚତୁର୍ଦ୍ଦିଗରେ ଘେରି ରହିଥିବା ପତଳା ଗ୍ୟାସୀୟ ଆବରଣକୁ ବାୟୁମଣ୍ଡଳ କୁହାଯାଏ |

ଜୈବମଣ୍ଡଳ କାହାକୁ କୁହାଯାଏ ?

·    ଉଭୟ ପ୍ରାଣୀ ଓ ଉଦ୍ଭିଦଙ୍କୁ ନେଇ ଜୈବମଣ୍ଡଳ ଗଠିତ |

·    ଏକ ନିର୍ଦ୍ଦିଷ୍ଟ ଅଞ୍ଚଳର ଜୀବ ଓ ସେମାନଙ୍କ ଦ୍ୱାରା ଗଠିତ ପରିବେଶକୁ “ପରିସଂସ୍ଥା” କୁହାଯାଏ |

·    ପ୍ରତିବର୍ଷ ଜୁନ ମାସ ୫ ତାରିଖରେ ବିଶ୍ଵ ପରିବେଶ ଦିବସ ପାଳନ କରାଯାଏ |

·    ମନୁଷ୍ୟ ତା’ର ଆବଶ୍ୟକତା ମେଣ୍ଟାଇବା ପାଇଁ ପ୍ରାକୃତିକ ପରିବେଶରେ ନିଜର ଜ୍ଞାନ କୌଶଳ ବ୍ୟବହାର କରି ମାନବୀୟ ପରିବେଶ ସୃଷ୍ଟି କରିଥାଏ |

·    ଟଙ୍କାର ବ୍ୟବହାର ବିନା ହେଉଥିବା ବେପାରକୁ “ଦ୍ରବ୍ୟ ବିନିମୟ ବ୍ୟବସ୍ଥା” କୁହାଯାଏ |

·    ରାଜସ୍ଥାନର “ଜୟଶାଲମେର” ସହରରେ ଆଦୌ ବର୍ଷା ହୁଏ ନାହିଁ |