ଆହୁତି

୧) ଆସ, କଥାବାର୍ତ୍ତା ହେବା |

କ) ବାପାଙ୍କ ଫଟୋକୁ ଦାଣ୍ଡଘରେ କାହିଁକି ଟଙ୍ଗା ହେଲା ?

ଉ: ରିଟାୟାର୍ଡ କଲାପରେ ବାପାଙ୍କ ପାଇଁ ବୈଠକଖାନା ଥିଲା ସବୁଠାରୁ ବଡ଼ତୀର୍ଥ | ତାଙ୍କର ଶେଷଜୀବନ ସେ ସେହି ଚାରିକାନ୍ଥ ମଧ୍ୟରେ କଟାଇଥିଲେ | ତେଣୁ ବାପାଙ୍କ ଫଟୋକୁ ଦାଣ୍ଡଘରେ ଟଙ୍ଗାହେଲା |

ଖ) ଚଞ୍ଚଳା ଝିଅ ବାହାଘର ପାଇଁ ବ୍ୟସ୍ତ ହେଉଥୁଲେ କାହିଁକି ?

ଉ : ଚଞ୍ଚଳା ଥିଲେ ଦେବେନ୍ଦ୍ରନାଥଙ୍କର ଧର୍ମପତ୍ନୀ | ତାଙ୍କର ପାଞ୍ଚୋଟି ଝିଅ ଥିଲେ | ଶୁଶୁର ଗଜେନ୍ଦ୍ରନାଥଙ୍କ ଦଶାହ କ୍ରିୟାକୁ ଆସି ସେ ସମ୍ପତ୍ତି ବାଣ୍ଟରା ନୂଆ ତୁଟାଇବାକୁ ସ୍ୱାମୀ ଦେବେନ୍ଦ୍ରଙ୍କୁ ବୁଝାଇଥିଲେ | ଝିଅମାନଙ୍କ ପରୀକ୍ଷା ଥିବାରୁ ସେ ଶୀଘ୍ର ଅଡୁଆ ତୁଟାଇ ଚାଲିଯିବାକୁ ଚାହିଁଥିଲେ | ବି.ଏ. ପଢୁଥିବା ଝିଅ ପାଇଁ ସୁନ୍ଦର ଘର, ଗୁଣର ବରଟିଏ ମିଳିଥିବାରୁ ସେ ଝିଅ ବାହାଘର ପାଇଁ ବ୍ୟସ୍ତ ହେଉଥିଲେ |

ଗ) ଦେବେନ୍ଦ୍ରଙ୍କୁ ରାଜେନ୍ଦ୍ର ଟଙ୍କା ମାଗିବାର କାରଣ କ’ଣ ଥିଲା ?

ଉ : ରାଜେନ୍ଦ୍ର ସାନଭାଇ ଏବଂ ଦେବେନ୍ଦ୍ର ବଡ଼ଭାଇ | ପିତା ଗଜେନ୍ଦ୍ରନାଥଙ୍କ ଦଶାହ କ୍ରିୟା କରିବା ନିମିତ୍ତ ସମସ୍ତେ ଏକାଠି ହୋଇଥିଲେ | ସେହି କାର୍ଯ୍ୟ ପାଇଁ ବିଭିନ୍ନ ଜିନିଷ ଯୋଗାଡ଼ର ଆବଶ୍ୟକତା ଥିଲା | ରାଜେନ୍ଦ୍ର ଦାୟିତ୍ଵ ନେଇ ସବୁ ଯୋଗାଡ଼ କରିବା ସହିତ ବୁଝାବୁଝି କରୁଥିଲା | ତାହା ସହରାଞ୍ଚଳ ହୋଇନଥିବାରୁ ସବୁ ଜିନିଷ ଏକାଥରକେ ମିଳିବା ସମ୍ଭବ ନୁହେଁ; ତେଣୁ ରାଜେନ୍ଦ୍ର ସେ ସବୁକୁ ସଂଗ୍ରହ କରୁଥିଲା | ହଣ୍ଡା - କଡ଼େଇ, ବାଲ୍ଟି - ମଗ, ଚାନ୍ଦୁଆ – ଦରି ସବୁ ଠିକ୍ କରିସାରିବା ପରେ ପୂଝାରୀର ବରାଦ ମୁତାବକ ସଉଦା ପାଇଁ ଦେବେନ୍ଦ୍ରଙ୍କୁ ରାଜେନ୍ଦ୍ର ଟଙ୍କା ମାଗୁଥିଲେ |

ଘ) ଚଞ୍ଚଳାଙ୍କ କଥାରେ ଦେବେନ୍ଦ୍ର କାହିଁକି ଚମକି ପଢ଼ିଥିଲେ ?

ଉ : ଚତୁରୀ ଚଞ୍ଚଳା ଦେବେନ୍ଦ୍ରଙ୍କ ଧର୍ମପତ୍ନୀ | ଶ୍ୱଶୁରଙ୍କ ସମ୍ପରି ବାଣ୍ଟି ନେବା ପାଇଁ କୁଟିଳ ବୁଦ୍ଧିର ଆଶ୍ରୟ ନେଇ ସେ ନାନା ପ୍ରସଙ୍ଗରେ ମନର କଥାକୁ ରାଜେନ୍ଦ୍ର ଆଗରେ ଉପସ୍ଥାପନ କରିଥିଲେ | ସବୁଭାଇମାନେ ଏକାଠି ହୋଇଥିବାରୁ ମା’ ଥାଉ ଥାଉ ବାପାଙ୍କ ସମ୍ପତ୍ତି ସବୁ ଭାଇ ବାଣ୍ଟି ନେବାକୁ ସେ ରାଜେନ୍ଦ୍ରଙ୍କୁ ପରାମର୍ଶ ଦେଇଥିଲେ | ବାପାଙ୍କ ସମ୍ପତ୍ତି ରହିବ ଗାଁରେ; ସବୁ ଭାଇ ରହିବେ ବିଦେଶରେ | ଏଭଳି ପରିସ୍ଥିତିରେ ସାଇ-ପଡ଼ିଶା, ଭାଇ - ଭଗାରି କିଏ କେତେବେଳେ ମାଡ଼ି ବସିବେ | ନଚେତ୍ ଚୋର ଡକାଏତ୍ ସମ୍ପତ୍ତି ପାଇଁ ମା’ଙ୍କ ପ୍ରାଣ ନେବେ ବୋଲି ଚଞ୍ଚଳା କହିଲେ | ଏକଥା ଶୁଣି ଦେବେନ୍ଦ୍ର ଚମକିପଡ଼ିଲେ |

ଙ) ମା’ଙ୍କୁ କେଉଁକଥା ବୁଝାଇ ହେବ ନାହିଁ ବୋଲି ଦେବେନ୍ଦ୍ର କହିଥଲେ ?

ଉ : ମ୍ରିୟମାଣା ହୋଇଥିବା ମାଆଙ୍କୁ ଦେବେନ୍ଦ୍ର ବାବୁ ଯେତେ ବୁଝାଇଲେ ମଧ୍ୟ ସେ ବୁଝୁନଥିଲେ | ତାଙ୍କୁ କ’ଣ କହି କିଭଳି ଭାବରେ ବୁଝାଇବେ ବୋଲି ମହେନ୍ଦ୍ର ବାବୁ ସ୍ଥିର କରିପାରୁନଥିଲେ | ସାଥିରେ ଥିବା ଭଉଣୀ କୁନି ମଧ୍ୟ ବୁଝାଇଥିଲେ ବି କିଛି ଫଳ ହୋଇନଥିଲା | ମହେନ୍ଦ୍ର ସେହି କଥାକୁ ବଡ଼ଭାଇ ଦେବେନ୍ଦ୍ରଙ୍କୁ କହିଲେ | ଦେବେନ୍ଦ୍ର ହୃଦୟଙ୍ଗମ କଲେ ଯେ

ଯେତେ କନ୍ଦାକଟା, ଛେଚି କଚାଡ଼ି ହେଲେ ବି ବାପା ଆଉ ଫେରି ଆସିବେନି, ସେ ତାଙ୍କର ଯିବା ବାଟରେ ସବୁଦିନ ପାଇଁ ଚାଲିଗଲେ ଏକଥା ମା’ଙ୍କୁ ବୁଝାଇ ହେବନି |

୨) ଆସ, ତଳେ ଦିଆଯାଇଥିବା ପ୍ରତି ପ୍ରଶ୍ନର ଉତ୍ତର ଦୁଇ ବା ତିନୋଟି ଲେଖାଏଁ ବାକ୍ୟରେ ଲେଖିବା |

କ) “ମୁଗୁରାମେଲା” ବୋଲି ଚଞ୍ଚଳା କାହିଁକି କହିଥିଲେ ?

ଉ : ସୁଚତୁରୀ ଚଞ୍ଚଳା ସ୍ଵାମୀ ଦେବେନ୍ଦ୍ରଙ୍କୁ ରାତିସାରା ପାଖରେ ବସାଇ ସମ୍ପତ୍ତି ଭାଗବଣ୍ଟା ପାଇଁ ପରାମର୍ଶ ଦେଇଥିଲେ | ଦେବେନ୍ଦ୍ର ପନ୍ତ୍ରୀଙ୍କର ସେହି ବୁଦ୍ଧିକୁ କାର୍ଯ୍ୟରେ ନ ଲଗାଇଥିବାରୁ “ମୁଗୁରାମେଲା” ବୋଲି ଚଞ୍ଚଳା କହିଥିଲେ |

ଖ) ରାଜେନ୍ଦ୍ରଙ୍କ ପାଖରେ ନିଜ ମନ କଥା କହିବାକୁ ଚଞ୍ଚଳା କିପରି ଛଳନା କରିଥିଲେ ?

ଉ : ଚଞ୍ଚଳା ଶ୍ଵଶୁରଙ୍କ ଶୁଦ୍ଧକର୍ମରେ ଆସି ସମ୍ପତ୍ତି ବାଣ୍ଟ କରିବାକୁ ଚାଲ୍ କରିଥିଲେ | ସ୍ଵାମୀଙ୍କ ଦ୍ଵାରା ତାହା ସମ୍ଭବ ନହେବାରୁ ନିଜ ମନକଥା ରାଜେନ୍ଦ୍ରଙ୍କ ପାଖରେ କହିବାକୁ ସେ ଛଳନାର ଆଶ୍ରୟ ନେଇଥିଲେ | ମଝିଆ ଭାଇ, ସାନଭଉଣୀଙ୍କ ସଲାସୁତୁରା, ରାଜେନ୍ଦ୍ରଙ୍କ ଫ୍ୟାକ୍ଟ୍ରି କରିବା ଏବଂ ବାପସମାନ ଭାଇ ତମର କହୁଥିଲେ.......... ଇତ୍ୟାଦି କହି ସେ ନିଜ ମନକଥାକୁ ପ୍ରକାଶ କରିବାକୁ ଚାହୁଁଥିଲେ |

ଗ) ଭାଇଭାଗ ସମ୍ପର୍କରେ ଦେବେନ୍ଦ୍ର କ’ଣ କହିଥିଲେ ?

ଉ : ଗଜେନ୍ଦ୍ରବାବୁଙ୍କ ମୃତ୍ୟୁ ପରେ ବଡ଼ପୁଅ ଦେବେନ୍ଦ୍ର, ମଝିଆପୁଅ ମହେନ୍ଦ୍ର ଓ ସାନପୁଅ ରାଜେନ୍ଦ୍ରଙ୍କ ମଧ୍ୟରେ ସମ୍ପତ୍ତି ବାଣ୍ଟି ନେବାର ମତ ସ୍ଥିର ହେଲା | ଏଥିରେ ବଡ଼ଭାଇ ଭାବରେ ଦେବେନ୍ଦ୍ର ବାଣ୍ଟ ସମ୍ପର୍କରେ ପ୍ରସ୍ତାବ ଦେଲେ | ସେମାନଙ୍କ ମଧ୍ୟରେ କିଛି ଭୁଲ୍ ବୁଝାମଣା ନଥିବାରୁ ସେ ପ୍ରସ୍ତାବ ଦେଲେ ଯେ ପୁରୁଣା ଖାନଦାନୀ ଘର ଖଣ୍ଡିକ ଖଞ୍ଜା ସହିତ ମହେନ୍ଦ୍ର ନେବେ, ପୋଖରୀ ଓ ତୋଟା ରାଜେନ୍ଦ୍ର ନେବେ, ନିଜେ ଚାଷ ଜମି ନେବେ |

ଘ) ଦେବେନ୍ଦ୍ରଙ୍କୁ ମା’ କ’ଣ କହିଥିଲେ ?

ଉ : ଦେବେନ୍ଦ୍ରଙ୍କୁ ମା କହିଲେ ଯେ, କୁନି ବି ଏ ଘରର ଝିଅ | ତମମାନଙ୍କର ଗୋଟିଏ ବୋଲି ଭଉଣୀ ସିଏ | ବାହାସାହା ହେଇ ପରଘରକୁ ବୋହୂ ହୋଇ ଚାଲିଯାଇଚି ବୋଲି ତା’ ଭାଗକୁ ଯେମିତି ବୁଡ଼େଇ ନ ଦିଅ |

ଙ) ମା’ଙ୍କୁ ପାଖରେ ରଖୁବାକୁ କୁନି ମନାକଲେ କାହିଁକି ?

ଉ : ମା’ଙ୍କୁ ପାଖରେ ନେଇ ରଖୁଲେ କୁନି ବେଶି ଖୁସି ହୁଅନ୍ତା | କିନ୍ତୁ ପୁଅମାନେ ଥାଉ ଥାଉ ମା’ଯଦି ଝିଅ ଘରେ ଆଶ୍ରା ନିଏ ତେବେ ଲୋକେ କ’ଣ କହିବେ ? ଏହି ଲୋକ ନିନ୍ଦା ପାଇଁ ମା’ଙ୍କୁ ପାଖରେ ରଖିବାକୁ କୁନି ମନା କଲେ |

୩) ତଳେ ଦିଆଯାଇଥିବା ବାକ୍ୟକୁ ସରଳଭାଷାରେ ବୁଝାଇ ଲେଖିବା |

କ) ଏଡ଼େ ସୁନ୍ଦର ଘର........ ଏଡ଼େ ଗୁଣର ବରକୁ ଛାଡ଼ିଦେଲେ, ତମ ଝିଅର କପାଳ ତ ଫିଟିବନି, ହେଲେ ଜରୁର୍ ଫାଟିବ – ମୁଁ କହି ରଖୁଛି, ହଁ.... |

ଉ : “ଏଡ଼େ ..... ହଁ.... |”

ଉକ୍ତ ଉଦ୍ଧୃତାଂଶଟି “ଆହୁତି” ଶୀର୍ଷକ ଏକାଙ୍କିକାରୁ ଆନୀତ | ଆଲୋଚ୍ୟ ପ୍ରସଙ୍ଗରେ ନାଟ୍ୟକାର କାର୍ତ୍ତିକ ରଥ ଚତୁରୀ ଚଞ୍ଚଳାର ମାନସିକତାର ପରିଚୟ ପ୍ରଦାନ କରିଛନ୍ତି |

ଚଞ୍ଚଳା ଥିଲେ ଦେବେନ୍ଦ୍ରଙ୍କର ଧର୍ମପତ୍ନୀ | ତାଙ୍କର ପାଞ୍ଚଗୋଟି ଝିଅଥଲେ | ଶ୍ଵଶୁର ଗଜେନ୍ଦ୍ରନାଥଙ୍କର ଦଶାହକ୍ରିୟାକୁ ଆସି ସମ୍ପର୍କ ବାଣ୍ଟରା ଅଡ଼ୁଆ ତୁଟାଇବାକୁ ସେ ସ୍ଵାମୀଙ୍କୁ ବୁଝାଇଥିଲେ | ଝିଅମାନଙ୍କର ପରୀକ୍ଷାଥବାରୁ ସେ ଶୀଘ୍ର ଅଡୁଆ ତୁଟାଇବାକୁ ଚାହୁଁଥିଲେ | ବି.ଏ. ପଢ଼ୁଥିବା ବଡ଼ଝିଅପାଇଁ ସୁନ୍ଦର ଘର ଓ ଗୁଣର ବରଟିଏ ମିଳିଥିବାରୁ ସେହି ସୁଯୋଗକୁ

ହାତଛଡ଼ା କରିବା ଠିକ୍ ହେବନାହିଁ ବୋଲି ସ୍ୱାମୀଙ୍କୁ ଜଣାଇଦେଲେ | ଏଭଳି ଘଟିଲେ ଝିଅର କପାଳ ଫିଟିବା ପରିବର୍ତ୍ତେ ଫାଟିବ ବୋଲି ସେ ସ୍ଵାମୀଙ୍କୁ ସତର୍କ କରାଇ ଦେଲେ |

ଖ) “ଆଜିଠୁ ସେ ସବୁ ଝାମେଲା ତୁଟେଇ ନଦେଲେ, ତୁମର ଏଇ ଯୋଉ ଭାଇ ନା.... ଛାଡ଼ |”

ଉ : “ଆଜିଠୁ .....ଛାଡ଼ |”

ଉକ୍ତ ଉଦ୍ଧୃତାଂଶଟି “ଆହୁତି” ଶୀର୍ଷକ ଏକାଙ୍କିକାରୁ ଆନୀତ | ଆଲୋଚ୍ୟ ପ୍ରସଙ୍ଗରେ ନାଟ୍ୟକାର କାର୍ତିକ ରଥ ଚଞ୍ଚଳାଙ୍କ ଚତୁର ପୂର୍ଣକଥା ସମ୍ପର୍କରେ ବର୍ଣନା କରିଛନ୍ତି |

ଚଞ୍ଚଳା ଥିଲେ ସୁଚତୁରୀ, ବୁଦ୍ଧିମତୀ ଓ କୁଟିଳା | ସେ ଶ୍ଵଶୁରଙ୍କ ଶୁଦ୍ଧକର୍ମରେ ଆସି ସମ୍ପତ୍ତି ବାଣ୍ଟ କରିଦେବାର ଚାଲ୍ ରଖୁଥିଲେ | ସ୍ଵାମୀ ଦେବେନ୍ଦ୍ରଙ୍କୁ ସେ ବିଷୟରେ ଭାଇମାନଙ୍କ ସହିତ ଆଲୋଚନା କରିବାକୁ ଶିକ୍ଷା ଦେଇଥିଲେ | ଦେବେନ୍ଦ୍ର ତାହା କରି ନଥିବାରୁ ସେ ଛଳନାର ଆଶ୍ରୟ ନେଇଥିଲେ | ରାଜେନ୍ଦ୍ର ଓ ମହେନ୍ଦ୍ରଙ୍କୁ ବିଭିନ୍ନ ଭାବରେ ପ୍ରଭାବିତ କରିଥିଲେ | ସେ ମହେନ୍ଦ୍ରଙ୍କୁ ବୁଝାଇ କହିଥିଲେ ଯେ “ଚକେ ଗଡ଼ିଲେ ବାରହାତ” ଅର୍ଥାତ୍ କେତେବେଳେ କେଉଁ କଥା ତେଣୁ ସବୁ ଝାମେଲା ତୁଟାଇ ଦେବା ଭଲ | ସେ ସବୁକାମ ତାଙ୍କ ସ୍ୱାମୀ ଅର୍ଥାତ୍ ମହେନ୍ଦ୍ର ଓ ରାଜେନ୍ଦ୍ରଙ୍କ ଭାଇ ଦେବେନ୍ଦ୍ରଙ୍କ ଦ୍ଵାରା ହୋଇ ପାରିବ ନାହିଁ ବୋଲି ସେ ମତ ଦେଇଥିଲେ |

୪) ତଳେ ଦିଆଯାଇଥିବା ଉକ୍ତିଗୁଡ଼ିକର ଅର୍ଥ ବୁଝାଇ ଲେଖିବା |

କ) “ମୁଗୁରାମେଲା” –

ଉ : “ମୁଗୁରାମେଲା” – ଉଦ୍ଦେଶ୍ୟ ସଫଳ ନହେବା |

ଏହା ଦେବେନ୍ଦ୍ରଙ୍କ ପତ୍ନୀ ଚଞ୍ଚଳାଙ୍କ ଉକ୍ତି | ସମ୍ପତ୍ତି ବାଣ୍ଟପାଇଁ ଚଞ୍ଚଳା ସ୍ଵାମୀ ଦେବେନ୍ଦ୍ରଙ୍କୁ ଚତୁର ପରାମର୍ଶ ଦେଇଥିଲେ ହେଁ ତାହା କାର୍ଯ୍ୟକାରୀ ହୋଇପାରିନଥିବାରୁ ସେ ଏହା କହିଛନ୍ତି |

ଖ) “ଠ ଠା ଠି’ ହେଇ ଛିଡ଼ିଯିବ -

ଉ : “ଠ ଠା ଠି” ହେଇ ଛିଡ଼ିଯିବ– ସବୁ ଅଡ଼ୁଆ ଏକାଥରେ ତୁଟିଯିବ |

ଏହା ଦେବେନ୍ଦ୍ରଙ୍କ ପତ୍ନୀ ଚଞ୍ଚଳାଙ୍କ ଉକ୍ତି | ମହେନ୍ଦ୍ର ଦେବେନ୍ଦ୍ରଙ୍କ ନିକଟରେ ତୋଟା, ପୋଖରୀ, ଘର ଓ ଜମିର ମୂଲ୍ୟପ୍ରାୟ ସମାନ ହେବ ବୋଲି ସୂଚନା ଦେବାରୁ ଏହାକୁ ସମର୍ଥନ କରି ଚଞ୍ଚଳା କହିଥିଲେ ଯେ ତା’ମାନେ କିଛି ଅସୁବିଧା ନାହିଁ | କଥା ଆଉ କାମ ଦିଟା ଯାକ ଏକାଥରେ ଠ,ଠା ଠି ହେଇ ଛିଡ଼ିଯିବ |

ଗ) ନା ଉପୁରି ଅଛି ନା ସପୁରୀ –

ଉ : ନା ଉପୁରି ଅଛି ନା ସପୁରୀ – କୌଣସି ଆୟବର୍ହିଭୂତ ସମ୍ପତ୍ତି ବା ଲାଞ୍ଚ |

ଦେବେନ୍ଦ୍ରଙ୍କର ଅଧିକ ଉପୁରି ଆୟ ନଥିବା ସମ୍ପର୍କରେ ସୂଚନା ଦେଇ ତାଙ୍କ ସ୍ତ୍ରୀ ଚଞ୍ଚଳା ଏହା କହିଛନ୍ତି, ତେଣୁ ସେ ମା’ଙ୍କୁ ନେଇ ଚଳାଇପାରିବେ ନାହିଁ |

ଘ) “ଚକେ ଗଲେ ବାର ହାତ”

ଉ : “ଚକେ ଗଲେ ବାର ହାତ” – ସମୟ ଓ ସୁଯୋଗ ହାତଛଡ଼ା ହେବା |

ଚତୁରୀ ଚଞ୍ଚଳା ଶ୍ଵଶୁରଙ୍କ ସମ୍ପତ୍ତି ବାଣ୍ଟପାଇଁ ମହେନ୍ଦ୍ରଙ୍କୁ ପ୍ରଭାବିତ କରିବାପାଇଁ ପ୍ରରୋଚନା ଦେଇ କହିଛନ୍ତି ଯେ ଚକେ ଗଲେ ବାର ହାତ, ତେଣୁ ସବୁ ଝାମେଲା ତୁଟାଇ ଦେବା ଉଚିତ |

ଙ) ପୋଡାକପାଳକୁ ଝିଅଗୁଡ଼ିକ ଟିକେ ସୁନ୍ଦର ହୋଇଥାନ୍ତେ ଭଲା |

ଉ : ପୋଡାକପାଳକୁ ଝିଅଗୁଡ଼ିକ ଟିକେ ସୁନ୍ଦର ହୋଇଥାନ୍ତେ ଭଲା ! – ଝିଅମାନେ ଅସୁନ୍ଦରୀ ବୋଲି ଚଞ୍ଚଳା କହିଛନ୍ତି |

୫) ତଳେ ଦିଆଯାଇଥିବା ଶବ୍ଦଗୁଡ଼ିକୁ ବ୍ୟବହାର କରି ବାକ୍ୟଗଠନ କରିବା |

ସାନ୍ତ୍ଵନା – ରୋଗୀକୁ ସାନ୍ତ୍ଵନା ଦେବା ଉଚିତ୍ |

ବିବ୍ରତ – ପିଲାଟି ବିବ୍ରତ ଜଣାପଡ଼ୁଛି |

ସାନ୍ନିଧ୍ୟ – ମହତ ଲୋକଙ୍କ ସାନ୍ନିଧ୍ୟ ମନରେ ଶାନ୍ତି ଦେଇଥାଏ |

ବୁଝାମଣା – ଉତ୍ତମ ବୁଝାମଣା ପରିବାରରେ ସୁଖ ଆଣିଥାଏ |

ଉଜାଗର – ଶିବରାତ୍ରି ଦିନ ଭକ୍ତମାନେ ଉଜାଗର ରହନ୍ତି ।

୬) ଆସ, ତଳେ ଦିଆଯାଇଥିବା ଶବ୍ଦଗୁଡ଼ିକୁ ନେଇ ଗୋଟିଏ ଅନୁଚ୍ଛେଦ ଲେଖିବା |

ବାଟଖର୍ଚ୍ଚ, ତୀର୍ଥ, ଯୋଗାଡ଼ଯନ୍ତ୍ର,ଥଇଥାନ ,ସମ୍ପାଦନ, ଅର୍ଜନ, ବରାଦ

ଉ : ବାଟଖର୍ଚ୍ଚ ନଥିବାରୁ ରାଜେଶ ଭାରତରେ ଥିବା ବିଭିନ୍ନ ତୀର୍ଥ ସ୍ଥାନ ଯାଇପାରିଲା ନାହିଁ | ସାଙ୍ଗସାଥିଙ୍କ ଠାରୁ ଯୋଗାଡଯନ୍ତ୍ର କରି କିଛି ଟଙ୍କା ଆଦାୟ କଲା | ରାଜେଶ ତା ମା’ ଓ ଛୋଟ ଭାଇକୁ ଏକ ସାଙ୍ଗ ଘରେ ଥଇଥାନ କରି ସେ ଗୋଟିଏ ପୁଅର କର୍ତ୍ତବ୍ୟ ସମ୍ପାଦନା କରି ତୀର୍ଥସ୍ଥାନ ଭ୍ରମଣରେ ବାହାରିଲା | ଧର୍ମ ଅର୍ଜନ କରିବାର ମନୋବୃତ୍ତି ନେଇ ସେ ବିଭିନ୍ନ ସ୍ଥାନ ଭ୍ରମଣ କରି ତା’ ମା’ ପାଇଁ ଶାଢୀ ଓ ଭାଇ ପାଇଁ କିଛି ଏବଂ ସାଙ୍ଗସାଥିଙ୍କ ବରାଦ ମୁତାବକ କିଛି ସେହି ତୀର୍ଥସ୍ଥାନରୁ ଆଣିଥିଲା |

୭) ତଳେ ଦିଆଯାଇଥିବା ସଂଳାପଗୁଡିକ କିଏ କହିଛନ୍ତି, ଡାହାଣ ପାଖ ବନ୍ଧନୀରେ ତାଙ୍କ ନାମ ଲେଖିବା |

କ) ହଁ, ଭାଇ – ଚାକିରିରୁ ରିଟାୟାର୍ଡ କରି ଗାଁକୁ ଫେରିଲା ପରେ ଏଇ ବୈଠକଖାନା ଇ ତ ଥିଲା ବାପାଙ୍କର ସବୁଠୁ ବଡ଼ ତୀର୍ଥ |

ଉ : ରାଜେନ୍ଦ୍ର
ଖ) ବାପା ଗଲା ଦିନଠୁ ମା’ର ଅବସ୍ଥା ତ ଦେଖୁଛ ! ପାଞ୍ଚଦିନ ହୋଇଗଲା, ପାଣି ଟୋପାଏ ବି ମୁହଁରେ ଦଉନି |

ଉ : ଦେବେନ୍ଦ୍ର
ଗ) ହଁ, ଆଜି ବସି ସବୁ ଭାବିଲା ବେଳକୁ ବହୁତ ଡେରି ହୋଇଗଲାଣି |

ଉ : ମା’
ଘ) ବାପା ତମର ଯେ କେବେଠୁଁ ତାଙ୍କର ସ୍ୱ-ଅର୍ଜିତ ସମସ୍ତ ସମ୍ପତ୍ତିକୁ ଏକା ତୁମ ମା’ଙ୍କ ନାଁରେ ଇ ଉଇଲ୍ କରି ଦେଇଯାଇଛନ୍ତି |

ଉ : ଓକିଲ
ଙ) ଯଦି ଏଇଟା ସମ୍ଭବ ହୁଅନ୍ତା, ତା’ହେଲେ ତ ସବୁଠୁ ବେଶି ଖୁସି ମୁଁ ହୁଅନ୍ତି |

ଉ : କୁନି

୮) ତଳେ ଦିଆଯାଇଥିବା ଅନୁଚ୍ଛେଦଟିକୁ ପଢ଼ି ତା’ପାଇଁ କେତେଗୁଡ଼ିଏ ପ୍ରଶ୍ନ ତିଆରି କରିବା |

ବୁଝିଲେ ଭାଇ – ସେଇ ଦୁଇ ପ୍ରାଣୀ ବୋଲି ଇ ତ ସବୁଠୁ ବେଶି ସମସ୍ୟା ! ସେ ଗୋଟାଏ ଜାଗାରେ ଏକା ତ ମୁଁ ଆଉ ଗୋଟାଏ ଏକେଲା ! ସେ ତା’ଚାକିରିକୁ ନେଇ ବ୍ୟସ୍ତ ତ ମୁଁ ପ୍ୟାକରୀ କରିବି ବୋଲି ବିବ୍ରତ ! ନା ତାକୁ ଫୁରସତ୍ ମିଳୁଚି, ନା ମତେ ! ନା ସେ ସେଠି ଦିନସାରା ଘରେ ରହୁଚି, ନା ମୋର କୋଉଠି ଘର ବୋଲି କିଛି ଠିକଣା ଅଛି ? ଏମିତିରେ ମା’ର ଦେଖାଶୁଣା କିଏ କରିବ ? ତା’ର ଯନ୍ତ୍ର କିଏ ନେବ ? ବଡ଼ ସମସ୍ୟା ଯୋଗୁଁ ଇ ତ ସେ ଏତେଗୁଡ଼ାଏ ଦିନ ଛୁଟି ନେଇ ଏତେ ବାଟରୁ ଦଶାହ ଖଟିବାକୁ ଆସିପାରିଲାନି | ଚାକିରିର ଚାପ ! କ’ଣ ଆଉ କରାଯାଏ | ଆଚ୍ଛା କୁନି ! ମା’ଯଦି ତୋ’ ପାଖରେ ରହିଯାନ୍ତା ……………………?
ଉ :
କ) କେତେ ଜଣ ପ୍ରାଣୀ ସବୁଠୁ ସମସ୍ୟା ?
ଖ) କେଉଁ ବିଷୟକୁ ନେଇ ଦୁଇଜଣ ବ୍ୟସ୍ତ ଓ ବିବ୍ରତର ଥିଲେ ?

ଗ) କାହାର ଦେଖାଶୁଣା କଥା କୁହାଯାଇଛି ?

ଘ) କ’ଣ ଖଟିବାକୁ ଆସିପାରିଲେନି ?

୯) “ହରବର” ପରି ଆଉ ପାଞ୍ଚଟି ଶବ୍ଦ ଲେଖିବା |

ଉତ୍ତର : ଥରହର, ଭରଭର, ଫରଫର, ଡରହର, ସରସର

୧୦) ଭୁଲ ଥିବା ଶବ୍ଦକୁ ବାଛି ତା’ ପାଖରେ ଠିକ୍ କରି ଲେଖିବା |
ବଇରି — ବଇରୀ
ସିନ୍ଦୁର — ସିନ୍ଦୂର
ପ୍ରସ୍ଥ।ବ — ପ୍ରସ୍ତାବ
ଅର୍ଥନିତୀ — ଅର୍ଥନୀତି
ପୁଝାରୀ — ପୂଝାରୀ
ପ୍ରସଂସ। — ପ୍ରଶଂସା
ବେ।ହୁ — ବୋହୂ
ପୁରା — ପୂରା
ଯାଗା — ଜାଗା
ମୁହୁର୍ତ୍ତ — ମୁହୂର୍ତ୍ତ

Ahuti ଆହୁତି Class 8 Chapter 15 Question and Answer

Ratings