Odia Medium Class 8 Science Chapter 7 Conservation of Plants and Animals ( ଉଦ୍ଭିଦ ଓ ପ୍ରାଣୀମାନଙ୍କର ସଂରକ୍ଷଣ ) Question & Answer

Odia Medium Class 8 Science Chapter 7 Conservation of Plants and Animals ( ଉଦ୍ଭିଦ ଓ ପ୍ରାଣୀମାନଙ୍କର ସଂରକ୍ଷଣ ) Question & Answer

ଉଦ୍ଭିଦ ଓ ପ୍ରାଣୀମାନଙ୍କର ସଂରକ୍ଷଣ

1.   ଶୂନ୍ୟସ୍ଥାନ ପୂରଣ କର |

କ) ପ୍ରଣିମାନଙ୍କୁ ସେମାନଙ୍କର ନିଜ ପରିବେଶରେ ସୁରକ୍ଷା ଦେବା ସ୍ଥାନକୁ ଅଭୟାରଣ୍ୟ କୁହାଯାଏ |

ଖ) ଗୋଟିଏ ନିର୍ଦ୍ଦିଷ୍ଟ ସ୍ଥାନରେ ଦେଖାଦେଉଥିବା ପ୍ରାଣୀ | ଉଦ୍ଭିଦ ଜାତିକୁ ସ୍ଥାନିକ ଜାତି କୁହାଯାଏ |

ଗ) ପରିବ୍ରାଜକ ପକ୍ଷୀ ଋତୁ ପରିବର୍ତ୍ତନ ଯୋଗୁଁ ବହୁ ଦୂରକୁ ଉଡିଯାଆନ୍ତି |

2.   ପ୍ରଭେଦ ଦର୍ଶାଅ |

କ) ଅଭୟାରଣ୍ୟ ଓ ଜୀବମଣ୍ଡଳ ସଂରକ୍ଷିତ ସ୍ଥାନ –

ଉତ୍ତର : ଅଭୟାରଣ୍ୟ : -

·    ଏହା କେବଳ ଜୀବଜନ୍ତୁଙ୍କ ସୁରକ୍ଷା ପାଇଁ ଉଦ୍ଦିଷ୍ଟ |

·    ଏହା କେବଳ କେତେକ ଜୀବ ଓ ତା’ର ପରିବେଶ ଉପରେ କୌଣସି ଅନିଷ୍ଟ କାରୀ ପ୍ରଭାବ ନ ପକାଉଥିବା ଅଞ୍ଚଳ |

·    ଆମ ଦେଶରେ ପ୍ରାୟ ୪୪୧ଟି ଅଭୟାରଣ୍ୟ ରହିଛି |

ଜୀବମଣ୍ଡଳ ସଂରକ୍ଷିତ ସ୍ଥାନ :-

·    ଜୈବ ବିବିଧତାର ସଂରକ୍ଷଣ ପାଇଁ ଏହା ଉଦ୍ଦିଷ୍ଟ |

·    ଏହା ସେହି ଅଞ୍ଚଳର ଯାଇବାବିବିଧତା ଓ ସଂସ୍କୃତିର ସୁରକ୍ଷାରେ ସହାୟକ ହେଉଥିବା ଅଞ୍ଚଳ |

·    ଆମ ଦେଶରେ ୪୨ ଟି ପ୍ରାଣୀ ସଂରକ୍ଷଣ କେନ୍ଦ୍ର ଅଛି |

ଖ) ଚିଡିଆଖାନା ଓ ଅଭୟାରଣ୍ୟ

ଚିଡିଆଖାନା :

·    ଚିଡିଆଖାନା ଜୀବର କୃତ୍ରିମ ବାସସ୍ଥାନ |

·    ଚିଡିଆଖାନାର ପରିବେଶ ସୀମିତ |

·    ଚିଡିଆଖାନାର ଜୀବଜନ୍ତୁମାନେ ସ୍ଵାଧୀନ ଭାବରେ ନ ଥାନ୍ତି |

ଅଭୟାରଣ୍ୟ :

·    ଅଭୟାରଣ୍ୟ ଜୀବର ପ୍ରାକୃତିକ ବାସସ୍ଥାନ |

·    ଅଭୟାରଣ୍ୟର ପରିବେଶ ସୀମିତ ହେଲେ ମଧ୍ୟ ଅଧିକ ବ୍ୟାପ୍ତ |

·    ଅଭୟାରଣ୍ୟରେ ଜୀବଜନ୍ତୁମାନେ ଅଧିକ ସୁଖ ସ୍ଵାଚ୍ଛନ୍ଦ୍ୟରେ ଥାଆନ୍ତି |

ଗ) ବିପଦ ଗ୍ରସ୍ତ ଓ ବିଲୁପ୍ତ ଜାତି ଉଦ୍ଭିଦ ସମୂହ ଓ ପ୍ରାଣିକୂଳ

ବିପଦ ଗ୍ରସ୍ତ ଉଦ୍ଭିଦ ସମୂହ ଓ ପ୍ରାଣିକୂଳ

·    ଏ ପ୍ରକାର ଜାତି ଅଳ୍ପ କିଛି ସଂଖ୍ୟାରେ ଅଛି |

·    ଏ ପ୍ରକାର ଜାତିର ସଂରକ୍ଷଣ କରି ସଂଖ୍ୟା ବଢାଯାଇପାରିବ |

·    ଏ ପ୍ରକାର ଜୀବର ଉଦାହରଣ – ରଣାସାପ , ଶାଗୁଣା , ଧଳା ବାଘ ଇତ୍ୟାଦି |

ବିଲୁପ୍ତ ଜାତି ଉଦ୍ଭିଦ ସମୂହ ଓ ପ୍ରାଣିକୂଳ

·    ଏ ପ୍ରକାର ଜାତି ପୃଥିବୀପୃଷ୍ଠରୁ ସମ୍ପୂର୍ଣ୍ଣ ଭାବେ ଲୋପ ପାଇଗଲେଣି |

·    ଏ ପ୍ରକାର ଜାତି ଆଉ ମିଳିବା ସମ୍ଭବ ନୁହେଁ |

·    ଏ ପ୍ରକାର ଜାତିର ଉଦାହରଣ – ଡାଇନୋସର , ମାମଥ୍ , ଆର୍କିଓପଟେରିକସ୍ ଇତ୍ୟାଦି |

3.   ଜଙ୍ଗଲ ଧ୍ଵଂସ ହେତୁ ନିମ୍ନଲିଖିତ ବିଷୟ ଉପରେ କ’ଣ ପ୍ରଭାବ ପଡେ ଆଲୋଚନା କର |

କ) ବନ୍ୟପ୍ରାଣୀ : -

ଜଙ୍ଗଲ କ୍ଷୟ ହେତୁ ପରିସଂସ୍ଥୀୟ ସନ୍ତୁଳନ ପ୍ରତି ବିପଦ ସୃଷ୍ଟି ହୁଏ | ଜଙ୍ଗଲ କ୍ଷୟ ହେତୁ କେତେ ବନ୍ୟଜନ୍ତୁ ଆଶ୍ରୟ ଓ ଖାଦ୍ୟ ଣ ପାଇ ମୃତ୍ୟୁମୁଖରେ ପଡିଥାନ୍ତି | କୌଣସି ବନ୍ୟପ୍ରାଣୀର ପରିମାଣ କମିଗଲେ ପରୋକ୍ଷରେ ସେ ଖାଉଥିବା ପ୍ରାଣୀମାନଙ୍କର ସଂଖ୍ୟା ବୃଦ୍ଧି ଘଟେ ଫଳରେ ପରିସ୍ଥିତୀଯ ସଙ୍କଟ ସୃଷ୍ଟି ହୁଏ |

ଖ) ଗ୍ରାମାଞ୍ଚଳ : -

ଗ୍ରାମାଞ୍ଚଳରେ ଯେଉଁ ଅଧିବାସୀମାନେ ଜଙ୍ଗଲ ଉପରେ ନିର୍ଭର କରି ଚାଲୁଥାନ୍ତି , ସେମାନଙ୍କର ପ୍ରଭୂତ କ୍ଷତି ହୁଏ | ଜଙ୍ଗଲ କ୍ଷୟ ହେତୁ ଅନେକ ବନ୍ୟଜୀବ ଗ୍ରାମଞ୍ଚଳକୁ ପଶିଆସି ଅନେକ କ୍ଷତି ସାଧନ କରିଥାନ୍ତି | ତୃଣଭୂମି ନଷ୍ଟ ଯୋଗୁଁ ଗ୍ରାମାଞ୍ଚଳରେ ଥିବା ଗୃହପାଳିତ ପଶୁମାନଙ୍କ ଖାଦ୍ୟରେ ଅଭାବ ଦେଖାଦିଏ |

ଗ) ପୃଥିବୀ : -

ଜଙ୍ଗଲ କ୍ଷୟ ଫଳରେ ଗଛସଂଖ୍ୟା କମିଯାଏ, ଫଳରେ ଅଳ୍ପ ପରିମାଣର ଅଙ୍ଗାରକାମ୍ଳ ନିୟୋଜିତ ହୁଏ, ତେଣୁ ବାୟୁମଣ୍ଡଳରେ ଅଙ୍ଗାରକାମ୍ଳର ପରିମାଣ ବୃଦ୍ଧି ପାଏ | ଅଙ୍ଗାରକାମ୍ଳ ପୃଥିବୀରୁ ବିକିରିତ ତାପ ଶୋଷଣ କରିବା ଦ୍ଵାରା ପୃଥିବୀର ତାପାମାତ୍ରା କମିଯାଏ | ଏହାକୁ ବିଶ୍ଵ ତାପନ କୁହାଯାଏ |

ଘ) ପରିବେଶ : -

ବାୟୁମଣ୍ଡଳରେ ଅଙ୍ଗାରକାମ୍ଳ ବୃଦ୍ଧି ଯୋଗୁଁ ସବୁଜଘର ପ୍ରଭାବ ସୃଷ୍ଟି ହୁଏ, ମୃତ୍ତିକା କ୍ଷୟ ଘଟେ , ବୃଷ୍ଟିପାତ କମିଯାଏ | ଫଳରେ ମରୁଡି ଦେଖାଯାଏ | ଅଧିକ ଟାଙ୍ଗରା ଭୂମି ସୃଷ୍ଟି ହୁଏ | ପ୍ରଦୂଷଣର ମାତ୍ରା ବିପଜ୍ଜନକ ଭାବେ ବୃଦ୍ଧି ପାଏ |

ଙ) ସହରାଞ୍ଚଳ : -

ସହରାଞ୍ଚଳରେ ଥିବା କଳକାରଖାନାରୁ ନିର୍ଗତ ଅଙ୍ଗାରକାମ୍ଳ ବୃକ୍ଷ ଅଭାବରୁ ନିୟୋଜିତ ହୋଇପାରେ ନାହିଁ, ଫଳରେ ସବୁଜ ଘର ପ୍ରଭାବ ଓ ସ୍ମଗ୍ ଆଦି ସୃଷ୍ଟି ହୁଏ | ଅମ୍ଳବୃଷ୍ଟି ମଧ୍ୟ ହୋଇ ପରିବେଶ ପ୍ରଦୂଷିତ କରେ | ସହରାଞ୍ଚଳ ଲୋକଙ୍କର ଅନେକ ଅତ୍ୟାବଶ୍ୟକୀୟ ପଦାର୍ଥର ଅଭାବ ଦେଖାଯାଏ |

ଚ) ପରପିଢି : -

ବିଶ୍ଵତାପନ ଫଳରେ ବରଫ ତରଳି “ସମୁଦ୍ର ପତନ ବୃଦ୍ଧି ପାଇବ, ଫଳରେ କିଛି ଦ୍ଵୀପ ଜଳମଗ୍ନ ହୋଇ ନିଶ୍ଚିହ୍ନ ହୋଇଯିବାର ଆଶଙ୍କା କରାଯାଉଛି | ଅନେକ ପରିବେଶ ପ୍ରଦୂଷଣ ଜନିତ ରୋଗମାନ ଦେଖାଯିବାର ସମ୍ଭାବନାକୁ ଏଡାଇ ଦିଆଯାଇ ନ ପାରେ | ଭବିଷ୍ୟତରେ ମଧ୍ୟ ଅନେକ ଜଙ୍ଗଲଜାତ ପଦାର୍ଥର ଅଭାବ ଦେଖାଯିବ |

4.   କ’ଣ ଘଟିବ ଯଦି –

କ) ଆମେ ଗଛ କାଟି ଚାଲୁ : -

·    ଅଧିକ ଟାଙ୍ଗରା ଭୂମି ସୃଷ୍ଟି ହେବ |

·    ବୃଷ୍ଟିପାତ କମ ହେତୁ ମରୁଡି ଦେଖାଯିବ |

·    ସବୁଜ ଘର ପ୍ରଭାବ ପରିଲକ୍ଷିତ ହେବ |

·    ମୃତ୍ତିକା କ୍ଷୟ ଘଟିବ |

·    କେତେକ ମୁଲ୍ୟବାନ ଉଦ୍ଭିଦ ଓ ପ୍ରାଣୀ ମୃତ୍ୟୁବରଣ କରିବେ |

·    କାଠ ଓ ଅନେକ ଉଦ୍ଭିଦଜାତ ପଦାର୍ଥର ଘୋର ଅଭାବ ଦେଖାଯିବ |

·    ପରିସଂଘୀୟ ସଙ୍କଟ ସୃଷ୍ଟି ହେବ |

·    ଗ୍ରାମାଞ୍ଚଳ ଲୋକେ ଯେଉଁମାନେ ଜଙ୍ଗଲ ଉପରେ ନିର୍ଭର କରି ଚଳୁଥିଲେ ସେମାନଙ୍କର ପରାଭୂତ କ୍ଷତି ଘଟିବ |

ଖ) ଗୋଟିଏ ପ୍ରାଣୀର ପରିସ୍ଥାନ ବିପର୍ଯ୍ୟସ୍ତ ହୁଏ : -

·    ଗୋଟିଏ ପ୍ରାଣୀର ପରିସ୍ଥାନ ବିପର୍ଯ୍ୟସ୍ତ ହେଲେ ବହୁ ପ୍ରାଣୀ ଓ ଉଦ୍ଭିଦ ମୃତ୍ୟୁମୁଖରେ ପଡ଼ିବେ , ଫଳରେ ପ୍ରକୃତିର ଭାରସାମ୍ୟ ନଷ୍ଟ ହେବ |

ଗ) ମାଟିର ଉପରସ୍ତର ନଷ୍ଟ ହୁଏ : -

·    ମାଟିର ଉପର ସ୍ତର ନଷ୍ଟ ହେଲେ ଏହା ତଳେ ଥିବା କଠିନ , ପଥୁରିଆ ସ୍ତର ଦେଖାଯିବ , ଯେଉଁଥିରେ ହ୍ୟୁମସ୍ ପରିମାଣ କମ | ଏହା ଫଳରେ ମୃତ୍ତିକାର ଉର୍ବରତା କମିଯିବ ଓ ଧୀରେ ଧୀରେ ଉର୍ବର ମୃତ୍ତିକା ମରୁଭୂମିରେ ପରିଣତ ହେବ |

5.   ସଂକ୍ଷେପରେ ଲେଖ |

କ) ଆମେ କାହିଁକି ଜୈବବିବିଧତା ସଂରକ୍ଷଣ କରିବା ?

·    ପ୍ରତି ବର୍ଷ ଶହଶହ ପ୍ରଜାତିର ପ୍ରାଣୀ ଓ ଉଦ୍ଭିଦ ଲୋପ ହେବାରେ ଲାଗିଛନ୍ତି |

·    ପ୍ରାଣୀମାନଙ୍କର ସୁସ୍ଥ ଜୀବନଯାପନ ପାଇଁ ଉପଯୁକ୍ତ ବାସସ୍ଥାନର ଅଭାବ ପରିଲକ୍ଷିତ ହେଉଛି |

·    ପ୍ରଦୂଷଣର ମାତ୍ରା ଦିନକୁ ଦିନ ବଢିବାରେ ଲାଗିଛି |

·    ମନଇଛା ବିଜ୍ଞାନଗାରରେ ଜୀବହତ୍ୟା ବଢିବାରେ ଲାଗିଛି |

·    କିଛି ବିଦେଶୀ ଜୀବଜନ୍ତୁଙ୍କ ଆଗମନ ଫଳରେ ଦେଶୀୟ କିଛି ଜୀବଙ୍କର ବଂଶ ଲୋପ ହେଉଛି | ଏଣୁ ଆମେ ଜୈବ ବିବିଧତା ସଂରକ୍ଷଣ କରିବା |

ଖ) ସୁରକ୍ଷିତ ଜଙ୍ଗଲ ମଧ୍ୟ କାହିଁକି ପ୍ରାଣୀମାନଙ୍କ ପାଇଁ ସମ୍ପୂର୍ଣ୍ଣ ନିରାପଦ ନୁହେଁ ?

·    ସୁରକ୍ଷିତ ଜଙ୍ଗଲରେ ଯେଉଁ ପ୍ରାଣୀମାନେ ବାସ କରନ୍ତି ସେମାନଙ୍କ ମଧ୍ୟରୁ ଖାଦ୍ୟ ଓ ଖାଦକ , ଭକ୍ଷକ ପ୍ରାଣୀମାନେ ଖାଦ୍ୟ ରୂପେ ଅନ୍ୟ ପ୍ରାଣୀମାନଙ୍କୁ ବ୍ୟବହାର କରିଥାନ୍ତି |

·    ଆଖପାଖର ଅଧିବାସୀ ସୁରକ୍ଷିତ ଜଙ୍ଗଲକୁ ଜବରଦଖଲ କରି ବୃକ୍ଷ   ଓ ଜୀବଜନ୍ତୁଙ୍କୁ ନଷ୍ଟ କରିଥାନ୍ତି | ତେଣୁ ସୁରକ୍ଷିତ ଜଙ୍ଗଲରେ ମଧ୍ୟ ପ୍ରାଣୀମାନେ ନିରାପଦ ନୁହଁନ୍ତି |

ଗ) କେତେକ ଆଦିବାସୀ ଜଙ୍ଗଲ ଉପରେ ନିର୍ଭର କରନ୍ତି | କିପରି ?

·    ଆଦିବାସୀମାନେ ଇନ୍ଧନ ରୂପେ କାଠକୁ ବ୍ୟବହାର କରନ୍ତି |

·    ମହୁଲକୁ ମଦ୍ୟ ରୂପେ ବ୍ୟବହାର କରନ୍ତି |

·    ମହୁ , ଝୁଣା , ଲାଖ ଆଦି ସଂଗ୍ରହ କରି ବ୍ୟବହାର କରିଥାନ୍ତି |

·    କେତେକ ଆଦିବାସୀ ମଧ୍ୟ ଜଙ୍ଗଲ ମଧ୍ୟରେ ବାସ କରନ୍ତି | ତେଣୁ କେତେ ଆଦିବାସୀ ଜଙ୍ଗଲ ଉପରେ ନିର୍ଭର କରନ୍ତି |

ଘ) ଜଙ୍ଗଲଧ୍ଵଂସର କାରଣ ଓ ପରିଣାମ କ’ଣ ?

ଜଙ୍ଗଲଧ୍ଵଂସର କାରଣ :-

·    ମନୁଷ୍ୟ ଓ ଗୃହପାଳିତ ପଶୁସଂଖ୍ୟା ବୃଦ୍ଧି |

·    ଅଧିକ ଜାଳେଣୀ ଓ ଘର ତିଆରି ଉପକରଣର ଆବଶ୍ୟକତା |

·    କୃଷି କ୍ଷେତ୍ର ଓ ଚାରଣ ଭୂମିର ଆବଶ୍ୟକତା |

·    ନଦୀବନ୍ଧ ଯୋଜନା ଓ ଜଳ ବିଦ୍ୟୁତ ଯୋଜନା |

·    ଖଣିର ପ୍ରସାର |

·    ଅଧିକ ସଡକପଥ ଓ ରେଳରାସ୍ତା ନିର୍ମାଣ |

·    କଳକାରଖାନା ସ୍ଥାପନ |

·    ଅଧିକ କାଗଜର ବ୍ୟବହାର |

ପରିଣାମ : -

·    ଅଧିକ ଟାଙ୍ଗରା ଭୂମି ସୃଷ୍ଟି |

·    ବୃଷ୍ଟିପାତ କମିଯିବା |

·    ସବୁଜଗୃହ ପ୍ରଭାବ ଓ ବିଶ୍ଵତାପନ |

·    ମୃତ୍ତିକା କ୍ଷୟ |

·    ମୁଲ୍ୟବାନ ଉଦ୍ଭିଦ ଓ ପ୍ରାଣୀଙ୍କ ମୃତ୍ୟୁ |

·    କାଠ ଓ ଉଦ୍ଭିଦଜାତ ପଦାର୍ଥର ଅଭାବ |

·    ତୃଣଭୂମି ନଷ୍ଟ ଯୋଗୁଁ ଚାରଣ ଭୂମିର ଅଭାବ |

·    ପରିସଂସ୍ଥୀୟ ସନ୍ତୁଳନ ପ୍ରତି ବିପଦ |

·    ଜଙ୍ଗଲ ଉପରେ ନିର୍ଭର କରି ଚଳୁଥିବା ଲୋକଙ୍କର କ୍ଷତି |

ଙ) ରେଡ୍ ଡାଟା ବୁକ୍ କ’ଣ?

·    ସମସ୍ତ ସଂକଟାପନ୍ନ ବା ବିପଦଗ୍ରସ୍ତ ପ୍ରାଣୀ ଓ ଉଦ୍ଭିଦମାନଙ୍କର ଅଭିଲେଖ ରେଡ୍ ଡାଟା ବୁକ୍ ରେ ରହିଛି |

·    ଉଦ୍ଭିଦ , ପ୍ରାଣୀ ଓ ଅନ୍ୟ ଜାତି ପାଇଁ ଅଲଗା ଅଲଗା ରେଡ୍ ଡାଟା ବୁକ୍ ରହିଛି |

ଚ) ପରିବ୍ରଜନ କହିଲେ କ’ଣ ବୁଝ ?

·    ବସବାସ କରୁଥିବା ଅଞ୍ଚଳ ପାଗ ପ୍ରତିକୂଳ ହେଲେ , ଅଣ୍ଡା ଦେବାପାଇଁ କେତେକ ପକ୍ଷୀ ଅନ୍ୟତ୍ର ଉଡିଯାନ୍ତି | ଏହାକୁ ପରିବ୍ରଜନ କୁହାଯାଏ |

6.   କଳାକାରଖାନା ଓ ବାସଗୃହର ଆବଶ୍ୟକତା ପୂରଣ ପାଇଁ ଗଛ କଟା ସବୁବେଳେ ଚାଲିଛି |ଏହିଭଳି ପ୍ରକଳ୍ପ ପାଇଁ ଗଛ କାଟିବା ବିଧେୟ କି ? ଆଲୋଚନା କରି ଏକ ରିପୋର୍ଟ ପ୍ରସ୍ତୁତ କର |

ଉତ୍ତର : ଏହି ପ୍ରକଳ୍ପ ପାଇଁ ଗଛ କାଟିବା ଆଦୌ ସମଚିନ ନୁହେଁ ; କାରଣ ଏହାଦ୍ଵାରା ଆମର ଅନେକ କ୍ଷତି ସାଧନ ହେବ |

·    ଅଧିକ ଟାଙ୍ଗରା ଭୂମି ସୃଷ୍ଟି ଓ ବୃଷ୍ଟିପାତ କମିଯିବା |

·    ମୃତ୍ତିକା କ୍ଷୟ , ବିଶ୍ଵତାପନ ଓ ସବୁଜଗୃହ ପ୍ରଭାବ |

·    ମୂଲ୍ୟବାନ ଉଦ୍ଭିଦ ଓ ପ୍ରାଣୀଙ୍କ ମୃତ୍ୟୁ |

·    କାଠ ଓ ଉଦ୍ଭିଦ ଜାତ ପଦାର୍ଥର ଅଭାବ |

·    ଜଙ୍ଗଲ ଉପରେ ନିର୍ଭର କରି ଚଳୁଥିବା ଲୋକଙ୍କର କ୍ଷତି |

7.   ତୁମ ଅଞ୍ଚଳର ସବୁଜ ସମ୍ପଦ ରକ୍ଷା କରିବା ପାଇଁ ତୁମେ କ’ଣ କରିପାରିବ ତା’ର ଏକ ତାଲିକା ପ୍ରସ୍ତୁତ କର |

ଉତ୍ତର : ଆମ ଅଞ୍ଚଳର ସବୁଜ ସମ୍ପଦ ରକ୍ଷା କରିବା ପାଇଁ ଆମେ ନିମ୍ନଲିଖିତ ମତେ କାର୍ଯ୍ୟ କରିବୁ |

·    ଗଛ ଣ କାଟିବା ପାଇଁ ଜନସମାଜକୁ ଜଣାଇବୁ |

·    ବିଭିନ୍ନ ସଭା ସମିତି ମାନ କରି ଜନସାଧାରଣଙ୍କ ମନରେ ଚେତନା ଜାଗ୍ରତ କରାଇବୁ |

·    ବୃକ୍ଷରୋପଣ ପ୍ରତି ଧ୍ୟାନ ଦେବୁ | ସମସ୍ତେ ନିଜ ନିଜର ଜନ୍ମଦିନରେ ଏକ ବୃକ୍ଷରୋପଣ କରି ତାକୁ ବଞ୍ଚାଇ ରଖିବା ପାଇଁ ଉପଦେଶ ଦେବୁ |

·    ସାମାଜିକ ବନୀକରଣ ପ୍ରତି ଧ୍ୟାନ ଦେବୁ |

·    ଗୃହପାଳିତ ପଶୁମାନେ ଯେପରି ବୃକ୍ଷଲତାମାନ ନଷ୍ଟ ନ କରନ୍ତି ସେଥିପ୍ରତି ଧ୍ୟାନ ଦେବୁ |

8.   ଜଙ୍ଗଲଧ୍ଵଂସ ଫଳରେ ବୃଷ୍ଟିପାତ କିପରି କମିଯାଏ ବୁଝାଅ |

·    ଉଦ୍ଭିଦ ମୃତ୍ତିକା କ୍ଷୟକୁ ରୋକିଥାଏ | ଗଛସଂଖ୍ୟା କମିଗଲେ ମୃତ୍ତିକା କ୍ଷୟର ପରିମାଣ ବଢିଯାଏ ଓ ମାଟିତଳେ ଜଳସ୍ତର ତଳକୁ ଖସିଯାଏ |

·    ବୃକ୍ଷମାନେ ଉସ୍ୱେଦନ ପ୍ରକ୍ରିୟାରେ ବାୟୁମଣ୍ଡଳକୁ ଜଳୀୟବାଷ୍ପ ତ୍ୟାଗ କରିଥାଆନ୍ତି | ବୃକ୍ଷ ଛେଦନ ଫଳରେ ବାୟୁମଣ୍ଡଳରେ ଜଳୀୟବାଷ୍ପର ପରିମାଣ କମେ , ଫଳରେ ବର୍ଷା କମିଯାଏ |

9.   ତୁମ ରାଜ୍ୟରେ ଥିବା ଜାତୀୟ ଉଦ୍ୟାନ ଗୁଡିକୁ ଚିହ୍ନଟ କରି ଭାରତର ଏକ ରେଖା ମାନଚିତ୍ରରେ ସେ ଅଞ୍ଚଳ ଦର୍ଶାଅ |

ଆମ ରାଜ୍ୟରେ ଥିବା ଜାତୀୟ ଉଦ୍ୟାନଗୁଡିକ ହେଲା –

·    ଭିତରକନିକା (କେନ୍ଦ୍ରାପଡ଼ା)

·    ଶିମିଳିପାଳ (ମୟୂରଭଞ୍ଜ)

10.  କାଗଜ ସଞ୍ଚୟ କରିବା କାହିଁକି ? କେଉଁ ଉପାଯରେ କାଗଜ ସଞ୍ଚୟ କରିହେବ ତା’ର ଗୋଟିଏ ତାଲିକା ପ୍ରସ୍ତୁତ କର |

·    ଉତ୍ତର : ଜଙ୍ଗଲ ଲୋପ ପାଇବାର ଏକ କାରଣ ହେଲା କାଗଜର ଅତ୍ୟଧିକ ବ୍ୟବଧାର | ଗୋଟିଏ ଟନ୍ କାଗଜ ତିଆରି ପାଇଁ ୧୭ ଟି ବଡ ଗଛ ଆବଶ୍ୟକ | ତେଣୁ ଆମେ କାଗଜ କମ୍ ଖର୍ଚ୍ଚ କରିବା ଆବଶ୍ୟକ | କାଗଜ ସଞ୍ଚୟ କରିବା ଆବଶ୍ୟକ |

·    ଠାରେ ବ୍ୟବହୃତ ହେବା କାଗଜକୁ ୫ – ୬ ଥର ପୁନଃଚକ୍ରଣ କରି ବ୍ୟବହାର କରାଯାଇପାରିବ |

·    ଯଦି ପ୍ରତ୍ୟେକ ଛାତ୍ରଛାତ୍ରୀ ଅତି କମ୍ ରେ ଗୋଟିଏ ଖଣ୍ଡ କାଗଜ ନ କରି ରଖିପାରେ, ତେବେ ବର୍ଷକୁ ଆମେ ବହୁ ଗଛ ବଞ୍ଚାଇ ରଖିପାରିବା |

·    ଆମେ କାଗଜ ବ୍ୟବହାର କମ୍ କରି ଏହାକୁ ସଞ୍ଚୟ କରିବା ସଙ୍ଗେ ସଙ୍ଗେ ଏହା ପୁନଃ ବ୍ୟବହାର ଓ ପୁନଃଚକ୍ରଣ କରିବା ଆବଶ୍ୟକ |