ଦଶହରା ଭେଟି

୧. ଆସ, କଥାବାର୍ତ୍ତା ହେବା |

କ) ଗଳ୍ପଟିରେ କେଉଁ ସମୟର କଥା କୁହାଯାଇଛି ?
ଉ : ଗଳ୍ପଟିରେ ଅଶିଣ ମାସ ଦୁର୍ଗାପୂଜା ବା ବିଜୟାଦଶମୀର ସକାଳ କଥା କୁହାଯାଇଛି |

ଖ) ସୁନନ୍ଦାଙ୍କୁ ଉପହାର ଦେବା ପାଇଁ ତାଙ୍କ ସ୍ୱାମୀ କାହିଁକି ଭାବିଥିଲେ ?
ଉ : ଦୁର୍ଗାପୂଜା ଅବସରରେ ସୁନନ୍ଦାଙ୍କୁ ଉପହାର ଦେବାପାଇଁ ତାଙ୍କ ସ୍ଵାମୀ ଭାବିଥିଲେ |

ଗ) ଲେଖକଙ୍କ କୋଠରିରେ ଥ‌ିବା କେଉଁ ଛବିଗୁଡ଼ିକୁ ଦେଖ୍ ସୁନନ୍ଦା ଭୟ କରୁଥିଲେ ?
ଉ : ସୁନନ୍ଦାଙ୍କ ସ୍ଵାମୀ ସାତ ଆଠ ଦିନ ତଳେ ଖବରକାଗଜରୁ କାଟି, ବଡ଼ ବଡ଼ ପେଷ୍ଟବୋର୍ଡ଼ରେ ଲଗାଇଥିବା ଛବିଗୁଡ଼ିକ ଦେଖି ସୁନନ୍ଦା ଭୟ କରୁଥିଲେ |

ଘ) କେଉଁମାନଙ୍କୁ ନିମନ୍ତ୍ରଣ କରିବାକୁ ସୁନନ୍ଦା ଲେଖକଙ୍କୁ କହିଥିଲେ ?
ଉ : ନୂଆ ସବ୍‌ଜଜ୍ ପ୍ରେମରାଜବାବୁ, ତାଙ୍କ ସ୍ତ୍ରୀ ଚାନ୍ଦିନୀ ଓ ତାଙ୍କର ପୁଅଝିଅ, ପ୍ଲିଡ଼ର, ବଙ୍କିମବାବୁ, ଜୋସେଫ୍ ରାଉତ ଓ ତାଙ୍କ ସ୍ତ୍ରୀ ଈଭ ରାଉତ, ଚରଣ କିଙ୍କରବାବୁଙ୍କୁ ନିମନ୍ତ୍ରଣ କରିବାକୁ ସୁନନ୍ଦା ଲେଖକଙ୍କୁ କହିଥିଲେ |

ଙ) ଉପହାରରୂପେ କେଉଁ କେଉଁ ଜିନିଷ ପାଇବାପାଇଁ ସୁନନ୍ଦା ଇଚ୍ଛା ପ୍ରକାଶ କରିଥିଲେ ?
ଉ : ଉପହାରରୂପେ ଗୋଟିଏ ରେଡ଼ିଓ, ଗୋଟିଏ ସେଟ୍ ଇଭିନିଂ ଇନ୍ ପ୍ୟାରିସ୍, ଦୁଇଖଣ୍ଡ ଦାମିକିଆ ଶାଢ଼ି ସୁନନ୍ଦା ଇଚ୍ଛା ପ୍ରକାଶ କରିଥିଲେ |

୨. ତଳେ ଦିଆଯାଇଥିବା ପ୍ରଶ୍ନଗୁଡ଼ିକର ଉତ୍ତର ଦୁଇ ବା ତିନୋଟି ବାକ୍ୟରେ ଲେଖିବା |
କ) ସୁନନ୍ଦା ଓ ଲେଖକଙ୍କ ମଧ୍ୟରେ କି ପାର୍ଥକ୍ୟ ରହିଥିଲା ?
ଉ : ସୁନନ୍ଦା ଧନୀଘରର ଝିଅ ହିସାବରେ, ସ୍ଵାମୀଙ୍କୁ ଆର୍ଥିକ ସାହାଯ୍ୟ କରିଥିଲେ ବି, ତାଙ୍କ ମନରେ ଅହଂଭାବ ଲୁଚି ରହିଥିଲା ଓ ସେ ଥିଲେ କାବ୍ୟକବିତା ଅନୁରାଗୀ | ମାତ୍ର ଲେଖକ ଥିଲେ ଦରଦୀ, ମାନବବାଦୀ, ବାସ୍ତବବାଦୀ ଓ ଭାବପ୍ରବଣତାହୀନ | ସୁନନ୍ଦାଙ୍କୁ ଲେଖକ ଗୁରୁତ୍ଵ ଦେଉଥିଲାବେଳେ, ସୁନନ୍ଦା ନିଜ ଉପରେ ଗୁରୁତ୍ଵ ଦେଉଥିଲେ |

ଖ) ଦୁଃଖିଆ ମାଆ ରମୁକୁ କାହିଁକି ଚିନି ମାଗୁଥିଲା ?
ଉ : ଦୁଃଖୀ ଅଭାବୀ ଦୁଃଖିଆମାଆର ରହିଛି କୁନି ପୁଅଟିଏ, ଯାହାକୁ ସେ ଦୁଧ ଟିକେ ପିଇବାକୁ ଦେଇପାରେ ନାହିଁ | ଖାଲି ପାଣିରେ ଚିନି ଦେଇ ତା’ କଅଁଳା ଛୁଆଟାକୁ ହାପୁଡ଼ାଇ ଦିଏ । ଚିନି ନ ଥ‌ିବାରୁ, ସେଇ ଛୁଆକୁ ପିଆଇବା ପାଇଁ ଦୁଃଖିଆ ମା’ ରମୁକୁ ଚିନି ଟିକେ ମାଗିଥିଲା |

ଗ) ବଜାରକୁ ଗଲାବେଳେ ସୁନନ୍ଦା କ’ଣ ଦେଖ‌ିଲେ ?
ଉ : ବଜାରକୁ ଯାଉଥ‌ିବାବେଳେ ରାଜପଥ କଡ଼ରେ ଜଣେ ମାଗନ୍ତା ଶିଶୁ କୁକୁର ବାନ୍ତିଗୁଡ଼ାକ ଚାଟୁଥିବାର ସୁନନ୍ଦା ଦେଖିଲେ | ସେହି ନିକଟରେ ପିଲାର ମାଆ ଛିଡ଼ା ହୋଇ, କେବଳ ତାକୁ ବାଲୁବାଲୁ କରି ଅନାଇଥର ଦୃଶ୍ୟ ମଧ୍ୟ ସୁନନ୍ଦା ଦେଖିଥିଲେ |

ଘ) ଶାଢ଼ି ଓ ଜିନିଷପତ୍ର କିଣିବାକୁ ସୁନନ୍ଦା କାହିଁକି ମନା କଲେ ?
ଉ : ମାଗନ୍ତା ପିଲାର କୁକୁର ବାନ୍ତିଗୁଡ଼ାକ ଚାଟି ଖାଇବାର ଦୃଶ୍ୟ, ଅନାହାରୀ ମାଆର ନର୍ଦ୍ଦମାରୁ ଅଇଁଠା ଖଲିପତ୍ର ସାଉଁଟିବାର ଦୃଶ୍ୟ, ଗଳି ରାସ୍ତାକଡ଼ରେ ଦୁଧ ଟୋପେ ନ ପାଇ ମା’ କୋଳରେ ଶିଶୁ ଢଳି ପଡ଼ିବାର ପ୍ରସଙ୍ଗ ଜାଣିବା ପରେ ସୁନନ୍ଦାଙ୍କ ହୃଦୟ କରୁଣାରେ ଭରିଯାଇଥିଲା | ସେହିପରି ସେବକଙ୍କଠାରୁ ଅନାହାର, ମହାମାରୀରେ ମଫସଲରେ ଅଖାଦ୍ୟ ଖାଇ ପଟାଳି ପଟାଳି ଲୋକ ମରୁଥିବାର କଥା ଶୁଣି ତାଙ୍କ ମନରେ ପରିବର୍ତ୍ତନ ଆସିଥିଲା | ସେହିସବୁ ଲୋକଙ୍କ ପାଇଁ ମନରେ ଦୟା ଆସିଥିବାରୁ, ସୁନନ୍ଦା ଦଶହରା ମଉଜ ଉପଲକ୍ଷେ ଶାଢ଼ି ଓ ଜିନିଷପତ୍ର କିଣିବାକୁ ସ୍ଵାମୀଙ୍କୁ ମନା କରିଥିଲେ |

ମ୍ଗ) “ସୁନନ୍ଦା-ଭୋଜନାଳୟ” କାହିଁକି ଖୋଲା ଯାଇଥିଲା ?
ଉ : ଗାଳ୍ପିକଙ୍କ ସହ ରାସ୍ତାରେ ଗଲାବେଳେ ଖାଦ୍ୟ ପାଇଁ ବୁଭୁକ୍ଷୁ ଲୋକମାନଙ୍କ ଯନ୍ତ୍ରଣା ଓ ଖାଦ୍ୟ ବିନା ଲୋକମାନଙ୍କ ମୃତ୍ୟୁର ବୀଭତ୍ସ ଦୃଶ୍ୟ ଦେଖି ସୁନନ୍ଦାଙ୍କ ହୃଦୟ ତରଳି ଯାଇଥିଲା | ସେହି ବୁଭୁକ୍ଷୁମାନଙ୍କୁ ମୁଠାଏ ଦାନା ଯୋଗାଇ ଦେବାପାଇଁ ଓ ପ୍ରତି ସଞ୍ଜରେ ପାଞ୍ଚ ଶହରୁ ଅଧ୍ଵ ଭିକାରି ଭିକାରୁଣୀ ମୁହଁରେ ଦାନା ଦେବା ପାଇଁ ସୁନନ୍ଦା ଭୋଜନାଳୟ ଖୋଲା ଯାଇଥିଲା |

୩. ତଳେ ଦିଆଯାଇଥ‌ିବା ଉକ୍ତିଗୁଡ଼ିକୁ ସରଳ ଭାଷାରେ ବୁଝାଇ ଲେଖିବା |
କ) ସେହି ସଙ୍ଗୀତ ଆଜି ବି ମୋର ପ୍ରାଣକୁ ମଧୁଛନ୍ଦରେ ଉଥଳ କରେ, ଯେତେବେଳେ ମୁଁ ତାଙ୍କର ହାସଦୀପ୍ତ ତୃପ୍ତମୁଖ ଉପରେ ନେତ୍ରପାତ କରେ |

ଉ : ସେହି ସଙ୍ଗୀତ .................................................................କରେ |
ଉକ୍ତ ଉଦ୍ଧୃତାଂଶଟି “ଦଶହରା ଭେଟି” ଶୀର୍ଷକ ଗଳ୍ପରୁ ଆନୀତ | ଆଲୋଚ୍ୟ ପ୍ରସଙ୍ଗରେ ଗାଳ୍ପିକ ରାଜକିଶୋର ରାୟ ଅତୀତ ଜୀବନର ଏକ ସ୍ମୃତିକୁ ଉପସ୍ଥାପିତ କରିଛନ୍ତି |

ସୁନନ୍ଦା ଲେଖକଙ୍କର ପତ୍ନୀ | ଅପରିପକ୍ୱ ବୟସରେ ସୁନନ୍ଦାଙ୍କ ସହିତ ତାଙ୍କର ବିବାହ ହୋଇଥିଲା | ସୁନନ୍ଦା ବାସ୍ତବତାଠାରୁ ବହୁଦୂରରେ କିନ୍ତୁ ଲେଖକ ବାସ୍ତବବାଦୀ | ଦୀର୍ଘ କୋଡିଏ ବରଷ ତଳରା ସେହି ସୁନନ୍ଦାଙ୍କୁ ନେଇ ଲେଖକଙ୍କର ଭାବନା ଏକ ଅଶୀଣ ସକାଳରେ ମନେ ପଡିଛି | ଆଜି ମଧ୍ୟ ଲେଖକ ସୁନନ୍ଦଙ୍କର ସେହି କୋଡିଏ ବର୍ଷ ତଳର ଶ୍ରୀ ସଙ୍ଗୀତରେ ଆତ୍ମହରା ହୋଇଛନ୍ତି ଏବଂ ସୁନନ୍ଦାଙ୍କ ହାସଦୀପ୍ତ ମୁଖ ତାଙ୍କୁ ଆକର୍ଷିତ କରିଛି |

ଖ) “ତୁମର ପରିତୃପ୍ତି ପାଇଁ ମୋର ଏତେ ଦିନର ଦାନ – ବୃକ୍ଷରେ ଗୋଟିଏ ମାତ୍ର କୀଟ ମୁଁ ଛାଡ଼ିଦେଇ ପାରେନା |”

ଉ : “ତୁମର ..................................................ପାରେନା |”
ଉକ୍ତ ଉଦ୍ଧୃତାଂଶଟି “ଦଶହରା ଭେଟି” ଶୀର୍ଷକ ଗଳ୍ପରୁ ଆନୀତ | ଆଲୋଚ୍ୟ ପ୍ରସଙ୍ଗରେ ଗାଳ୍ପିକ ରାଜକିଶୋର ରାୟ ଲେଖକ ତାଙ୍କ ଧର୍ମପତ୍ନୀ ସୁନନ୍ଦଙ୍କୁ କହିଥିବା କଥା ବିଷୟରେ ବର୍ଣ୍ଣନା କରିଛନ୍ତି |

ଲେଖକ ଥିଲେ ଜଣେ ଆଦର୍ଶ ଓ ସମ୍ବେଦନଶୀଳ ବ୍ୟକ୍ତି | ସେ ତାଙ୍କ ପ୍ରକୋଷ୍ଠରେ କେତେଗୁଡିଏ ଫଟୋ ଏବଂ ଛବି ଟାଙ୍ଗିଥିଲେ | ସେହି ଛବିଗୁଡିକ ସୁନନ୍ଦଙ୍କ ପାଇଁ ଭୟର କାରଣ ହେଉଥିବା ଜାଣିବା ପରେ ଲେଖକ ସୁନନ୍ଦାଙ୍କ ମତ ଲୋଡିଥିଲେ | ଯେଉଁ ଛବିଗୁଡାକ ଭୟର କାରଣ ସେଗୁଡିକୁ ଦୂରକରି ଦେବେ ବୋଲି ଲେଖକ୍ ତାଙ୍କୁ କହିଥିଲେ | କାରଣ ସୁନନ୍ଦାଙ୍କ ତୃପ୍ତିପାଇଁ ଲେଖକ ତାଙ୍କର ଦାନ ବୃକ୍ଷରେ ଗୋଟିଏ ମାତ୍ର କୀଟ ଛାଡି ଦେଇ ପାରିବେ ନାହିଁ | ଅର୍ଥାତ୍ ସେ ସୁନନ୍ଦାଙ୍କ ତୃପ୍ତି ପାଇଁ ଯାହା ଆବଶ୍ୟକ ତାହା କରିବେ |

୪. ତଳେ କେତେଗୁଡ଼ିଏ ଶବ୍ଦ ଦିଆଯାଇଛି, ଡାହାଣ ପାଖ କୋଠରିରେ ତାହାର ଅର୍ଥ ଦିଆଯାଇଛି | ଠିକ୍ ଅର୍ଥ ବାଛି ସେହି ଶବ୍ଦ ନିକଟରେ ଲେଖିବା |
ପ୍ରଦତ୍ତ ଶବ୍ଦ ଠିକ୍ ଅର୍ଥ

ଅପକ୍ଵ            କଞ୍ଚା
ଥାଳ              ଲାଉ ଖୋଳରେ ତିଆରି ଭିକ୍ଷାପାତ୍ର
ଇଙ୍ଗିତ           ଇସାରା
ଉଥଳ            ଅସ୍ଥିର
ଅଭିନିବେଶ     ମନୋଯୋଗ

୫. “କ” ସ୍ତମ୍ଭରେ କେତୋଟି ଶବ୍ଦ, “ଖ” ସ୍ତମ୍ଭରେ ସେହି ଶବ୍ଦ ସମ୍ପର୍କିତ ବାକ୍ୟ ଓ “ଗ” ସ୍ତମ୍ଭରେ ସେହି ଶବ୍ଦର ଅର୍ଥ ରହିଛି | ଆସ ‘କ’ ଓ ‘ଖ’ ସ୍ତମ୍ଭକୁ ମିଶାଇବା ପରେ ‘ଗ’ ସ୍ତମ୍ଭରୁ ଅର୍ଥ ଖୋଜି ପୁଣି ଥରେ ଶବ୍ଦ, ଅର୍ଥ ସହ ବାକ୍ୟଟିକୁ ଲେଖିବା |

ଉ : ଏହି ମିଥ୍ୟା ସଂସାର ମାୟାପୂର୍ଣ୍ଣ |

ଶିଶୁଟିର ସତେଜ ମୁଖଟିକୁ ଦେଖି ଖୁସିହେଲି |

ପ୍ରଭୁ ଗଣେଶଙ୍କର ରାଶିରେ ତିଆରି ଲଡୁପ୍ରିୟ |

କାଶ୍ମୀରର ଦୃଶ୍ୟ ଦେଖି ମହେଶ ନିଜକୁ ଭୁଲି ଗଲେ |

ମୁଖ୍ୟମନ୍ତ୍ରୀଙ୍କ ଆତିଥ୍ୟରେ ଅତିଥି ବିହ୍ଵଳ ହୋଇଗଲେ |

୬. ଯେପରି ‘ମୁକ୍ତ’ ଶବ୍ଦ ସହ ‘ମାୟା’ ମିଶି ‘ମାୟାମୁକ୍ତ’ ହେଲା, ସେହିପରି ଦିଆଯାଇଥ‌ିବା ଶବ୍ଦଗୁଡ଼ିକରୁ ଉପଯୁକ୍ତ ଶବ୍ଦ ବାଛି ନୂଆ ଶବ୍ଦଗୁଡ଼ିକ କ’ଣ ହେବ, ଲେଖିବା |

ଲୋଭମୁକ୍ତ

ଶାପମୁକ୍ତ

ଦୁର୍ନୀତିମୁକ୍ତ

ଋଣମୁକ୍ତ

ଶୋଷଣମୁକ୍ତ
୭. ‘ନେତ୍ରପାତ’ ପରି ତଳେ କେତେଗୁଡ଼ିଏ ଶବ୍ଦ ଦିଆଯାଇଛି । ସେହି ଶବ୍ଦଗୁଡ଼ିକୁ ନେଇ ବାକ୍ୟଗଠନ କରିବା |

ପ୍ରଦତ୍ତ ଶବ୍ଦ ବାକ୍ୟ

ବୃଷ୍ଟିପାତ – ବୃଷ୍ଟିପାତ ହେତୁ ଜନଜୀବନ ବ୍ୟସ୍ତ ହୋଇଗଲାଣି |

ରକ୍ତପାତ – ରକ୍ତପାତ ହେତୁ ରୋଗୀଟି ନିସ୍ତେଜ ହୋଇଗଲା |

କରକାପାତ – କରକାପାତ ଫସଲ ନଷ୍ଟ କରିଦିଏ ।
ଦୃଷ୍ଟିପାତ – ବାପାଙ୍କ ଦୃଷ୍ଟିପାତରେ ପିଲାଟି ଭୟ ପାଇଲା |
କର୍ଣ୍ଣପାତ – ଦୁଃଖି ର ଦୁଃଖ ପ୍ରତି କେହି କର୍ଣ୍ଣପାତ କଲେ ନାହିଁ |

୮. ତଳେ ଦିଆଯାଇଥ‌ିବା ଅନୁଚ୍ଛେଦଟି ପଢ଼ି କେତୋଟି ପ୍ରଶ୍ନ ଦିଆରି କରିବା |
ସୁନନ୍ଦାର ବେପଥୁ ହାତ ବଢ଼ାଇ ଦେଲା କୋଡ଼ିଏଟି ଟଙ୍କା, ଆଖୁର ପାଣିରେ ତାଙ୍କର ଆଖ୍ ଦୁଇଟି ସେତେବେଳକୁ ବୁଡ଼ି ଯାଇଥିଲା । ଏଭଳି ଭାବପ୍ରବଣା ମାଆଙ୍କୁ ଦେଖୁ ସେବକଟି ବୋଧହୁଏ ସଙ୍କୁଚିତ ନ ହୋଇ କହିଲା – ମାଆ, ଏ ଜାତି ଅଭିଶପ୍ତ । କେବେ ଶୁଣିଛନ୍ତି, ନ ଖାଇ ଭୋକ ଉପାସରେ କେଉଁ ଜାତି ମରିଛି ? ମଫସଲର କାହାଣୀ ନ ଶୁଣିବା ହିଁ ଭଲ । ପଟାଳି ପରେ ପଟାଳି, କେବେ ଅନାହାର ନୁହେଁ ମହାମାରୀ, ମାଲେରିଆ, ଅଖାଦ୍ୟ ଖାଇଲେ ପିଣ୍ଡ ରହିବ ତ ମାଆ ? ମୁଁ ଯାଏ ଧନ୍ୟବାଦ …….. ରାମ ନାମ ସତ୍ୟ ହେ ………. ।
ପ୍ରଶ୍ନ-
କ) କାହାର ବେପଥୁହାତ କୋଡିଏ ଟଙ୍କା ବଢ଼ାଇ ବଢାଇଦେଲା ?

ଖ) କିଏ କହିଲା ଏ ଜାତି ଅଭିଶପ୍ତ ?

ଗ) କାହାର କାହାଣୀ ନ୍ ଶୁଣିବା ଭଲ ?

୯. ଶବ୍ଦଗୁଡ଼ିକର ବନାନ୍ ଠିକ୍ କରି ଲେଖିବା ।
ବୁଭୂକ୍ଷା – ବୁଭୁକ୍ଷା
ଗବାକ୍ଷ – ଗବାକ୍ଷ

ଆଦ୍ର – ଆର୍ଦ୍ର
ଉପାଷ – ଉପାସ
ଶନ୍ୟାସି – ସନ୍ନ୍ୟାସୀ
ଅର୍ଣ୍ଣପୂର୍ଣ୍ଣା – ଅନ୍ନପୂର୍ଣ୍ଣା
ଉର୍ଦ୍ଧ୍ବ – ଊର୍ଦ୍ଧ୍ବ
ବତ୍କୃତା – ବକ୍ତୃତା
ଅନ୍ତର୍ଯ୍ୟାମି – ଅନ୍ତର୍ଯ୍ୟାମୀ
ମୁର୍ତ୍ତି – ମୂର୍ତ୍ତି

Dushara Bheti ଦଶହରା ଭେଟି Class 8 Odia Chapter 13 Question and Answer

RATINGS

Out of 1 ratings.

Other Chapters

Suggested